"شریاس" کی امبریلا  اسکیم جس میں 4 مرکزی سیکٹر کی ذیلی اسکیمیں شامل ہیں یعنی "ایس سیز کے لیے اعلیٰ درجے کی تعلیم"، "ایس سی اور او بی سی کے لیے مفت کوچنگ اسکیم"، "قومی اوورسیز اسکیم برائے ایس سیز" اور "قومی فیلوشپ برائے ایس سیز"۔ چونکہ یہ تمام ذیلی اسکیمیں مرکزی شعبے کی اسکیمیں ہیں، اس لیے ان اسکیموں کے لیے ریاستی اعداد و شمار کو برقرار نہیں رکھا جاتا ہے۔ شریاس  کے تحت ذیلی اسکیموں کا خلاصہ اور مختص بجٹ، اخراجات کی تفصیلات اور پچھلے 9 سالوں یعنی 2014-15 سے استفادہ کنندگان کی تعداد درج ذیل ہے:

1. درج فہرست ذاتوں اور دیگر پسماندہ طبقات  کے لیے مفت کوچنگ اسکیم:

اس اسکیم کا مقصد معاشی طور پر پسماندہ درج فہرست ذاتوں (ایس سیز) اور دیگر پسماندہ طبقات (اوبی سیز) کے امیدواروں کے لیے اچھے معیار کی کوچنگ فراہم کرنا ہے تاکہ وہ سرکاری/پرائیویٹ سیکٹر میں مناسب ملازمتیں حاصل کرنے کے لیے مسابقتی اور داخلہ جاتی امتحانات میں شرکت کرسکیں اورمعروف تکنیکی اور پیشہ ورانہ اعلیٰ تعلیمی اداروں میں داخلہ حاصل کرسکیں۔ اسکیم کے تحت خاندان کی کل آمدنی کی حد 8 لاکھ سالانہ ہے۔ 3500 سلاٹ سالانہ الاٹ کیے جاتے ہیں۔ ایس سی  کا تناسب: اوبی سی  طلباء کا تناسب 70:30 ہے اور 30% سلاٹ ہر زمرے میں خواتین کے لیے مختص ہیں۔ ایس سی  زمرہ میں امیدواروں کی مناسب تعداد کی عدم دستیابی کی صورت میں وزارت اس تناسب میں نرمی کر سکتی ہے۔ تاہم، کسی بھی صورت میں، 50% سے کم ایس سی طلباء کی اجازت نہیں ہوگی۔

2014-15 سے 2022-23 تک 19,995 مستفیدین کو فائدہ پہنچانے کے لیے کل 109.77 کروڑ روپے جاری کیے گئے ہیں۔

2. درج فہرست ذاتوں  کے لیے اعلیٰ درجے کی تعلیم:

اس اسکیم کا مقصد درج فہرست ذاتوں  سے تعلق رکھنے والے طلباء کے درمیان مکمل مالی مدد فراہم کرکے معیاری تعلیم کو پہچاننا اور اسے فروغ دینا ہے۔ یہ اسکیم 12ویں جماعت سے آگے کی تعلیم حاصل کرنے کے لیے درج فہرست ذاتوں سے تعلق رکھنے والے  طلباء کا احاطہ کرے گی۔ اسکالرشپ، ایک بار دی جائے گی ، کورس کی تکمیل تک جاری رہے گی، طالب علم کی تسلی بخش کارکردگی سے مشروط رہے گی ۔ اسکیم کے تحت خاندان کی کل آمدنی کی حد 8 لاکھ سالانہ ہے۔ اس وقت، 266 اعلیٰ تعلیمی ادارے جن میں سرکاری ادارے اور نجی ادارے شامل ہیں جیسے کہ تمام آئی آئی ایم ، آئی آئی ٹی ز، این آئی ٹیز ، آئی آئی آئی ٹیز، ایمز، این آئی ایف ٹیز ، این آئی ڈیز ، این ایل یوز، آئی ایچ ایم، سی یوز اور قومی اہمیت کے ادارے، این اے اے سی  A++ تسلیم شدہ ادارے اور ٹاپ 10 نیشنل ادارہ جاتی درجہ بندی کا فریم ورک (این آئی آر ایف) درجہ بندی کرنے والے ادارے شامل ہیں۔

