آیوش کی وزارت یکم اکتوبر 2023 کو منعقد ہونے والی سوچھتا ہی سیوا مہم کے تحت ’’ایک تاریخ، ایک گھنٹہ، ایک ساتھ‘‘ پروگرام کو ایک بڑی کامیابی سے ہمکنار کرنے کے لیے پوری طرح تیار ہے۔ آیوش کی وزارت نے اس مہم کے ایک حصے کے طور پر پورے ہندوستان میں منائے جانے والے 358 سے زیادہ پروگراموں کو ترتیب دیا ہے۔ ایک گھنٹے کی خصوصی صفائی مہم کے ساتھ ساتھ، وزارت ذہنی صحت، تندرستی اور مجموعی صحت اور بہبود میں صفائی ستھرائی کی اہمیت کے بارے میں بیداری پیدا کرنے کا بھی منصوبہ رکھتی ہے۔ اس پیغام کو پھیلانے کے لیے 8000 سے زیادہ فعال آیوش ہیلتھ اینڈ ویلنس سینٹرز مصروف عمل ہوں گے۔

آیوش کی وزارت کی ریسرچ کونسل، 100 سے زیادہ قومی ادارے، ماتحت تنظیمیں اور نیشنل کمیشن آف انڈین سسٹم آف میڈیسن (این سی آئی ایس ایم) اور نیشنل کمیشن فار ہومیوپیتھی (این سی ایچ) اپنے 750 سے زیادہ کالجوں کے نیٹ ورک کے ذریعے بھی اس مہم میں حصہ لیں گے۔

وزارت نے مختلف ریاستوں/ مرکز کے زیر انتظام علاقوں سے یہ بھی درخواست کی ہے کہ وہ قومی آیوش مشن (این اے ایم) کے ذریعے کام کرنے والے تمام آیوش صحت و تندرستی مراکز پر شرم دان کی سرگرمی کا مشاہدہ کریں۔

وزارت نے ہندوستان بھر میں یکم اکتوبر 2023 کو منعقد ہونے والی پوری مہم اور سرگرمیوں کی تیاری کی نگرانی کے لیے جوائنٹ سکریٹری سطح کے ایک نوڈل افسر کا تقرر کیا ہے۔ ایس ایچ ایس 2023 کا تھیم ’’کوڑا کرکٹ سے پاک ہندوستان‘‘ ہے۔ آیوش کی وزارت 15 ستمبر سے 2 اکتوبر 2023 تک زیر التواء معاملات (ایس سی ڈی پی ایم) 3.0 کو نمٹانے اور سوچھتا ہی سیوا مہم سے متعلق خصوصی مہم پر گہرائی سے نظر رکھے ہوئے ہے۔

اس تقریب کی منصوبہ بندی کے علاوہ، آیوش کی وزارت قومی آیوش مشن کے تحت اپنے آیوش ہیلتھ اینڈ ویلنس سینٹرز کے ذریعے پورے ہندوستان میں ہفتہ وار آیوش ہیلتھ میلے کا انعقاد کرکے آیوشمان بھوہ مہم میں سرگرمی سے حصہ لے رہی ہے۔ یہ مہم تقریباً 8000 فعال آیوش ہیلتھ اینڈ ویلنس مراکز میں جاری ہے۔

 

۔۔۔۔۔۔۔۔۔۔۔

ش ح۔م م ۔م ر

(U:10129)

(Release ID: 1962194) Visitor Counter : 77