بھارت کی ٹیلی مواصلات کی ریگولیٹری اتھارٹی  (ٹرائی) نے  29  اگست 2023  کو  پی ایم آر ٹی ایس  اور سی ایم آر ٹی ایس  لائسنسوں سے متعلق  شرائط  وضوابط  پر نظر ثانی  کے بارے میں  ایک مشاورتی پیپر  جاری کیا تھا۔ اس مشاورتی پیپر   میں  اٹھائے گئے معاملات  پر  فریقین کی جانب سے  تحریری تبصروں  کے حصول کی  آخری تاریخ  26  ستمبر  2023  اور جوابی تبصروں کے لئے آخری تاریخ  10  اکتوبر  2023  مقرر کی گئی تھی۔

صنعتی انجمنوں کی جانب  سے تبصروں کو داخل کرنے کے لئے  مدت میں توسیع  کی درخواستوں  کو  دھیان میں رکھتے ہوئے فیصلہ کیا گیا ہے کہ  تحریری تبصروں کو داخل کرنے کی آخری  تاریخ کو بڑھا کر  24  اکتوبر  2023  اور جوابی تبصروں کو داخل کرنے کی آخری تاریخ 7  نومبر  2023  کی جائے۔ اس کے بعد  مدت میں  مزید  توسیع  نہیں کی جائے گی۔

یہ تبصرے  / جوابی تبصرے  ٹرائی  کے  ایڈوائزر  ( نیٹ ورک ، اسپیکٹرم اور لائسنسنگ)  جناب اکھلیش کمار تریویدی کو  الیکٹر ونک  فارم میں  advmn@trai.gov.in.  بھیجے جاسکتے ہیں۔ کسی قسم کی وضاحت / معلومات کے لئے  جناب اکھلیش کمار تریویدی  (نیٹ ورک اسپیکٹرم اور لائسنسنگ)  سے  ٹیلی فون نمبر :  +91-11-23210481 پر رابطہ کیا جاسکتا ہے۔

۔۔۔۔۔۔۔۔۔۔۔۔۔۔۔۔۔۔

(ش ح- وا - ق ر)

U-9962