زراعت اور کسانوں کی بہبود کے محکمے نے اس مہم کے لیے متعدد سرگرمیاں شروع کی ہیں جن میں کینٹینوں، راہداریوں، محکمے کی  گاڑیوں اور بہت کچھ کی گہرائی سے صفائی کرنا شامل ہے تاکہ اس مہم میں اپنی حمایت کا وعدہ کیا جا سکے۔ پینے کے پانی اور صفائی ستھرائی کے محکمے اور ہاؤسنگ اور شہری امور کی وزارت کے زیرقیادت ‘سوچھتا ہی سیوا’ (ایس ایچ ایس) مہم 15 ستمبر سے 2 اکتوبر 2023 تک منائی جارہی ہے۔

اس سالانہ مہم کا بنیادی مقصد رضاکارانہ شرکت اور کمیونٹی کی شمولیت کی حوصلہ افزائی کرنا ہے۔ ‘کچرے سے پاک ہندوستان’ کے موضوع کے ساتھ رضاکارانہ اور شرمدان کا جذبہ ملک گیر سرگرمیوں میں سب سے آگے رہے گا۔

ملک بھر کے لوگوں کو زیادہ سے زیادہ شرکت کی دعوت دینے کے لیے، کئی ملک گیر سرگرمیوں اور تقریبات کی منصوبہ بندی کی جا رہی ہے، مثال کے طور پر، ‘‘ایک تاریخ - ایک گھنٹہ’’۔ ایک متاثر کن اور اثر انگیز تقریب، جو یکم اکتوبر کو صبح 10 بجے منعقد ہونے والی ہے۔ جس کا مقصد متنوع پس منظر اور کمیونٹیز سے تعلق رکھنے والے افراد کو اکٹھا کرنا ہے تاکہ اجتماعی طور پر ایک گھنٹہ صفائی کے لیے وقف کیا جا سکے۔ شرکاء صفائی کے لیے مختلف سرگرمیوں میں بڑھ چڑھ کر حصہ لیں گے، جس سے ایک صاف ستھرا ماحول کے لیے اتحاد اور ذمہ داری کے احساس کو فروغ ملے گا۔ ایس ایچ ایس مہم میں ان کے تعاون کو نشان زد کرنے کے لیے پورٹل ‘‘سوچھتا ہی سیوا - سٹیزن پورٹل’’ پر دستیاب ہے۔

سیکرٹری، محکمہ زراعت اور کسانوں کی بہبود ،ایڈیشنل سکریٹری اور جوائنٹ سکریٹری (انتظامیہ) کے ساتھ کرشی بھون کے احاطے میں صفائی کا وقتاً فوقتاً جائزہ لے رہے ہیں۔ صفائی کے لیے فعال ، وقف ،سب کے لیے صحت مند اور موثر کام کا ماحول بنانے کے لیے محکمے کی لگن کو واضح کرتی ہے۔

صفائی مہم میں فعال طور پر حصہ لینے کے لیے عملے اور زائرین دونوں کی حوصلہ افزائی کے لیے کرشی بھون کے اندر مختلف نمایاں مقامات پر معلوماتی اسٹینڈیز کی اسٹریٹجک جگہ کا تعین، مہم کو فروغ دینے کے لیے محکمہ کا ایک اور اہم قدم ہے۔

داخلی دروازے پر عمودی باغ کی مکمل صفائی محکمے کی پہلی چند سرگرمیوں میں شامل تھی۔ مزید برآں، کرشی بھون کے اندر راہداریوں اور کمروں کی گہری صفائی بھی کی گئی۔ قابل ذکر بات یہ ہے کہ محکمے کے اہلکار اپنے متعلقہ ورک سٹیشنوں کی صفائی کی ذاتی ذمہ داری لیتے ہوئے صفائی کے اس عمل میں سرگرم عمل رہے۔ محکمہ نے مزید صفائی کے تئیں اپنی لگن کا مظاہرہ کرتے ہوئے اس بات کو یقینی بنایا کہ تمام کی تمام  گاڑیوں کی مکمل صفائی کی جائے۔

