পার্ত্নরসিপ মোদতা অনৌবা সাইনিক স্কুল ১০০ লিংখৎনবগী লৈঙাক্না লৌখৎলিবা থৌরাংগী শরুক অমা ওইনা, ঙাকশেল মন্ত্রালয়গী (এম.ও.দি.) সাইনিক স্কুল সোসাইতীনা সেপ্তেম্বর ২৭, ২০২৩দগী নবেম্বর ২৫, ২০২৩ ফাওবা থৱায় য়াওবা ইলিজিবল ওইবা স্কুল এপ্লিকান্তশিংনা রেজিস্ত্রেসন তৌনবগীদমক মখোয়গী পোর্তেল https://sainikschool.ncog.gov.in/ অমুক হন্না হাংদোক্লগনি‍। থৱায় য়াওবা স্কুল/ত্রস্ত/এন.জি.ও.নচিংবশিংদা পোর্তেল অসিদা অনৌবা সাইনিক স্কুলগী ক্বালিতেতিব রিক্বাইরমেন্ত, মেমোরেন্দম ওফ এগ্রীমেন্ত অমদি চৎন-পথাপশিং য়েংননবা খঙহল্লি‍।

রাউন্দ-১ অমদি রাউন্দ-২দা হান্ননা রেজিস্তর তৌখ্রবা স্কুল/এন.জি.ও./ত্রস্ত/সোসাইতীশিংনা অমুক নৌনা এপ্লাই তৌবগী নৎত্রগা রেজস্ত্রেসন ফী পীবগী মথৌ তাররোই‍। অদুম ওইনমক, হান্না রেজিস্তর তৌখ্রবা এপ্লিকান্তশিংগী মফমদা পোর্তেল অসিদা অনৌবা ৱাফমশিং লৈরগদি হাপচিন্দুনা মখোয়গী দেতাশিং অপদেৎ তৌবা য়াগনি‍। মখা তাবা খঙনিংবা/মতেঙ লৈরগদি, থৱায় য়াওবা স্কুলশিংনা sainikschoolaffiliation[at]gmail[dot]com দা ইমেল অমা থারকপা য়াগনি‍।

অনৌবা সাইনিক স্কুলশিং লিংখৎনবগী লৈঙাক্কী মঙলান অসি নেস্নেল এজুকেসন পোলিসীগী পরিংদা মহৈরোয়শিংদা মতিং লৈবা মহৈ মশিং ফংহনবতা অমদি মখোয়দা, আর্ম্দ ফোর্সশিংদা য়াওবা য়াওনা হেন্না ফবা শিনফমগী খুদোংচাবা পীবতা নত্তনা, স্তেত লৈঙাকশিং/এন.জি.ও./প্রাইভেত সেক্তরদা লৈবাক শেমগৎপগী লমদা কেন্দ্র লৈঙাক্কী পুন্না থবক তৌমিন্ননবগী খুদোংচাবা অমসু পীরি‍। হীরম অসিদা, সাইনিক স্কুল সোসাইতীনা লনাই/এন.জি.ও./স্তেত লৈঙাক্কী স্কুল ৪২ সাইনিক স্কুল ওইনা অয়াবা পীরে‍। হায়রিবা স্কুল ৪২ অসি হান্না লৈরিবা হান্নগী মওংদা চত্থদুনা লাক্লিবা সাইনিক স্কুল ৩৩ অসিগী মথক্তনি‍।

হায়রিবা অনৌবা স্কুলশিং অসিনা, মখোয় মখোয়গী এজুকেসন বোর্দকী মখাদা লৈরিবা এফিসিলিএসনগী মথক্তা, সাইনিক স্কুল সোসাইতীগী মখাদা থবক তৌগনি অমদি পার্ত্নরসিপ মোদতা হাংগদৌরিবা অনৌবা সাইনিক স্কুলশিংগী চৎন-পথাপশিং ইনগনি‍। মখোয়না রিগুলর ওইনা এফিলিএত তৌরিবা বোর্দ করিকুলমদুগী মথক্তা, মখোয়না সাইনিক স্কুলগী পেত্তর্নদা মহৈরোয়শিংগী মফমদা একাদমিক প্লস করিকুলমগী মহৈ মশিংসু তম্বিগনি‍।

****