ಕಲ್ಲಿದ್ದಲು ಸಚಿವಾಲಯ ಮತ್ತು ಗ್ರಿಡ್ಕೊ ಲಿಮಿಟೆಡ್ ಅಡಿಯಲ್ಲಿ ಬರುವ ಎನ್ಎಲ್ ಸಿ  ಇಂಡಿಯಾ ಲಿಮಿಟೆಡ್ (ಎನ್ಎಲ್ ಸಿಐಎಲ್) ಒಡಿಶಾದ ಉದ್ದೇಶಿತ ನೈವೇಲಿ ತಲಬಿರಾ ಸೂಪರ್ ಕ್ರಿಟಿಕಲ್ ಥರ್ಮಲ್ ಪವರ್ ಸ್ಟೇಷನ್ (ಎನ್ ಟಿಟಿಪಿಪಿ) ನ ಹಂತ -1 ರಲ್ಲಿ 400 ಮೆಗಾವ್ಯಾಟ್ ಮತ್ತು ಹಂತ -2 ರಲ್ಲಿ 400 ಮೆಗಾವ್ಯಾಟ್ ಗಾಗಿ ಭುವನೇಶ್ವರದ ಗ್ರಿಡ್ಕೊ ಲಿಮಿಟೆಡ್ ನಲ್ಲಿ ವಿದ್ಯುತ್ ಖರೀದಿ ಒಪ್ಪಂದಕ್ಕೆ (ಪಿಪಿಎ) ಸಹಿ ಹಾಕಿದೆ. ಈ ಒಪ್ಪಂದದೊಂದಿಗೆ, ಎನ್ಎಲ್ ಸಿಐಎಲ್ ನೈವೇಲಿ ತಲಬಿರಾ ಸೂಪರ್ ಕ್ರಿಟಿಕಲ್ ಥರ್ಮಲ್ ಪವರ್ ಸ್ಟೇಷನ್ ಹಂತ -1 ರ 2400 ಮೆಗಾವ್ಯಾಟ್ ಪೂರ್ಣ ಸಾಮರ್ಥ್ಯವನ್ನು ಒಪ್ಪಂದ ಮಾಡಿಕೊಂಡಿದೆ.

ಎನ್ ಎಲ್ ಸಿ ಇಂಡಿಯಾ ಲಿಮಿಟೆಡ್ ನ ಅಧ್ಯಕ್ಷ ಮತ್ತು ವ್ಯವಸ್ಥಾಪಕ ನಿರ್ದೇಶಕ (ಸಿಎಂಡಿ) ಶ್ರೀ ಎಂ.ಪ್ರಸನ್ನ ಕುಮಾರ್ ಮೋಟುಪಲ್ಲಿ ಮತ್ತು ಗ್ರಿಡ್ಕೊ ಲಿಮಿಟೆಡ್ ನ ವ್ಯವಸ್ಥಾಪಕ ನಿರ್ದೇಶಕ ಶ್ರೀ ತ್ರಿಲೋಚನ್ ಪಾಂಡಾ ಮತ್ತು ಗ್ರಿಡ್ಕೊ ಲಿಮಿಟೆಡ್ ನ ನಿರ್ದೇಶಕ (ಎಫ್ ಮತ್ತು ಸಿಎ) ಶ್ರೀ ಗಗನ್ ಬಿಹಾರಿ ಸ್ವೈನ್ ಅವರ ಉಪಸ್ಥಿತಿಯಲ್ಲಿ ಎಂ.ವೆಂಕಟಾಚಲಂ, ನಿರ್ದೇಶಕ/ವಿದ್ಯುತ್, ಎನ್ ಎಲ್ ಸಿ ಇಂಡಿಯಾ ಲಿಮಿಟೆಡ್ ಮತ್ತು ಶ್ರೀ. ಉಮಾಕಾಂತ ಸಾಹೂ, ನಿರ್ದೇಶಕ (ಟಿ &ಬಿಡಿ), ಗ್ರಿಡ್ಕೊ ಲಿಮಿಟೆಡ್ ಅವರು ವಿದ್ಯುತ್ ಖರೀದಿ ಒಪ್ಪಂದಕ್ಕೆ ಸಹಿ ಹಾಕಿದರು.

ನೈವೇಲಿ ತಲಬಿರಾ ಸೂಪರ್ ಕ್ರಿಟಿಕಲ್ ಥರ್ಮಲ್ ಪವರ್ ಸ್ಟೇಷನ್ ಹಂತ -1 ರಿಂದ ಕ್ರಮವಾಗಿ 1,500 ಮೆಗಾವ್ಯಾಟ್, 400 ಮೆಗಾವ್ಯಾಟ್ ಮತ್ತು 100 ಮೆಗಾವ್ಯಾಟ್ ವಿದ್ಯುತ್ ಪೂರೈಕೆಗಾಗಿ ಎನ್ಎಲ್ ಸಿಐಎಲ್ ಈಗಾಗಲೇ ತಮಿಳುನಾಡು, ಕೇರಳ ಮತ್ತು ಪಾಂಡಿಚೆರಿಯೊಂದಿಗೆ ಇದೇ ರೀತಿಯ ಒಪ್ಪಂದಕ್ಕೆ ಸಹಿ ಹಾಕಿದೆ.

****