দিপার্তমেন্ত ওফ এগ্রিকলচর এন্দ ফার্মর্স ৱেলফ্যারনা কেন্তীন, কোরিদোর, দিপার্তমেন্তকী গারীশিং তরু তনান্না শেংদোকপা য়াওনা কেম্পেন অসিগী ওইবা তোঙান তোঙানবা থবক থৌরম কয়া পায়খৎলি অমদি কেম্পেন অসিদা শৌগৎনবা ৱাশকসু শক্নখি‍। দিপার্মতেন্ত ওফ দ্রিঙ্কিং ৱাতর এন্দ সেনিতেসন অমদি হাউজিং অমসুং অর্বান এফ্যার্স মন্ত্রালয়না লুচিংলিবা ‘স্বচ্চতা হি সেবা. (এস.ঐচ.এস.) কেম্পেন অসি সেপ্তেম্বর ১৫দগী ওক্তোবর ২, ২০২৩ ফাওবা পাঙথোক্লি‍।

চহিগী ওইনা পাঙথোকপা কেম্পেন অসিদা ভলুন্তরী ওইনা শরুক য়াবা অমদি মীয়াম পুন্না থবক তৌমিন্নবগী ৱাখল্লোন থৌগৎনবগী পান্দম য়াওরি‍। ‘গার্বেজ ফ্রী ইন্দিয়া’ হায়বা থীম অসিগা লোয়ননা, ভলুন্তরিজম অমদি শ্রমদানগী ৱাখল্লোন্না লৈবাক শিনবা থুংনা পায়খৎলিবা থবক থৌরমশিংগী মাঙদা থাদুনা লৈগনি‍।

লৈবাক শিনবা থুংবদগী মীয়াম মশিং হেক য়ারিবমখৈ য়াম্না পাউজেল য়ৌহন্নবগীদমক, তোঙান তোঙানবা লৈবাক পুম্বগী ওইবা থবকশিং অমদি থৌরমশিং থৌরাং তৌরি, খুদম ওইনা, “এক তারীখ – এক ঘন্তা”‍। ওক্তোবর ১গী অয়ুক পুং ১০ তাবা মতমদা তৌগদবা পুক্নিং থৌগৎনিংঙাই অমদি ইনোৎ হাপ্নিংঙাই ওইবা থৌরম অসিনা খেন্নবা হৌরকফম অমদি ফুরুপশিংগী মীওইশিংবু অমত্তা ওইনা পুনশিন্নদুনা লুবা নানবদা পুং অমা কত্থোক্নবা পান্দম থম্লি‍। শরুক য়ারিবশিংনা তোঙান তোঙানবা লু-নানবগী থবকশিংদা ইচঙ থৌনা শরুক য়াদুনা হেন্না লু=নানবা অকোয়বগী ফীভমগী মায়কৈদা অপুনবা অমদি থৌদাং য়ামিন্নবগী ৱাখল্লোন য়োকখৎলি‍। হায়রিবা থৌরমশিংসিদা, মীয়াম্না ফোতো নমদুনা মখোয়না এস.ঐচ.এস. কেম্পেন্দা লৌরিবা থৌদাং উৎনবগীদমক “স্বচ্চতা হি সেবা – সিতিজন্স পোর্তেল”দা থাগৎপা য়াগনি‍।

দিপার্তমেন্ত ওফ এগ্রিকলচর এন্দ ফার্মর্স ৱেলফ্যারগী সেক্রেতরীনা এদিস্নেল সেক্রেতরী অমদি জোইন্ত সেক্রেতরী (এদমিনিস্ত্রেসন)গা লোয়ননা কৃশি ভৱনশিংদা পায়খৎলিবা শিৎ-শেংবগী থৌরমশিং চাং নাইনা য়েংশিল্লি‍। লু-নান্না লৈনবগীদমক ইচঙ থৌনা খোঙফম অমা লেপ্লিবা অসিনা পুম্নমক্কীদমক অফবা অমদি মতিং লৈবা থবক্কী এনভাইরনমেন্ত অমা শেমগৎপদা দিপার্তমেন্তনা কত্থোকপগা লোয়ননা চঙশিল্লিবসিবু তাক্লি‍।

