হাউশিং অমসুং অর্বান পোবর্তী এল্লিবেসন মন্ত্রালয়
অওনবা পুরক্কদবা নহা ওইরিবা মীওইশিংনা স্বচ্ছতাগী মাঙজিল থানা লেপ্লি
Posted On:
25 SEP 2023 12:42PM by PIB Imphal
মমাংগী চহি 9দা স্বচ্ছ ভারত মিসন্না মায় পাকপদগী ঙসিদি স্বচ্ছতাবু কুহ্মৈ অমগুম্না পাংথোক্লি। ফত্ত-হৌদি লৈতবা ভারত অমা শেম্নবগীদমক্তা খুন্নাইগী কাঙলুপ খুদিংগী মীওইশিংনা থোক্লক্তুনা কুহ্মৈ অসিদা শরুক য়ানরি। স্বচ্ছতা পখ্বারা-স্বচ্ছতা হি সেবা হৌদোকখিবা অসিনা লৈবাক অসিদা অচৌবা শাফু অমা পীখি। অহল অমসুং অঙাং মশিং য়াম্বনা স্বচ্ছতাগী ইহৌসিদা শরুক য়ানরি। তমিল নাদুদদি, স্বচ্ছতা হি সেবা কেম্পেন অসিগীদমক্তা মহৈরোইশিংনা নুমিৎ খুদিংগী মরী লৈনবা থবক পাংথোক্নবা থৌরাংসু য়াৎখ্রে। সেনিতেসনগী ইহৌ অসিবুনা স্কুল অমসুং কোলেজকী মশিং য়াম্লবা মহৈরোইশিংনা কেম্পেন অমগুম্না পাংথোক্লি। পখ্বারাগী মখাদা, মরু ওইবা থবক থৌরম অমসুং অপীকপা কেম্পেন মখল কয়াসু সোলিদ ৱেস্ত মেনেজমেন্ত, সিঙ্গল য়ুজ প্লাস্তিক শিজিন্নবগী অকায়বগী মতাংদা মীয়ামদা লৌশিং লৈহন্নবা পাংথোক্লি। লোয়ন-লোয়ননা, রাজ্য শিনবা থুংবগী ULBশিংগী স্কুল অমসুং কোলেজশিংদা লু-নানবগী দ্রাইব কয়া পাংথোক্লি। তোঙান-তোঙানবা ইন্সতিত্যুসনশিংদা পাংথোক্লিবা স্বচছতা হি সেবা কেম্পেনগী থবকশিংদা মহৈরোই লাখ 1 হেনবনা শরুক য়াবগী শক্তম অসি য়েংবদা য়াম্না নুংঙাইবা অমা ওইরি। তঙাই ফদবা লৌশিং পীবা অমসুং লু-নানবগী কেম্পেনশিংগী মথক্তা, মহৈরোইশিংনা MCC, MRF, বাইও CNG প্লান্ত অমসুং বাইও-মাইনিং সাইতকুম্বা সোলিদ ৱেস্ত প্লান্তশিংগী এক্সপোজর ভিজিত কয়াসু ULB কয়া অমনা মহৈরোইশিংগীদমক্তা শিন-লাঙলি। পুম্নমক অসিগী অহেনবা ওইনা, স্কুলশিংনা ফত্ত-হৌদীদগী অঙকপা কান্নবা ফংবগী মতাংদা কম্পিতিসন কয়াসু পাংথোক্লি, মসিদা মহৈরোই কয়ানা ফত্ত-হৌদীদগী লন্দা ওন্থোকপগী পোৎলম কয়া শেম-শাদুনা একজিবিসন্দা উৎকি।
![](https://static.pib.gov.in/WriteReadData/userfiles/image/image001XGLQ.jpg)
মহৈরোইশিংগী মফমদা অকঙবা অমসুং অচোৎপা ফত্ত-হৌদীগী হৌরকফম খায়দোকপগী মতাংদসু তাকপীখি। মহৈরোইশিংনা মশাগী অচোৎপা ফত্ত হৌদী শেন্নবা ঙমহন্নবগীদমক্তা স্কুলশিংদা ওনসাইত কম্পোস্তিং পাংথোকহনখি অমসুং হোম কম্পোস্তিং পাংথোকপগী অচম্বা থৌওংশিংবুসু মহৈরোইশিংগী মফমদা তম্বীখি। কেম্পেন অসিদা রেল্লী, মরাথোন অমসুং সাইক্লোথোন্নচিংবা কয়া অমসু পাংথোকখি। সিঙ্গল য়ুজ প্লাস্তিক্তা অথিংবা থিংবগী মতাংদা মহৈরোইশিংদা লৌশিং পীবগা লোয়ননা প্লাস্তিক্কী মহুৎ শিনবা য়াবা পোৎলমশিংগী মতাংদসু তাকপীখি। স্কুল খরদদি, ফিগী খাও য়েন্থোকপগা লোয়ননা হৌরকফম খায়দোকপা অমসুং য়ুমদা কম্পোস্তিং তৌবগী থৌওংগী চেবাও কয়া অমসু মহৈরোইশিংদা পীখি। স্কুল অমসুং কোলেজ তম্লিবা অঙাংগুম্বা অওনবা পুরকপা ঙমগদবা নহা ওইবশিংনা শরুক য়াদুনা থবক তৌরবদি ইকুই কুইদবা তুংগী মতমদা তরু-তনানবা ভারত অমা শেম্বদা মরু ওইবা থৌদাং লৌগনি হায়বসি তমিল নাদুগী মহৈরোইশিংনা উৎখ্রে।
![](https://static.pib.gov.in/WriteReadData/userfiles/image/image0020UMX.jpg)
***
(Release ID: 1960409)
Visitor Counter : 90