روڈ ٹرانسپورٹ اور ہائی ویز کے مرکزی وزیر جناب نتن گڈکری نے آج اپنی پوسٹ میں کہا کہ وزیر اعظم جناب نریندر مودی جی کی قیادت میں سوچھ بھارت مشن نے اپنے آغاز سے لے کر اب تک  ملک میں صفائی ستھرائی کو ایک عوامی تحریک میں تبدیل کر دیا ہے۔

आदरणीय प्रधानमंत्री श्री @narendramodi जी के नेतृत्व में आज स्वच्छ भारत मिशन ने अपने शुरुआत से अब तक देश में स्वच्छता को जनआंदोलन में बदल दिया है।#SwachhataHiSeva #SwachhBharat #Shramdaan pic.twitter.com/0TVusUWEHf

— Nitin Gadkari (@nitin_gadkari) October 1, 2023

سڑک ٹرانسپورٹ اور شاہراہوں کی وزارت اور اس کی ماتحت تنظیموں – این ایچ اے آئی،این ایچ آئی ڈی سی ایل،آئی اے ایچ ای نے آج ‘سوچھتا ہی سیوا’ مہم میں بڑھ چڑھ کر حصہ لیا، مہاتما گاندھی کو خراج عقیدت پیش کیا اور صفائی ستھرائی اور کمیونٹی کی شراکت کی اہمیت پر زور دیا۔ سوچھتا (صفائی) کے لیے ‘شرمدان’ کی کال وزیر اعظم جناب نریندر مودی نے حال ہی میں ‘من کی بات’ میں دی تھی۔ انہوں نے  لوگوں سے کہا تھا کہ وہ ایک گھنٹہ وقف کریں – ‘‘ایک تاریخ، ایک گھنٹہ، ایک ساتھ’’ - آج کمیونٹی کے ساتھ صفائی کی سرگرمیوں کے لیے۔

سڑک ٹرانسپورٹ اور شاہراہوں کی وزارت کے سکریٹری جناب انوراگ جین نے حیدرآباد کے قریب ایک ٹول پلازہ پر صفائی ستھرائی کی  مہم میں ’شرمدان‘ کرتے ہوئے مہم کی قیادت کی اور دفاتر اور آس پاس کے دیگر مقامات پر صفائی برقرار رکھنے کی ضرورت پر زور دیا۔ ان کے ساتھ این ایچ اے آئی کے چیئرمین شری سنتوش کمار یادو اور دیگر سینئر افسران بھی تھے۔

سڑک ٹرانسپورٹ اور شاہراہوں کی وزارت کے جوائنٹ سکریٹری جناب کملیش چترویدی اور سڑک ٹرانسپورٹ اور شاہراہوں کی وزارت کے اے ڈی جی جناب ڈی سارنگی کی موجودگی میں ملک گیر مہم کے ایک حصے کے طور پر این ایچ 316 پر چندر بھاگا، کونارک (اڈیشہ) میں ساحل سمندر کی صفائی مہم چلائی گئی۔

اس اجتماعی کوشش سے ایک صاف ستھرا اور سرسبز ماحول  تیار کرنے کے لیے عزم کا اظہار ہوتا ہے۔ سڑک ٹرانسپورٹ اور شاہراہوں کی وزارت کے جوائنٹ سکریٹری جناب  ایس پی سنگھ نے گورنمنٹ ریذیڈنشیل ایکوموڈیشنز کمپلیکس، نیو موتی باغ، نئی دہلی کے باشندوں کے ساتھ ‘شرمدان’ میں حصہ لیا۔ این بی سی سی کے ملازمین نے بھی اس مہم میں حصہ لیا۔

ملک کے مختلف حصوں میں ایک ہزار سے زائد تقریبات کا انعقاد کیا گیا جن میں بڑی تعداد میں سینئر افسروں، عملے اور عام لوگوں نے شرکت کی۔

ملک کے بہت سے حصوں میں ٹول پلازہ سرگرمیوں کا مرکز بنے رہے کیونکہ یہ وہ جگہیں ہیں جہاں زیادہ سے زیادہ لوگوں کی آمد و رفت ہوتی ہے۔  راستوں کےکنارے واقع سہولیات، روڈ سائیڈ ڈھابوں اور پراجیکٹ سائٹس میں بھی صفائی مہم چلائی گئی۔

دہلی میں، این ایچ اے آئی  نے دوارکا ایکسپریس وے کے قریب صفائی مہم کا اہتمام  کیا جبکہ این ایچ آئی ڈی سی ایل نے کھنہ مارکیٹ، لودھی روڈ پر صفائی ستھرائی  کی سرگرمیاں چلائیں۔ انڈین اکیڈمی آف ہائی وے انجینئرز (آئی اے ایچ ای)، نوئیڈا میں ’سوچھتا کے لیے شرم دان‘  سرگرمیوں کا اہتمام کیا گیا، جن میں کمبوڈیا، لاؤس، میانمار اور ویتنام کے زیر تربیت افراد نے شرکت کی۔

۔۔۔۔۔۔۔۔۔۔۔

ش ح۔ا گ۔ن ا۔

U-10346                          

(Release ID: 1964114) Visitor Counter : 89