খ্বাইদগী চাউবা সেনিতেসন দ্রাইব – স্বচ্ছতা ভারত মিসন হৌদোক্লবা মতুং হৌখিবা চহি মাপলদা ভারত্তা স্বচ্ছতা নৌহৌননা পায়খৎলে। ইশাগী লৈবাকপু লু-নালহন্নবগীদমক সেন্সিতাইজেসন অমসুং ইমোসন লৈবাক্কী মফম পুম্বদা নিল্লি। স্বচ্ছতা পখৱারা – স্বচ্ছতা হি সেবা ২০২৩না ভারতকী খুঙ্গং অমসুং শহরদা স্বচ্ছতা ইনিসিয়েতিবশিং ইনোৎ পীরি। সেপ্তেম্বর ১৫দগী ওক্তোবর ২ ফাওবা (স্বচ্ছ ভারত দিবস) পাংথোক্লিবা পখৱারাগী মখাদা মীওই করোর ১৩ হেনবনা হান্ননা জন অন্দলোনদা শরুক য়াখ্রে। প্রধান মন্ত্রীনা মন কী বাত্তা ওক্তোবর ১দা অয়ুক পুং ১০দা স্বচ্ছতাগীদমক পুং ১গী শ্রমদানগীদমক লৈবাক মীয়ামদা অপীল তৌখিবা অদুনি – ‘এক তারিক এক ঘন্তা এক সাথ’। মহাক্না হায়খি মদুদি মসিনা বাপুগী জয়ন্তীগী নোংমা ৱাৎলিঙৈ মাংওইননা মফমদা অপুনবা ‘স্বচ্ছঞ্জলী’ ওইগনি।

হান্নগী মতৌগুম থৱায় য়াওবা অমসুং লাংতক্নবগা লোয়ননা জন অন্দলোন্না লৈবাক অসি চেৎনা পায়শিল্লি। ভারতকী অৱাং নোংপোক রাজ্যশিংনা মান্নবা মওংদা থৱায় য়াওবা অমসুং লাংতক্নবা উৎলি। পখৱারা হৌদোকখিবা মতুংদগী হৌরগা মেঘালয়না মশিং য়াম্লবা নাগরিকশিংবু পুক্নিং চিংশিন্নবগীদমক স্বচ্ছতা অভিয়ান কয়া অমা পাংথোকখ্রে। রাজ্যদা স্কুলগী মহৈরোইশিংনা এৱারনেস রেল্লী চৎপা, ফায়র সর্বিস এরিয়াদা স্বচ্ছতা অভিয়ান, সেনিতেসন ৱার্করশিং অমসুং স্তাফশিংনা স্কুল পার্কিং লোত, কেন্তোনমেন্ত বোর্দ স্তাফশিংনা পাইনৱুদ এরিয়াদা লম্বী মতাইগী নাপীশিং ফান্দোকপা, সেনিতেসন ৱার্করশিংনা কৈথেলশিং শেংদোকপা, ৱাল পেন্তিং ইনিসিয়েতিবশিং, লম্বী মতাইদা নালাশিং শেংবা অমসুং অঙৌবা মচু শংবনচিংবা উবা ফংখি। সফাইমিত্রশিংগীদমক হেল্থ কেম্প কয়া পাংথোকখি অমসুং এৱারনেস রেলীশিংসু পাংথোকখি। তোঙান তোঙানবা লু-নানবগী থৌরমশিংদা নাগরিক ভোলুনতিয়ার চাউরাক্না ১,৪০০না এক্তিব ওইনা শরুক য়াখি।

সিক্কিমগী গেংতোকতা প্রোজেক্ত মেনেজমেন্ত য়ুনিতকী ওফিস ময়া লাল বজার এরিয়াদা ম্যুনিসিপাল কোর্পোরেসন্না লু-নানবগী খোংজং পাংথোকখি। প্রোজেক্ত মেনেজমেন্ত য়ুনিত, দি.এ.ৱাই. এন.য়ু.এল.এম.গী স্তাফশিং অমসুং সেল্ফ হেল্প গ্রুপকী মেম্বরশিংনা শরুক য়াদুনা ভেজিতেবল মার্কেৎ তম্না চৎলিবা ফুৎপাতকা শম্নবা এরিয়াশিং নিংথিজনা শেংদোকখি। নামচি ম্যুনিসিপাল কাউন্সিলনসু নামচি বজারগা নক্নবা মফমশিংদা স্বচ্ছতা অভিয়ান পাংথোকখি। সেন্ত্রেল পার্ক, ন্যু এক্সতেন্সন রোদ, দিস্ত্রিক্ত কলেক্তর ওফিসকী অকোয়বা মফমশিং অমসুং লৈকোলনা কোল্লিবা মফমশিং শেংদোকখি। দ্রাইব অসি নামচি ম্যুনিসিপাল কাউন্সিলগী চিয়ারমেন, কাউন্সিলরশিং, এম.ই.ও., বজার কমিতী মেম্বরশিং, সেল্ফ হেল্প গ্রুপশিং অমসুং নামচি ম্যুনিসিপাল কাউন্সিলগী স্তাফশিংনা শরুক য়াদুনা ইফেক্তিব ওইনা পাংথোকখি।

