“ঙসি অসিদি ফার্মা অমসুং মেদিকেল দিভাইস সেক্তরগী ‘আত্মানির্ভরতা’গী খোঙচত্তা অওনবা অমা পুরকখিবা পুৱারী ওইরবা নুমিৎ অমনি। ঐখোয়না ভারতকী ফার্মা অমসুং মেদতেক সেক্তরবু মমলদা য়ুম্ফম ওইবগী মহুত্তা ভেল্যু অমসুং ইন্নোভেসন্দা য়ুম্ফম ওইবা ইন্দস্ত্রী অমদা ওন্থোকপগী তঙাই ফদবা লৈরে”। ৱাফম অসি কেমিকেল অমসুং ফর্তিলাইজর; অমদি হকশেল অমসুং য়াইফ য়ুম্বালগী কেন্দ্র মন্ত্রী, দাঃ মনশুখ মন্দাবিয়ানা ভারতকী ফার্মা-মেদতেক সেক্তরদা রিসর্চ অমসুং দিভেলপমেন্ত অমদি ইন্নোভেসন পাংথোকপগী লৈবাক্কী ওইবা পোলিসী অমসুং ফার্মা মেদতেক সেক্তরদা (PRIP) রিসর্চ অমসুং ইন্নোভেসন খুমাং চাউশিলহন্নবা স্কিম হৌদোকপদা থমখিবা ৱারোলনি। ঙসিগী থৌরমসিদা নিতি আয়োগকী মেম্বর, দাঃ ভি.কে. পাউল; কেমিকেল অমসুং ফর্তিলাইজর মন্ত্রালয়গী ফার্মা সেক্রেতরী, শুকুমারী অপর্না অমসুং ICMRগী দাইরেক্তর জেনেরেল, দাঃ রজীব বাহলসু শরুক য়াখি।

দাঃ মনশুখ মন্দাবিয়ানা স্কিম অসিগী কান্নবশিং তাক্লদুনা স্কিম অসিনা ভারতপু ফার্মাস্যুতিকেল্সকী মালেমগী কৈথেলদা ভোল্যুম ৱাংবা, ভেল্যু ৱাংবা প্লেয়র অমদা ওন্থোকপদা মিৎয়েং চঙগনি, অমসুং ক্বালিতী, এসেসিবিলিতী অমসুং এফোর্দেবিলিতী গোলশিং ফংনবা মিৎয়েংসু চঙগনি, লোয়ননা, মসিনা মালেমগী ভেল্যু চেন্দা লৈরিবা ঐখোয়গী শরুকপুসু হেনগৎহনগনি হায়খি। মহাক্না মখা তানা হায়খি, “পোলিসী অসিনা একাদমিয়া অমসুং প্রাইভেত সেক্তর য়াওনা স্কিল অমসুং কেপাসিতীগী ইকোসীস্তেম অমা শেম্বদা পোলিসী অসিনা তেংবাংগনি, অমসুং স্তার্তঅপশিংগী খুত্থাংদা নহারোলশিংগী মরক্তা লৈনরিবা অনৌবা তেলেন্তশিংবুসু শাফু পীগনি”। মসিদি ভারতকী দ্রগ অমসুং মেদ-তেক সেক্তরগী অহোংবা লাকপা থাক অমনি হায়না মহাক্না হায়রদুনা সরকারগী তোঙান-তোঙানবা ইন্সতিত্যুসন অমসুং ফার্মা বিভাগ, ICMR, DST, DBT, NIPERনচিংবা এজেন্সীশিংগী মরক্তা সীনর্জী কয়া শেম্লক্লিবা অসিদসু মিৎয়েং চঙখি।

মহাক্না ‘জয় জৱান, জয় কিসান, জয় বিজ্ঞান অমসুং জয় অনুসন্ধান’গী খোল্লাওবু অমুক হন্না নীংশিংলদুনা ভারতনা ব্রেন পাৱর অমসুং মেনপাৱরগী গ্রোথ অমসুং ইন্নোভেসন্দা অহানবা মিৎয়েং চঙই অমসুং কোবিদ অসিনা ঐখোয়না মতমগী চাংয়েংগী মাইয়োক্তা ফংখিবা মায় পাকপগী খুদম্নি হায়না ফোংদোকখি। ঐখোয়না ঐখোয়গী ফার্মাস্যুতিকেল পোত্থোক অমসুং মেদিকেল দিভাইসশিংবু মশিং য়াম্না পুথোকপগী মথৌ তারে। মসিগীদমক্তা, ঐখোয়না হিমাচল প্রদেশ, বিজাগ অমসুং গুজরাত্তা বল্ক দ্রগ পার্ক অহুম শাখ্রে অমসুং হিমাচল প্রদেশ, উত্তর প্রদেশ, মধ্য প্রদেশ অমসুং তমিল নাদুদা মেদিকেল দিভাইস পার্ক মরি শাখ্রে, মসিনা সেক্তর অসিগী মপাঙ্গল হাপ্পদা তেংবাংগনি।

