قبائلی امور کے مرکزی وزیر جناب ارجن منڈا نے 3 اکتوبر 2023 کو دہرہ دون میں اتراکھنڈ کے وزیراعلیٰ جناب پشکر سنگھ دھامی کی موجودگی میں  چوتھے ای ایم آر ایس   قومی ثقافتی اور ادبی فیسٹول اور کلااتسو -2023 کا افتتاح کیا۔ یہ تقریب قبائلی امور کی مرکزی وزارت کے تحت قبائلی طلبا کے لئے قومی تعلیمی سوسائٹی  (این ای ایس ٹی ایس ) کی جانب سے منعقد کی گئی ہے اور مہارانا پرتاپ اسپورٹس کالج  ،دہرہ دون میں  منعقدہ اس تقریب کی میز بانی  ایکلویہ ودیالیہ سنگٹھن سمیتی (ای وی ایس ایس ) ، اتراکھنڈ نے کی۔

ایکلویہ ماڈل رہائشی اسکول (ای ایم آر ایس ) ثقافتی فیسٹول، قبائلی طلباء کو مختلف شعبوں میں  اپنی چھپی ہوئی صلاحیت کو ظاہرکرنے کے لئے ایک قومی پلیٹ فارم فراہم کرتا ہے۔رواں سال 3سے 6 اکتوبر تک  منعقد ہونے والی اس چار روزہ تقریب کے دوران  22 ریاستوں کے 2000سے زائد قبائلی طلباء اپنی پرفارمنس کا مظاہرہ کریں گے۔اس فیسٹول میں  رقص اور نغموں کی پرفارمنس   سے لے کر کوئز  اور ویژول آرٹس وغیرہ   کے انعقاد کے لئے 20سے زیادہ تقاریب ہوں گی۔قبائلی ثقافت  کی  نمائش کو دکھانے کے لئے مختلف ریاستوں  کے اسٹالز  لگائے گئے ہیں۔

اس موقع پر جناب ارجن  منڈا نے کہا کہ اس طرح کی تقریبات بچوں اور اساتذہ کو  ایک دوسرے سے ملنے ، جاننے  اور ملک کے مختلف صوبوں کی ثقافت کے بارے میں معلومات حاصل کرنے کا ایک موقع فراہم  کرتی ہے، جس سے وزیراعظم نریندر مودی  کے ایک بھارت شریشٹھ بھارت کے وژن کی تکمیل ہوتی ہے۔انہوں نے کہا کہ میرا ماننا ہے کہ اس طرح کے پروگرام آپ کو راغب کریں  گے اور آپ کو اپنی ثقافت  اور ملک کے مختلف گوشوں میں آبادقبائلی برادریوں کی مالا مال ثقافت کے بارے میں جاننے کا اچھا موقع ملے گا۔

جناب پشکر دھامی نے اتراکھنڈ میں  قبائلیوں کی متنوع روایات  اور ثقافت  اور ریاست میں  درج فہرست  قبائلیوں کی فلاح وبہبودکے لئے چلائی جارہی مختلف  فلاحی اسکیموں  کے بارے میں تفصیلی جانکاری دی ۔افتتاحی تقریب کےدوران قبائلی امور کی وزارت میں  جوائنٹ سکریٹری  ڈاکٹر نول جیت کپور  اور این ای ایس ٹی ایف   کے کمشنر نے  ای ایم آر ایس اسکیم کے بارے میں جانکاری دی ۔افتتاحی تقریب کے دوران اتراکھنڈ کی قبائلی برادریوں اور ای ایم آر ایس  کے طلباء نے شاندار ثقافتی پرفارمنس  پیش  کیں۔

ای ایم آر ایس  قومی ثقافتی فیسٹول ای ایم آر ایس  میں  تعلیم حاصل کررہے قبائلی طلباء کے لئے ہرسال سب سے زیادہ انتظارکرنے والا پروگرام ہے ۔این ای ایس ٹی ایس،  پورے ہندوستان میں  درج فہرست قبائل  کے لئے ای ایم آر ایس  چلارہا ہے ۔ای ایم آر ایس اسکیم قبائلی امور کی وزارت کے اہم اقدامات میں سے ایک ہے اور اس کو  سال 19-2018 میں  نئی شکل دی گئی تھی تاکہ  دور دراز کے قبائلی علاقوں میں معیاری  تعلیم تک قبائلی طلباء کی رسائی کو یقینی بنایا جاسکے ۔

*************

  ش ح۔ع ح۔رم

U-10338      

(Release ID: 1964016) Visitor Counter : 98