تعلیم اور ہنر مندی کے فروغ اور صنعت کاری کے مرکزی وزیر جناب دھرمیندر پردھان نے دہلی میں واقع پٹیل چیسٹ، میں سوچھتا ہی سیوا – شرم دان پہل کی قیادت کی۔ دہلی یونیورسٹی کے طلباء اور اساتذہ کے ساتھ ساتھ شہریوں نے بھی مہاتما گاندھی کو خراج عقیدت پیش کرنے کے لیے اس صفائی مہم میں حصہ لیا۔ سوچھ بھارت مشن کی 9ویں سالگرہ کے موقع پر ملک بھر میں سوچھتا ہی سیوا مہم کے ایک حصے کے طور پر ’ایک تاریخ، ایک گھنٹہ، ایک ساتھ‘ پروگرام کا اہتمام کیا گیا، جس کے تحت یہ مہم یکم اکتوبر 2023 کو صبح 10 بجے شروع کی گئی تھی۔ اس کے لئے ایک گھنٹے کی مدت مقرر کی گئی تھی۔

5555555555

جناب پردھان نے کوڑا کرکٹ سے صاف ستھرا ہندوستان بنانے کے عزم کے لیے وزیر اعظم جناب نریندر مودی کا شکریہ ادا کیا۔ جناب پردھان نے زور دے کر کہا کہ یہ پہل دنیا کی سب سے بڑی عوامی تحریک میں بدل گئی ہے۔

انہوں نے یہ بھی کہا کہ وزیر اعظم جناب نریندر مودی کی تحریک سے صفائی ہماری فطرت بن گئی ہے۔ انہوں نے کہا کہ یہ عوامی تحریک صرف ایک آغاز ہے اور اس کے ساتھ ہم اپنے تعلیمی اداروں کو کچرے سے پاک بنانے کے اپنے عزم کو مضبوط کر رہے ہیں۔ انہوں نے اس بات پر بھی روشنی ڈالی کہ یہ مہاتما گاندھی، لال بہادر شاستری اور ہمارے تمام عظیم لوگوں کو حقیقی خراج عقیدت ہوگا۔

انہوں نے یہ بھی کہا کہ اجتماعی کوششوں سے ہمارے گاؤوں، شہروں اور قریبی عوامی مقامات کی تصویر بدلی جا سکتی ہے۔

******

ش ح۔م م ۔ م ر

U-NO.10209