اسکالرشپ کی مجموعی تعداد کو محدود کیا جائے گا۔ 2021-22 سے 2025-26 کی مدت کے لیے 21,500 (2021-22 کے لیے 4100، 2022-23 کے لیے 4200، 2023-24 کے لیے 4300، 2024-25 کے لیے 4400 اور 26-2020 کے لیے 4500)۔

اسکیم کے تحت، (i) مکمل ٹیوشن فیس اور ناقابل واپسی چارجز (نجی شعبے کے اداروں کے لیے سالانہ 2.00 لاکھ روپے فی طالب علم کی حد ہوگی) (ii) تعلیم کے پہلے سال میں 86,000 روپے کا اکیڈمک الاؤنس اور ہر آنے والے سال میں 41,000 روپے، رہائش اور دیگر اخراجات کی دیکھ بھال کے لیے فراہم کیے جاتے ہیں۔

2014-15 سے 2022-23 تک 21,988 مستفیدین کو فائدہ پہنچانے کے لیے کل 398.43 کروڑ روپے جاری کیے گئے ہیں۔

3. درج فہرست ذاتوں  کے لیے نیشنل اوورسیز اسکیم:

اس اسکیم کے تحت درج فہرست ذاتوں(115 سلاٹ) سے منتخب طلباء کو مالی امداد فراہم کی جاتی ہے۔ ڈی نوٹیفائیڈ، خانہ بدوش اور نیم خانہ بدوش قبائل (6 سلاٹ)؛ بے زمین زرعی مزدور اور روایتی کاریگر زمرے (4 سلاٹ)، ماسٹرز اور پی ایچ ڈی کرنے کے لیے بیرون ملک سطح کے کورسز۔ فی الحال اس اسکیم کے تحت 125 سلاٹ الاٹ کیے گئے ہیں۔

ایسے طلباء کو اس اسکیم کے تحت فائدہ پہنچایا جا سکتا ہے جن کی کل خاندانی آمدنی بشمول امیدوار سالانہ 8 لاکھ روپے سے کم ہے۔ کوالیفائنگ امتحان میں 60% سے زیادہ نمبروں کے ساتھ، 35 سال سے کم عمر اور 500 کیو ایس  درجہ بندی والے غیر ملکی اداروں/یونیورسٹیوں میں داخلہ حاصل کیا ہو ۔ اسکیم کے تحت، کل ٹیوشن فیس، مینٹیننس اور کنٹیجنسی الاؤنس، ویزا فیس، آنے اور جانے والے ہوائی سفر وغیرہ امیدواروں  کو فراہم کیے جاتے ہیں۔

2014-15 سے 2022-23 تک 950 مستفیدین کو فائدہ پہنچانے کے لیے کل 197.14 کروڑ روپے جاری کیے گئے ہیں۔

4. درج فہرست ذاتوں سے تعلق رکھنے والے طلباء کے لیے نیشنل فیلوشپ:

اسکیم کے تحت درج فہرست ذات کے طلباء کو یونیورسٹی گرانٹس کمیشن (یو جی سی) کے ذریعہ تسلیم شدہ ہندوستانی یونیورسٹیوں/ اداروں/ کالجوں میں سائنس، ہیومینٹیز اور سوشل سائنسز میں ایم فل/ پی ایچ ڈی کی اعلیٰ تعلیم حاصل کرنے کے لیے فیلوشپ فراہم کی جاتی ہے۔

یہ اسکیم ہر سال 2000 نئے سلاٹ فراہم کرتی ہے (500 سائنس اسٹریم کے لیے اور 1500 ہیومینٹیز اینڈ سوشل سائنسز کے لیے) جنہوں نے قومی اہلیت ٹیسٹ- یو جی سی کے جونیئر ریسرچ فیلوشپ (نیٹ –جے آر ایف ) اور سائنس اسٹریم کے لیے جونیئر ریسرچ فیلو کوالیفائی کرنے والے ، یو جی سی - سائنسی اور صنعتی تحقیق کی کونسل (یوجی سی -سی ایس آئی آر) مشترکہ امتحان کوالیفائی کیا ہے۔

ایچ آر اے  سمیت فیلوشپ کی شرحیں حسب ذیل ہیں:

*************

  ش ح۔ا م ۔

U-10306