کانوں کی وزارت نے سی پی ایس ایز اور اس کی فیلڈ فارمیشنز کے ساتھ 15 سے 30 ستمبر 2023 تک سرگرمیوں سے بھرا پندرہ روزہ سوچھتا پکھواڑہ منایا ہے۔ سوچھتا ہی سیوا (ایس ایچ ایس) مہم کے دوران، وزارت نے اپنے منسلک اور ماتحت دفاتر کے ساتھ پندرہ ریاستوں میں 176 ایس ایچ ایس سرگرمیوں کا مشاہدہ کیا ہے۔ ان تقریبات میں 7197 افراد  کومصروف کیاگیا اور 40868  افرادی گھنٹے سے فائدہ اٹھایا گیا۔

سوچھتا ہی سیوا 2023 پہل کے تحت، نیشنل ایلومینیم کمپنی لمیٹڈ (نالکو) نے  کونارک مندر انتظامیہ  کو 100 چھتریاں تقسیم کیں۔ نالکو کے ملازمین پلاسٹک سے پاک ساحل کو یقینی بنانے کے لیے بیداری مہم کے ایک حصے کے طور پر اوڈیشہ کے کونارک میں رام چنڈی مندر اور ملحقہ ساحل سمندر پر صفائی کی ایک بڑی سرگرمی میں مصروف ہوئے۔ سوچھتا کے بارے میں بیداری پیدا کرنے کے لیے، این اے ایل سی او  (نالکو) نے معروف ریت آرٹسٹ جناب مانس ساہو کو مدعو کیا اور انہوں نے پوری کے گولڈن سی بیچ پر ایک دلکش اور سحرانگیز آرٹ بنایا، جس نے سبھی کو متاثر کیا اور میڈیا کی طرف سے بڑے پیمانے پر کورکیا گیا اور سوچھتا ہی سیوا (  ایس ایچ ایس ) 2023 کے بارے میں بیداری پیدا کرنے کا مقصد پورا کیا۔

ہندوستان کاپر لمیٹڈ نے بھی 51 سرگرمیوں کے ساتھ ایس ایچ ایس 2023 کا مشاہدہ کیا۔ انڈین کاپر کمپلیکس (آئی سی سی)، گھاٹشیلا، ضلع مشرقی سنگھ بھوم، جھارکھنڈ ،کھیتری کاپر کمپلیکس (کے سی سی)، کھیتری، ضلع جھنجھنو، راجستھان؛ ملانج کھنڈ کاپر پروجیکٹ (ایم سی پی)، ملانج کھنڈ، ضلع بالاگھاٹ، مدھیہ پردیش؛ تلوجا کاپر کمپلیکس (ٹی سی پی)، تلوجا، ضلع-رائے گڑھ، مہاراشٹر؛ گجرات کاپر پروجیکٹ (جی سی پی)، جھگڑیا، ضلع بھروچ، گجرات؛ علاقائی سیلز آفس (آر ایس او)، دہلی اور کولکتہ میں ان کے کارپوریٹ آفس میں   میگا صفائی مہم منعقد ہوئی۔

منرل ایکسپلوریشن اینڈ کنسلٹنسی لمیٹڈ نے اس عرصے کے دوران 14 آن گراؤنڈ سرگرمیوں کا بھی اہتمام کیا ہے۔ ایم ای سی ایل کارپوریٹ آفس میں بچوں کے لیے ایک عظیم الشان  سِٹ اور قرعہ اندازی کا مقابلہ منعقد ہوا۔

نیشنل انسٹی ٹیوٹ آف راک میکینکس نے بھی کرناٹک میں دفتر کے احاطے اور پڑوس میں صفائی کی مختلف سرگرمیوں کے ساتھ سوچھتا ہی سیوا کو منایا۔

انڈین بیورو آف مائنز ہیڈکوارٹر ناگپور اور اس کے فیلڈ دفاتر نے بھی سوچھتا ہی سیوا پروگراموں میں جوش و خروش سے حصہ لیا ہے۔ اس سوچھتا پکھواڑا کے دوران آئی بی ایم کے ملازمین نے 31 سرگرمیوں میں حصہ لیا۔ سائیکل ریلی، بڑے پیمانے پر شجر کاری، مختلف آؤٹ ڈور صفائی مہم، حکومت میں اسکولوں وغیرہ میں  سوچھتا کٹس کی تقسیم کا انعقاد کیا گیا۔

سوچھتا ہی سیوا مہم کے سلسلے میں، جیولوجیکل سروے آف انڈیا نے جی ایس آئی کے ذریعہ شناخت کیے گئے فوسل پارکس میں عالمی یوم سیاحت منایا۔ جیو ہیرٹیج سائٹس کو فروغ دینے کے لیے، جی ایس آئی نے سیوالک فوسل پارک، ہماچل پردیش، تروواککرائی فوسل ووڈ پارک، تمل ناڈو؛ امکھوئی فوسل ووڈ پارک، مغربی بنگال؛ اسٹرومیٹولائٹ پارک، راجستھان؛ ڈایناسور فوسل پارک، گجرات؛ میرین گونڈوانا فوسل پارک، چھتیس گڑھ؛ اسٹرومیٹولائٹ بیئرنگ کاربونیٹ، سکم میں سرگرمیوں کا اہتمام کیا۔ شجرکاری مہم کے علاوہ وال آرٹ پینٹنگز اور ہاؤس کیپنگ ملازمین کے لیے فری ہیلتھ چیک اپ کیمپ کا بھی انعقاد کیا گیا۔

وزیر اعظم کی طرف سے ایک گھنٹے کے شرمدان کی  اپیل کے ساتھ مہاتما گاندھی کی یوم پیدائش گاندھی جینتی کے موقع پر ایس ایچ ایس مہم اب اپنے عروج پر پہنچ رہی ہے  ۔ حکومت ہند نے شہریوں سے اپیل کی ہے کہ وہ یکم اکتوبر کو گاندھی جینتی کے موقع پر’’ایک تاریخ ایک گھنٹہ ایک ساتھ‘‘ کے نعرے کے ساتھ سوچھتا ہی سیوا مہم کے تحت اپنے پڑوس کے علاقوں کو صاف کرنے کے لئے  ایک گھنٹے کا شرمدان وقف کریں۔

   کان کنی کی وزارت اور اس کی یونٹیں یکم اکتوبر 2023 کو 39 سرگرمیاں انجام دینے جا رہی ہیں۔ کانوں  کے وزارت کے سینئر حکام ملک بھر میں 15 مختلف سرگرمیوں کے لیے مختلف مقامات کا دورہ کریں گے۔ ان کی رہنمائی میں سوچھتا ہی سیوا سرگرمیاں ہوں گی۔ یہ مہاتما گاندھی کے لیے ان کی جینتی کے موقع پر ’سوچھانجلی‘ ہوگی۔ 2 اکتوبر کو کانوں کی وزارت کی تمام اکائیاں اور منسلک یا ماتحت دفاتر سوچھتا عہد  اور اور بہت ساری سرگرمیوں کے ساتھ بابائے قوم کو اپنی شردھانجلی پیش کریں گے اور خصوصی مہم 3.0 کے آغاز کے ساتھ اور سوچھتا ہی سیوا پروگرام کا اختتام ہوگا۔

************

 

ش ح۔ اک    ۔ م  ص

 (U: 10120 )

(Release ID: 1962043) Visitor Counter : 101