কেমিকেল অমসুং ফর্তিলাইজরগী কেন্দ্র মন্ত্রী, দাঃ মনশুখ মন্দাবিয়ানা স্কিম অসিগী মরু ওইবশিংদা মিৎয়েং চঙলদুনা হায়খি, “লাইফ-সেভিং মেদিসিন অমসুং দ্রগ ফংবগী খুদোংচাবা হেনগৎহনগদবা অমসুং ভারতপু মালেমগী ফার্মাস্যুতিকেল অমসুং মেদিকেল এক্সপোর্তকী হব অমা ওইহনবদা তেংবাংগদবা রিসর্চ অমসুং দিভেলপমেন্তকী থবকশিংগী মপাঙ্গল লৈহল্লবা মতুংদা ভারতনা ফার্মাস্যুতিকেল অমসুং মেদিকেল দিভাইস সেক্তরদা মরোমদোম লেপচবা ঙম্লক্কনি”। ঐখোয়না ইন্দস্ত্রী অমসুং একাদমিয়াগা তান্নদুনা লৈবাক অমসুং মালেমগী তঙাই ফদবশিংগী মখা পোনবা অনৌবা পোলিসী শেম্বা, অনৌবা পোত্থোক পুথোকপা অমসুং অনৌবা রিসর্চ পাংথোকপগী মথৌ তাই। ঐখোয়গী মরু ওইবা তঙাই ফদবা পোৎলম কয়াগীদমক্তা অতোপ্পগী মখা পোন্দনবগীদমক্তা ঐখোয়সু হীরম অসিদা মপুং ফানা মনিং মখা তম্বা ঙম্বা তাবনি”।

নিতি আয়োগকী মেম্বর (হেল্থ), দাঃ ভি.কে. পাউলনা হায়খিবদা, ঐখোয়না হৌখিবা মতমদগী তম্লবা মতুংদা, হৌজিক্তি মালেম্বু লুচিংলি। মসিগুম্বা রিফোর্ম চবুনশিং অসিনা ফার্মা মেদতেক সেক্তরদা অহোংবা পুরক্লগনি, শেমদোক্লগনি। ঐখোয়না একাদমিয়া, পব্লিক অমসুং প্রাইভেত ইস্তিত্যুসনশিংগী মরক্তা লৈনরিবা তেংবাংবগী থৌওংশিংদা মিৎয়েং চঙফম থোকই। মসিগী স্কিম অমসুং খোঙথাংশিং অসিনা ঐখোয়বু তুংগী শিংনবা মাইয়োক্নবা শেম শাবা অমসুং নেস্নেল বাইও সেক্যুরিতী শোইদনা লৈহনবদা তেংবাংগনি।

থৌরম অসিদা পোলিসী শেম্বা মীওই, হেল্থকেয়র অমসুং ফার্মা সেক্তরগী অখঙ-অহৈ, একাদমিয়া, থিঙ্ক তেঙ্ক, ইন্দস্ত্রী অমসুং মীদিয়াগী মীহুৎশিংগা লোয়ননা হকশেল অমসুং য়াইফ য়ুম্বাল অমদি কেমিকেল অমসুং ফর্তিলাইজরগী মন্ত্রালয়গী সেনিয়র ওফিসিএলশিংসু শরুক য়াখি।

ভারতকী ফার্মা-মেদতেক সেক্তরদা রিসর্চ অমসুং দিভেলপমেন্ত অমদি ইন্নোভেসন পাংথোকপগী লৈবাক্কী ওইবা পোলিসীগী মতাংদা ৱাফম খরা