স্তাফ অমদি ভিজিতরশিংবু শিৎ-শেংবগী থৌরমশিংদা ইচঙ থৌনা শরুক য়ানবগী পুক্নিং থৌগৎনবগীদমক কৃশি ভৱনশিংদা মফম চানা খিল্লিবা ঈ-পাউ কয়া য়াওরবা স্তেন্দীশিংনা কেম্পেন অসিবু য়োকখৎপদা দিপার্তমেন্তনা লৌরিবা মশক নাইবা খোঙথাংশিংগী মরক্তা অমনি‍।

চঙফমদা লৈরিবা অয়ুংবা লৈকোলশিং নীংথিনা শেংদোকপনা দিপার্তমেন্ত অসিনা পায়খৎখিবা অহানবা থবকশিংগী মরক্তা অমনি‍। মসিগী মথক্তা, কৃশি ভৱনশিংগী কোরিদোরশিং অমদি কাশিংসু নীংথিনা শেংদোকখি‍। পনবা য়াবদি, দিপার্তমেন্ত ওফিসিএলশিংনা শিৎ-শেংবগী থবকশিংদা ইচঙ থৌনা শরুক য়াদুনা মখোয় মখোয়গী থবক মফম লু-নান্না থম্নবগী মশা মশাগী থৌদাং লৌনখি‍। দিপার্তমেন্ত অসিনা লু-নানবগী লমদা কত্থোকপগা লোয়ননা চঙশিল্লিবা অসি মখা তানা দিপার্তমেন্ত অসিগী লৈরিবা গারীশিংসু চামথোক্তুনা উৎখি‍।

ওফিসগী ফীভম হেন্না ফগৎহন্নবা খোঙথাং অমা ওইনা, গম্লাগী লৈশিংসু কৃসি ভৱনগী কোরিদোরশিংদা পরেং শানা থম্বগা লোয়ননা অরিবা চৌক্রি তেবলশিং লৌথোকখি‍।

দিপার্তমেন্ত অসিনা ফত্ত-হৌদি হন্থহন্নবগী থবক্তসু ইনোভেতিব ওইবা থৌরাংশিং পায়খত্তুনা মাঙজিল থানা চঙশিল্লি‍। থবক থৌরমশিং মওং মরিল নাইহন্নবা অমদি চেথি চেগুম হন্থহন্নবগীদমক, ফীজিকেল ফাইলশিং জেনেরেল এদমিনিস্ত্রেসন সেক্সন্দা লৈরিবা স্কেন্নিং ফেসিলিতী শীজিন্ননবা পাউতাক পীখ্রে‍।

