Ka la don ka jingpynkhie im biang ia ka swachhata ha India ha kine ki khyndai snem ba la leit hadien ka jingplie ia ka prokram jingpynkhuid kaba heh tam – ka Swachh Bharat Mission. Ka jingai jinghikai bad ka jingsngew na ka bynta ban pynlong ia ka ri kaba khuid ka dang sawa ha kylleng ka India. Ka Swachhata Pakhwada – Swachhata Hi Seva 2023 ka la kyntiew ia ki sienjam ba iadei bad ka swachhata ha ki jaka nongkyndong bad ki jaka sor jong ka ri. Palat 13 klur ki briew ki ladep iasoh bad ka Jan Andolan ha kaba hapoh ka Pakhwada la rakhe naduh ka 15 tarik Nailur haduh ka 2 tarik Risaw (Swachh Bharat Diwas). Katba u Myntri Rangbah duh u la kyrpad ia ki briew jong ka ri ha ka Mann Ki Baat ia ka shramdaan kaba 1 kynta na ka bynta ka swachhata ha ka por 10 baje mynstep ha ka 1 tarik Risaw - 'Ek tareekh ek ghanta ek saath'. U la ong kan long ka ‘swachhanjali’ jong baroh na ka bynta u Bapu shi sngi hashuwa ka Jayanti jong u.

Kumba ju long lyngba ka mynsiem ba shitrhem bad ka jingkmen ka jan andolan ka la suh thied ha ka ri. Ki Jylla ka thain shatei lammihngi jong ka ri ki la pyni ia ka mynsiem shitrhem bad ka jingaiti ruh kumjuh. Naduh ba la sdang ia ka Pakhwada, ka jylla Meghalaya ka la pynlong bun ki swachhata campaign kaba la khring ia bun ki nongshong shnong. Ka Jylla ka la sakhi ia ka rally ai jinghikai lyngba ki khynnah skul, ki prokram jingpynkhuid ha ka jaka ba don ki bor pynlip ding, ki jaka pynieng kali ha ki skul da ki nongpynkhuid bad ki nongtrei jong ki skul, ka jingprat ia ki niut harud surok ha ka thain Pinewalk da ki nongtrei ka Cantonment Board, ka jingpynkhuid ha ki jaka iew da ki nongtrei kiba peit ia ka jingkhuid jingsuba, ki sienjam ba iadei bad ka jingdro dur ha ki kynroh, ka jingpynkhuid bad ai pusahra ia ki nala ba don harud surok bad kiwei kiwei.  La pynlong ia ki health camp na ka bynta ki SafaiMitra bad kumjuh ruh ki rally ai jinghikai. Jan 1,400 ngut ki nongshong shnong ki la iashim bynta shitrhem ha ki kam pynkhuid bapher bapher.

Ha Gangtok, Sikkim, la pynlong ia ka jingpynkhuid da ka Municipal Corporation ha ka thain Lal bazar, kaba don hajan ka ophis jong ka Project Management Unit. Ha kane ka jingpynkhuid la iadonlang ki nongtrei jong ka Project Management Unit, DAY NULM bad ki dkhot jong ki Self Help Group, kiba la pynkhuid phar ia ka jaka kaba don marjan bad ka lynti iaid kjat kaba poi sha ka iew die jhur. Ka Namchi Municipal Council ruh ka la pynlong ia ka prokram jingpynkhuid ha ki jaka ba marjan jong ka Namchi Bazar. La pynkhuid ia ka jaka ba kynthup ia ka Central Park, New Extension Road, phyllaw jong ka ophis District Collector bad ka kper. La pynlong ia ka jingpynkhuid ha ka jingiadonlang u chairman, Namchi Municipal Council, ki Councillor, MEO, ki dkhot jong ka Bazaar committee, ki SHG bad ki nongtrei jong ka Namchi Municipal Council.

Ha Nagaland, la sakhi ka jingiashim bynta ki samla. Ha ka jingbteng ban nohsynniang na ka bynta ka Swachh Bharat ka Wokha Town Council ka la jied ia ki samla pule ban pynsaphriang jingtip sha ki paidbah. Ki la pynlong ia ka street play-cum-awareness ha ka nongbah, ki samla pule ki la pyni ia ki khubor shaphang ka swachhata. Kane ka street play ka la ban jur halor ki kam jong ngi kiba ktah ia ka Mei Mariang; ka jingbym bret bha ia ki niut ki nier, ka jingktah ia ka koit ka khiah namar ka jingbym bret bha ia ki niut ki nier; ka jingeh na ka jingpyndonkam ia ki plastic, bad ka jinglum ia ki niut ki nier bad jingpynkhuid ia ki sawdong sawkun.

Ka Ambassa Municipal Council na Tripura ka la pynlong ia ka cycle yatra ha ka jingrakhe ia ka World Car Free Day bad ia kane ka rally la ialam da ki samla hapoh ka phang ‘Garbage Free Ambassa and Pollution Free Ambassa.’ Ka Kailashahar Muncipal council ruh ka pynlong ia ka swachhata rally.

Ka Kumbi bad Jiribham ha Manipur ka la pynlong ia ki prokram jingpynkhuid ia ki jaboh jabain na ka Ktem sah ki lanot, la pynlong ka jingphiah ia ki niut kiba pyut bad ki bym pyut kynthup ka jinglum ia ki jakhlia ba mih na ki kamra shet bad phiah ia ki la ka jong, la pynkhuid ruh ia ki nala, ki rud surok, ki painkhana bad kiwei kiwei, la khap pynwandur ia ki jingthung bad la lum ia ki niut ha ki kali kit niut na ka bynta ban pynkylla sboh. La pynlong ia ka jingpynkhuid ha Steshon Rel Jiribam da ka Jiribam Municipal Council. La pynkhuid ia ki jaka iaid lynti rel, la pynkhuid ia ki platform bad ka surok na ka main road sha ka platform.

 

Hapoh ka Campaign Swachhata Hi Seva kaba dang iaid mynta, ka 33rd Battalion ITBP, Guwahati, Assam ka la pynlong ia ka prokram jingpynkhuid. Ki Volunteer jong ka NSS na Jorhat bad Titabar ki la pynkhuid ia ki dong ki shnong ba don marjan, Ka Mizoram nalor ki prokram jingpynkhuid jong ki paidbah, ka Akashvani Aizawl ka la iasoh lang ha ka campaign Swachhata Hi Seva bad bam smai na ka bynta ka India kaba khuid. Ha Arunachal Pradesh la pynlong ia ka prokram jingpynkhuid da ka 55th Battalion ITBP, ha Sela Top.

Ki Hynniew tylli ki Jylla jong ka thain shatei lammihngi ki la iasoh bad ka Swachhata Pakhwada da ka mynsiem shitrhem bad ki la trei borbah na ka bynta ka Swachh Bharat.

*****

(Release ID: 1961435) Visitor Counter : 77