1. ব্যুজিনেস রুল এলোকেসনগী মখা পোন্না, ফার্মাস্যুতিকেল্স বিভাগতা অতোপ্পা থবকশিংগা লোয়ননা ফার্মাস্যুতিকেল্স সেক্তরগা মরী লৈনবা লমদা পাংথোকপা বেসিক, এপ্লাইদ অমসুং অতোপ্পা রিসর্চশিং খুমাং চাউশিলহনবা অমসুং শেন্নবা; হাই এন্দ রিসর্চ য়াওবা এজুকেসন অমসুং ত্রেনিং; ফার্মাস্যুতিকেল রিসর্চ, ইন্তর-সেক্তোরেল কোওর্দিনেসন তৌবদা তেংবাংনবা অমসুং নেস্নেল ইন্সতিত্যুত ওফ ফার্মাস্যুতিকেল এজুকেসন অমসুং রিসর্চ (NIPER)কী থবকশিং শিন্নরি।
2. ভারতকী ফার্মাস্যুতিকেল ইন্দস্ত্রী অসি ভোল্যুমগী ওইনা য়েংলুবদা চাউরাকপা USD বিলিয়ন 50গী মার্কেত সাইজ হৌজিক লৈদুনা মালেমগী খ্বাইদগী অহুমশুবা চাউবা ওইরি। ইন্দস্ত্রী অসিনা মথংগী দিকেদ ফাওবদা USD বিলিয়ন 120-130 য়ৌদুনা শাহৌ লৌবা ঙম্বগী মতিক লৈ; মসিগী শাহৌ লৌবা অসিবু শাফু পীরিবা মরু ওইবা হীরমশিংগী মনুংদা অমা ওইরিবদি ইন্নোভেসনগী লমদা ইন্দস্ত্রীগী প্রজেন্স অসি হেন্না চাউথোকপা ঙম্বা অসিনি।
3. বিভাগ অসিনা পার্লিয়ামেন্তরী স্তেন্দিং কম্মিতীনা মখোয়গী 46শুবা পাউদমদা পীখিবা রিকম্মেন্দেসনগী মতুং ইন্না ফার্মাস্যুতিকেল অমসুং মেদিকেল দিভাইস্কী একাদমিয়া-ইন্দস্ত্রী লিঙ্কেজ য়াওনা R&D অমসুং ইন্নোভেসনগী পোলিসী দ্রাফ অমসুং ফাইনেলাইজ তৌনবগীদমক্তা মন্ত্রালয়/বিভাগকী সেনিয়র ওইবা মীহুৎশিং য়াওবা অৱাংবা থাক্কী ইন্তর-দিপার্তমেন্তেল কম্মিতী অমা শেমখি অমসুং ইন্দস্ত্রী লীদরশিংনা সেপ্তেম্বর 2020দা মখোয়গী রিপোর্ত থাজিনখি।
4. রিপোর্ত অসিদা থমখিবা পাউতাক্তা য়ুম্ফম ওইদুনা, ‘ভারতকী ফার্মা মেদতেক সেক্তরদা R&D অমসুং ইন্নোভেসন পাংথোকপগী খোঙজেল য়াঙখৎহনবগী পোলিসী’গী দ্রাফ অমা ফার্মাস্যুতিকেল অমসুং মেদিকেল দিভাইসকী লমদা R&D তৌনবা পুক্নিং থৌগৎনবা; অমসুং ওন্তোপ্রিনরেল ইনভাইরনমেন্ত অমা ইনক্যুবেত তৌবগী খুত্থাংদা ভারতনা দ্রগ দিস্কবরী অমসুং ইন্নোভেতিব মেদিকেল দিভাইস্কী লমদা লুচিংবা অমা ওইহন্নবগীদমক্তা সেক্তর অসিগী মনুংদা ইন্নোভেসনগী ইকোসীস্তেম অমা শেম্নবগীদমক্তা শেমখি। পোলিসী অসি ওগস্ত 18, 2023দা গেজেত্তা নোতিফাই তৌখি। পান্দমশিং অসি ফংনবগীদমক্তা পোলিসী অসিনা মিৎয়েং চঙফম থোকপা হীরম অহুম পনখিঃ
   1. পোত্থোক পুথোকপা, সেফতী অমসুং ক্বালিতীগী পান্দম ফংনবা কাঙলোন পাকথোক চাউথোকপগা মরী লৈনবা ইন্নোভেসন অমসুং রিসর্চতা তেংবাংনবা রেগ্যুলেতরী ইনভাইরনমেন্ত অমা শেম্বা।
   2. ফিস্কেল অমসুং নন-ফিস্কেল থৌওংশিং পুন্সিনবগী খুত্থাংদা ইন্নোভেসনগীদমক্তা পাংথোকপা প্রাইভেত অমসুং পব্লিক ইনভেস্তমেন্তশিংবু ইন্সেন্তিবাইজ তৌবা।
   3. সেক্তর অসিদা সস্তেনেবল ওইবা গ্রোথ লৈহন্নবগীদমক্তা মপাঙ্গল লৈবা ইন্সতিত্যুস্নেল ফাউন্দেসন অমগুম্না ইন্নোভেসন অমসুং সেক্তর ৱাংমা লান্না পাংথোকপা রিসর্চ তেংবাংনবা ইকোসীস্তেম অমা শেম্বা।
5. বিভাগ কয়া শিনবা থুংবগী ইন্দস্ত্রী, একাদমিয়া অমসুং রিসর্চ ইন্সতিত্যুসনশিংগী মরক্তা তেংবাংনহন্নবা ইন্দিয়ন কাউন্সিল ওফ ফার্মাস্যুতিকেল অমসুং মেদ-তেক রিসর্চ অমসুং দিভেলপমেন্ত অমা শেম্বগী ৱাহৌদোক অমসু থমখি, থৌওং অসিনা ফার্মা মেদ-তেক সেক্তরশিংদা দোমেস্তিক অমসুং ইন্তর্নেস্নেল কোলাবোরেসন তৌদুনা R&Dসু পাংথোকহনগনি।
6. পোলিসী অসিনা ত্রিলিয়ন 5কী GDPদা শরুক হেন্না তম্বা ঙমহনগনি; এক্সপোর্ত অমসুং ফোরেক্স ইনফ্লো হেনগৎহনগনি; মালেমগী মার্কেত শেয়র হেনগৎহনগনি; দ্রগ দেক্যুরিতী অমসুং ফংবগী চাং হেনগৎহনগনি; হেল্থকেয়রগী মপুং ওইবা ইন্দেক্স ফগৎহনগনি অমসুং লাইনাগী পোৎলুম হন্থহনগনি; R&D অমসুং ইন্নোভেসন্দা হাই এন্দ থবক লৈহনগনি অমসুং R&D অমসুং ইন্নোভেসনগী লমদা তেলেন্ত লৈবা ভারত মচাশিংবু লৈবাক অসিদা অমুক্কা হন্না কৌশিনবা ঙম্বগী খুদোংচাবা লৈহনগনি।

