వికలాంగులు మరియు దేశంలోని వృద్దలకు సాధికారత కల్పించే ప్రయత్నంలో భారత ప్రభుత్వం సామాజిక న్యాయం మరియు సాధికారత మంత్రిత్వ శాఖ దేశవ్యాప్తంగా 72 ప్రదేశాలలో ఏకకాలంలో 'సామాజిక అధికార శివిరు'లను నిర్వహించింది.

ప్రతి శిబిరం ప్రదేశంలో గౌరవ ప్రధాన మంత్రి 'మన్ కీ బాత్' ఎపిసోడ్‌ని ప్రసారం చేయడంతో ఈవెంట్ ప్రారంభమైంది. ఇది చాలా కాలంగా దేశానికి ప్రేరణగా ఉంది, భారతదేశంలోని వివిధ ప్రాంతాల భిన్న స్వరాలు మరియు దృక్కోణాలను ఒకచోట చేర్చింది. ఆ తర్వాత, కేంద్ర సామాజిక న్యాయం మరియు సాధికారత మంత్రి డాక్టర్ వీరేంద్ర కుమార్ మధ్యప్రదేశ్‌లోని తికమ్‌ఘర్‌లో ప్రధాన ఈవెంట్‌ను ప్రారంభించారు.ఇది 20 రాష్ట్రాలు/కేంద్రపాలిత ప్రాంతాలలోని ఈవెంట్‌ ప్రదేశాలతో ఆన్‌లైన్‌లో కనెక్ట్ అయ్యే ఫంక్షన్‌కు కేంద్ర బిందువు.

ఈ సందర్భంగా కేంద్ర మంత్రి డాక్టర్ వీరేంద్ర కుమార్ మాట్లాడుతూ గౌరవ ప్రధాన మంత్రి “సబ్కా సాథ్, సబ్కా వికాస్, సబ్కా విశ్వాస్ మరియు సబ్కా ప్రయాస్” మంత్రాన్ని పాటిస్తూ మంత్రిత్వ శాఖ సామాజిక, సాంస్కృతిక, విద్యారంగం ద్వారా వృద్దలకు ఆర్థిక సాధికారత, వారి సమగ్ర అభివృద్ధిని నిర్ధారించడానికి వారికి సమగ్రమైన మరియు అందుబాటులో ఉండే వాతావరణాన్ని సృష్టించడం వంటి  పలు కేంద్రీకృత పథకాలను అమలు చేస్తోందన్నారు.  

ఈ కొత్త చొరవ దివ్యాంగులకు, వృద్దలకు నాణ్యమైన పరికరాలు, సహాయక పరికరాలను తయారు చేసేందుకు కొత్త సాంకేతిక పరిజ్ఞానాన్ని వినియోగించడంపై మంత్రిత్వ శాఖ పెద్దపీట వేసిందని, ప్రొస్థెసిస్‌ తయారీకి త్రీడీ స్కానింగ్‌ టెక్నాలజీపై దృష్టి సారిస్తోందని, దీని వల్ల ప్రయోజనం పొందిన మొదటి జిల్లాగా తికమ్‌గఢ్‌ ఉందని కేంద్ర మంత్రి తెలిపారు.

ఈ శిబిరాలు భారత ప్రభుత్వ రాష్ట్రీయ వయోశ్రీ యోజన పథకం కింద ముందుగా గుర్తించబడిన 12814 మంది వృద్దలకు వివిధ రకాల సహాయ మరియు సహాయక పరికరాలను పంపిణీ చేయడం లక్ష్యంగా పెట్టుకున్నాయి.

దేశవ్యాప్తంగా సమ్మిళిత సమాజం కోసం దృక్పథాన్ని నిర్మించడం, వృద్దలకు సాధికారత మరియు గౌరవప్రదమైన జీవనాన్ని నిర్ధారించడం ఈ శిబిరాలను నిర్వహించడం యొక్క లక్ష్యం. ఉత్పాదక, సురక్షితమైన మరియు గౌరవప్రదమైన జీవితాలను గడపడానికి వారిని అనుమతించడమే దీని లక్ష్యం. పంపిణీ శిబిరాలను సామాజిక న్యాయం మరియు సాధికారత శాఖ, సామాజిక న్యాయం మరియు సాధికారత మంత్రిత్వ శాఖ, భారత ప్రభుత్వం ఆర్టిఫిషియల్ లింబ్స్ మాన్యుఫ్యాక్చరింగ్ కార్పొరేషన్ ఆఫ్ ఇండియా (ఏ ఎల్ ఐ ఎం సీ ఓ) సమన్వయంతో నిర్వహిస్తుంది.

వివిధ ప్రాంతాల్లో ఏకకాలంలో నిర్వహించే పంపిణీ శిబిరాల సిరీస్‌లో భాగంగా త్రిపురలోని ధలైలో జరిగిన కార్యక్రమంలో కేంద్ర సామాజిక న్యాయం మరియు సాధికారత శాఖ సహాయ మంత్రి కుమారి ప్రతిమా భౌమిక్ లో పాల్గొన్నారు. ఈ పంపిణీ శిబిరాలన్నీ తికమ్‌గర్‌లోని ప్రధాన కార్యక్రమ వేదికకు ఆన్‌లైన్‌లో అనుసంధానించబడ్డాయి.

 ఫుట్ కేర్ యూనిట్లు, స్పైనల్ సపోర్ట్, కమోడ్‌తో కూడిన వీల్‌చైర్లు, కళ్ళజోడు, కట్టుడు పళ్ళు, సిలికాన్ కుషన్లు, ఎల్ ఎస్ బెల్ట్‌లు, త్రిపాదలు, మోకాలి కలుపులు మరియు వాకర్లు వంటి వివిధ రకాల సహాయక పరికరాలు పంపిణీ చేయబడ్డాయి.ఈ సహాయక పరికరాలు లబ్ధిదారుల స్వావలంబన కోసం మరియు వారిని సమాజ ప్రధాన స్రవంతిలో కలిసిపోయేలా  శక్తివంతం చేయడం లక్ష్యంగా పెట్టుకున్నాయి.

***