 

নগালেন্দদা, মহৈরোইশিং শরুক য়াবা উবা ফংখি। স্বচ্ছ ভারত ৱাখা তাউন কাউন্সিলগী থৌদাং মখা চত্থবা ওইনা মীয়ামদা ইনফোর্মেসন শন্দোক্নবা মহৈরোইশিং শিজিন্নখি। শহরগী ময়াই চবুক্তা স্ত্রীৎ প্লে-কম-এৱার্নেস পাংথোক্তুনা মহৈরোইশিংনা স্বচ্ছতাগী মতাংদা পাউজেল পীখি। স্ত্রীৎ প্লেনা মতৌ করম্না ঐখোয়গী এক্তিবিতীশিংনা পৃথিবী ইমাদা শাফু পীবা; মওং মরিল তাদনা ৱেস্ত দিস্পোজ তৌবা; মওং মরিল তাদনা ৱেস্ত দিস্পোজ তৌবনা হকচাংদা শোকহনবা; সিঙ্গল য়ুজ প্লাস্তিক্কী অমাংবা অমসুং অরেমখাকশিং মেনেজ তৌবা অমসুং অকোয়বশিং লু-নান্না থম্বদা পাউতাক পীখি।

ত্রিপুরাগী অম্বাসা ম্যুনিসিপাল কাউন্সিলনা ৱার্ল্দ কার ফ্রী দেগী থৌরমদা সাইকল য়াত্রা অমা পাংথোকখি অমদি রেল্লী অদু গার্বেজ ফ্রী অম্বাসা অমসুং পোলুসন ফ্রী অম্বাসাগী থীম মখাদা নহাশিংনা লুচিংখি। কাইলাশহর ম্যুনিসিপাল কাউন্সিলনসু স্বচ্ছতা রেল্লী অমা পাংথোকখি।

মনিপুরদা কুম্বি অমসুং জিরিবামদা রিলিফ কেম্পদগী অমোৎপা শেংদোকপা, দ্রাই ৱেস্ত তোঙান্না খন্দোকপগী থবকশিং, চাকখুমগী লুখাক চগুম য়াওনা ৱেৎ ৱেস্ত তোঙান্না খোমজিনবা, দ্রেনশিং, লম্বী মতায়, তোইলেতনচিংবা শেংদোকপা, নাপী ফান্দোকপা অমসুং ৱেত ৱেস্ত প্লান্তদা মফম চানা হার শেম্নবগীদমক ফৎতা-হাওদী খোমবা গারিবা হাপচিনবা অসিগুম্বা এক্তিবিতীশিং পাংথোকখি। জিরিবাম ম্যুনিসিপাল কাউন্সিলনা জিরিবাম রেলৱে স্তেসনদা স্বচ্ছতা অভিয়ান অমা পাংথোকখি। রেলৱে ত্রেকতা প্লোগ্গিং, প্লেতফোর্মশিং অমসুং মেন রোদতগী প্লেতফোর্ম তাবা লম্বী শেংদোকখি।

হৌজিক চত্থরিবা স্বচ্ছতা হি সেবা কেম্পেনগী মখাদা ৩৩শুবা বতালিয়ন আই.তি.বি.পি., গুৱাহাতি, অসামনা সেনিতেসন দ্রাইব অমা পাংথোকখি। জোরহাত অমসুং তিতাবারদগী এন.এস.এস. ভোলুনতীয়রশিংনা মখোয়গী অনকপা মফমশিং শেংদোকখি। নাগরিকশিংনা তোঙান তোঙানবা স্বচ্ছতা অভিয়ান পাংথোকপদা নত্তনা মিজোরামদা অকাশবানি আইজোলসু স্বচ্ছতা হি সেবা কেম্পেনদা শরুক য়াখি অমসুং লু-নানবা ভারতকীদমক ৱাশক লৌখি। অরুনাচল প্রদেশতা ৫৫শুবা বতালিয়ন আই.তি.বি.পি.না সেলা তোপতা স্বচ্ছতা অভিয়ান পাংথোকখি।

 

সভেন সিস্তর রাজ্যশিংনা অচৌবা ইনোৎকা লোয়ননা স্বচ্ছতা পখৱারাদা শরুক য়ারি অমসুং স্বচ্ছ ভারতকীদমক হোৎনবা য়াবা পুম্নমক হোৎনরি।

*****

(Release ID: 1961846) Visitor Counter : 68