ওক্তোবর ৪, ২০২৩ ফাওবদা, দিপার্তমেন্ত অসিনা মখোয়গী সোসিএল মিদিয়া প্লেৎফোর্মদা ইনফোর্মেতিব অমদি এঙ্গেজিং ওইবা মচাকশিং চাং নাইনা থাগৎকনি‍। হায়রিবা মচাকশিং অসিদা দিপার্তমেন্ত অসিদা পায়খৎলিবা থবকশিংগী অপদেৎ, লোয়ননা স্বচ্চতা হি সেবা কেম্পেনগা মরী লৈনবা তোঙান তোঙানবা হীরমশিং কোনশিনবা মীয়ামদা ঈ-পাউ খঙহনবদা মতেঙ ওইগদবা সোসিএল মিদিয়া ক্রিএতিবশিং য়াওগনি‍। “স্বচ্চতা ভি স্বাস্থ্য ভি’ হায়বা থীমদা মরুওইবা মীৎয়েঙ থমদুনা, স্বচ্চতা হি সেবা কেম্পেন মনুংদা দি.ও.এ. এন্দ এফ.দব্লিউ.গী মীৎয়েঙ চনান্দা থমগনি‍। চনান অরিবা মতমদগী শীজিন্নরক্লবা হকচাঙদা কান্নবা মচাকশিং মরাং কায়না য়াওরবা মহৈ মরোংনি, মখোয়না মচাক য়াম্না শীজিন্নদে অমদি কার্বোন ফুৎপ্রিন্ত য়াম্না নেম্মি‍। মসিগী মথক্তা, মখোয়সি লৈহাউ ফত্তবা মফমদসু হৌবা ঙমদুনা, লৈহাউগী মশা ফগৎহল্লি অমদি লৈহাউদা শোকহন্বা য়াম্না হন্থহল্লি‍। তরু তরুবা অমদি ঈশিং নুংশিৎগী ফীভমগা চুনবা মহৈ মরোং অসি থানবগী থৌরাংবু, ইং ২০২৩বু মালেমগী চনানগী চহি হায়না লাউথোক্নবা ভারতকী ফিরেপ য়াদুনা য়ুনাইতেদ নেসন্স জেনেরেল এসেমব্লীনা থবক পায়খৎলকপদা লৈবাক ৭০ হেনবদগী ঙাক্লৌ ফংখি‍। ফিরেপ অসিনা ভারতপু মালেমগী ওইবা সেলেব্রেসনগী মমাঙদা থমখি‍।

মখা থাবা ওফিসশিং অমদি দিরেক্তোরেৎশিংদা কেম্পেন অসিগী মনুংদা মখোয় মখোয়না পায়খৎখিবা থবক থৌরাংশিংগা মরী লৈনবা দেতাশিং হাউজিং অমদি অর্বান এফ্যার্স মন্ত্রালয় অমসুং দিপার্তমেন্ত ওফ দ্রিঙ্কিং ৱাতর এন্দ সেনিতেসন্না শেম্লিবা পোর্তেল অসিদা থাগৎলক্নবসু খঙহনখ্রে‍।

মীয়াম পুন্না শিৎ শেংবগী থৌরমসিগীদমক মী য়াম্না তিনবা মফম শিনবা থুংনা তোঙান তোঙানবা থবক থৌরমশিং অমদি থৌরাংশিং পায়খৎনবা দিরেক্তোরেৎশিংনা থৌরাং য়াৎলি‍। খুদম ওইনা, দিরেক্তোরেৎ ওফ সুগরকেন দিভেলপমেন্তনা লখনৌগী অলিগঞ্জতা লৈবা সেক্তর বি.গী তিকোনা পার্কতা লৈবা ৱাল্কিং চেনফম পরিংবু শেমজিনগদৌরি‍। দিরেক্তোরেৎ ওফ ওইলসীদ্স দিভেলপমেন্তনা ওসলসীদ রেসিদেন্সিএল এস্তেতশিংদা অতেক অকায় লৌথোক্নবা অমদি নারক মোংশোং শেংদোক্নবা থৌরাং য়াৎলি‍। দিরেক্তোরেৎ ওফ পল্সেস দিভেলপমেন্তনা ওক্তোবর ১দা “স্বচ্চতা হি সেবা”গী মখাদা শিৎ-শেংবা অমদি লু-নানহনবগী থবক থৌরমশিং পায়খৎকনি‍।

হায়রিবা থৌরাংশিং অসিনা মীয়াম হেন্না পাক শন্না য়ৌহন্দুনা, মরুওইবা ৱাফমশিংগী মতাঙদা মীয়াম্না খঙহন্নবা, অমদি লু-নানবগা মরী লৈনবা থবক থৌরমশিংদা ইচঙ থৌনা শরুক য়াননবগীদমক পুক্নিং থৌগৎনবা পান্দম থম্লি‍।

*****