دفتری ماحول کو بہتر بنانے کے اقدام میں، پرانے فرنیچر کو ہٹانے کے بعد، کرشی بھون کی راہداریوں میں پودے لگائے جا رہے ہیں۔

محکمہ فضلہ میں کمی کے اقدامات کو اختراعی طریقوں سے آگے بڑھا رہا ہے۔ آپریشنز کو اہم دھارے میں جوڑنے  اور کاغذ کے ضیاع کو کم کرنے کے لیے، فزیکل فائلوں کی اسکیننگ کی سہولت کو استعمال کرنے کے لیے ہدایات جاری کی گئی ہیں، جنہیں جنرل ایڈمنسٹریشن سیکشن کے ذریعے قابل رسائی بنایا جا رہا ہے۔

4 اکتوبر 2023 تک، محکمہ اپنے سوشل میڈیا پلیٹ فارم پر معلوماتی اور دل چسپ مواد کو فعال طور پر مشترک کرے گا۔ اس مواد میں محکمہ کے اندر جاری سرگرمیوں کے اپ ڈیٹس کے ساتھ ساتھ سوچھتا ہی سیوا مہم سے متعلق مختلف موضوعات کا احاطہ کرنے والے معلوماتی سوشل میڈیا تخلیقات شامل ہوں گی۔ سوچھتا ہی سیوا مہم کے دوران  جوار صحت کے فوائد سے بھرے قدیم اناج ہیں، یہ کم وسائل استعمال کرتے ہیں اور کم کاربن فوٹ پرنٹ رکھتے ہیں، جس کے تھیم ‘سوچھتا بھی سواتھیا بھی’ پر زور دیا جائے گا۔  مزید یہ کہ یہ ناقص، کم زرخیز مٹی میں بھی اگ سکتے ہیں، مٹی کی صحت کو بڑھا سکتے ہیں اور مٹی کی آلودگی کو بڑی حد تک روک سکتے ہیں۔ ان صاف اور آب و ہوا کے موافق اناج کو اپنانے کو 70 سے زیادہ ممالک کی زبردست حمایت ملی، جب اقوام متحدہ کی جنرل اسمبلی نے سال 2023 کو جوار کا بین الاقوامی سال قرار دینے کی ہندوستان کی قرارداد پر عمل کیا۔ اس فیصلے نے ہندوستان کو عالمی جشن میں سب سے آگے رکھا۔

ماتحت دفاتر اور ڈائریکٹوریٹ سے کہا گیا ہے کہ وہ مہم کے دوران اپنی سرگرمیوں سے متعلق ڈیٹا، ہاؤسنگ اور شہری امور کی وزارت اور پینے کے پانی اور صفائی ستھرائی کی وزارت کے ذریعہ تیار کردہ پورٹل پر اپ لوڈ کریں۔

ڈائریکٹوریٹ نے بڑے پیمانے پر صفائی مہم کے لیے بہت سی سرگرمیوں اور اقدامات کی منصوبہ بندی کی ہے۔ مثال کے طور پر ڈائریکٹوریٹ آف شوگر کین ڈیولپمنٹ لکھنؤ کے علی گنج کے سیکٹر بی کے تیکونا پارک میں واکنگ ٹریک پر تیز تر کام کرے گا۔ ڈائریکٹوریٹ آف آئل سیڈ ڈیولپمنٹ نے تیل کے بیجوں کی رہائشی املاک میں ملبے کی صفائی اور جھاڑیوں کو صاف کرنے کا منصوبہ بنایا ہے۔ ڈائریکٹوریٹ آف پلس ڈیولپمنٹ یکم اکتوبر کو ‘‘سوچھتا ہی سیوا’’ کے تحت صفائی اور سینیٹائزنگ مہم چلائے گا۔

ان کوششوں کا مقصد وسیع تر سامعین تک پہنچنا، عوام کو اہم مسائل سے آگاہ کرنا اور صفائی سے متعلق اقدامات میں فعال شرکت کی حوصلہ افزائی کرنا ہے۔

*************

 ( ش ح ۔ ت ش ۔ ت ح  (

25.09.2023

U. No 9908