স্কিম অসিগী কান্নবশিং

1. রিসর্চ ইনফ্রাস্ত্রকচর শেমগৎপা – স্কিম অসিনা NIPER অমসুং অতোপ্পা ইন্সতিত্যুসনশিংদা মালেমগী থাক্তা লৈবা রিসর্চ এতমোস্ফিয়র শেম্বদা মতেং পাংগনি, অমসুং মতিক চানা ত্রেনিং ফংলবা মহৈরোইশিংগী তেলেন্ত পুল অমা শেম্বদসু মতেং পাংগনি।
2. স্কিম অসিনা প্রাইভেত সেক্তর অমসুং সরকারগী ইন্সতিত্যুতশিংগী মরক্তা কোল্লাবোরেসন লৈহন্দুনা ইন্দস্ত্রী-একাদমিয়া লিঙ্কেজ শেমগৎপদা খুমাং চাউশিলহনগনি।
3. ভারতকী ফার্মা ইন্দস্ত্রীনা খোঙ্কাপ চাউনা থাংবা ঙমহনবা অমসুং মালেমগী ওইবা ফার্মাস্যুতিকেলগী খুদোংচাবশিংগী 2/3গী শরুক্তি ইন্নোভেসন্না কনবনিনা মালেমগী কৈথেলদা লৈরিবা ভারতকী থাক্কী মপাঙ্গল চেৎশিলহনবদা তেংবাংগদবা অখন্নবা হীরম খরদা মিৎয়েং চঙবা।
4. রেভেন্যু হেনগৎহন্দুনা অমসুং থবক্কী খুদোংচাবা লৈহন্দুনা ভারতকী ফার্মাস্যুতিকেল সেক্তরগী শাহৌবু হেন্না খোঙজেল য়াঙখৎহনগদবা কম্মর্সিএল প্রদক্ত পুথোকপদা স্কিম অসিনা তেংবাংগনি।
5. হকশেলগী মতাংদা খন্ননীংঙাই ওইবা মরু ওইবা মফমশিংগীদমক্তা শেল য়াম্না চঙদবা, ফংবদা লায়বা ৱারোইশিন পুরকপদা স্কিম অসিনা তেংবাংগনি, অমসুং হকশেল শেন্নবগী পোৎলুম হন্থহনগনি।

***