ইনফোর্মেশন অমসুং ব্রোদকাস্তিং, য়ুথ এফিয়ার্স অমসুং স্পোর্তসকী কেন্দ্র মন্ত্রী শ্রী অনুরাগ সিংহ থাকুর কোয়ম্বতুরদা প্রোগ্রাম কয়া অমা শরুক য়ানবা ঙসি অয়ুক তমিল নাদুদা থুংলখি। মহাকপু কোয়ম্বতুর এয়রপোর্ত্তা তরাম্না ওকখি।

মদুগী মতুং মহাক্না পি.এস.জি. কোলেজ ওফ আর্তস এন্দ সাইন্সদা মহৈরোইশিংগা লোয়ননা পাংথোকপা ‘ন্যু ইন্দিয়া দিবেতস’ কৌবা ইন্তরেক্তিব সেসন অমদা শরুক য়াখি অমসুং কীনোত এদ্রেস অমা পীখি।

“পার্তী পুম্নমক্কী সপোর্তকা লোয়ননা ৱুমেন্স রিজার্বেসন বিল পাস তৌখিবা অসি নিংশিংনিঙাই ওইরবা পুৱারীগী থৌদোক অমনি। নুপীশিংবু সোসিয়েল প্রোগ্রেস, পোলিতিকেল প্রোগ্রেস, ফিজিকেল হেল্থ, এজুকেসন, স্পোর্তস অমসুং সাইন্সতা অহেনবা মরুওিবা পীরি।”

হন্দক্তা হরিয়ানাদা পাংথোকখিবা খেলো ইন্দিয়া গেম্সদা রাজ্য পুম্নমক্তগী শান্নরোইশিংনা মেদল মশিং য়াম্না লৌখি। চন্দ্রয়ান-3 মিশনদা তমাল নাদুদগী লুপী সাইন্তিস্তশিংনা মরুওইবা থৌদাং লৌখি। আই.আই.তি.শিংদগী হৌরগা এজুকেস্নেল ইন্সতিত্যুৎ পুম্নমক্তা নুপীশিংনা খ্বাইদগী ৱাংবা পাস পর্সেন্তেজ ফংলি।

মমাংদা নুপীশিংনা দেলিবরীগীদমক চাং নায়না হোস্পিতালদা চৎলমদে। হৌখিবা চহি মাপলদা, নুপী চাদা 94 দেলিবরীগীদমক হোস্পিতালদা মতিক চানা ত্রিৎ তৌরে অমসুং মমা অমসুং অঙাং অশোয় অঙাম য়াওহনদ্রে। মসিগীদমক শেলগী তেংবাংসু ফংহল্লি।

2014দা এল.পি.জি. গ্যাস কনেক্সন করোর 14.5 ওইরম্মি। ঙসিদি অনৌবা কনেক্সন করোর 33 ফংহনখ্রে। জল জীবন য়োজনাগী মখাদা য়ুমথোং খুদিংদা পাইপ দ্রিঙ্কিং ৱাতর সপ্লাই তৌরে। অয়ুশ্মান ভারত হেল্থ ইন্সুরেন্স স্কিমগী মখাদা মীচম প্রজানা লুপা লাখ 5গী অফবা মেদিকেল ত্রিৎমেন্ত ফংবা ঙম্লে। এইম্স হোস্পিতালশিংগী মশিং 7দগী 22দা হেনগৎলে।

হৌখিবা চহি মাপলদা, প্রধান মন্ত্রী নরেন্দ্র মোদীনা অনৌবা মেদিকেল কোলেজ 700 হাংদোকখ্রে। জন ঔশধি কেন্দ্রশিংসু এরিয়া পুম্নমক্তা প্রজাগী মথৌতাবশিং ফংহন্নবগীদমক থবকতৌরি।  

মুদ্রা য়োজনাগী মখাদা নুপী চাদা 70 কানবা ফংহনখ্রে অমসুং প্রধান মন্ত্রী অৱাস য়োজনাগী মখাদা অনৌবা য়ুম মিলিয়ন ৪০ শাখ্রে, মদুগী মনুংদা চাদা 75 নুপীশিংগী মমিংদা রেজিস্তার তৌখি। মতৌ অসুম্না ভারত সরকারনা নুপীশিংগী য়াইফননবা অঅমসুং মখোয়গী পুন্সী ফগৎহন্নবগীদমক স্কিম কয়া ইমপ্লিমেন্ত তৌরি।

অখন্ননা, সেল্ফ হেল্প গ্রুপশিংদা শেলগী তেংবাং ফংহল্লি অমসুং মখোয়বু করোরপতি ওইহন্নবা পান্দম থম্লি। দিফেন্স সেক্তরদসু নুপীশিংনা থবক ফজনা তৌরি  অমসুং মখোয়বু দ্রোনগী ত্রেনিংসু ফংহনগনি। ভারতকী সংসদ নারী শক্তিগী খুদম অমনি।

ঐখোয়গী লৈবাক্তা নুপীশিংদা ফাইনান্স মিনিস্তর অমসুং রাস্ত্রপতিনচিংবা মরুওইবা পোজিসনশিং পীরি।

ভারতকী নুপীশিংনা অন্তরজাতিগী থাক্তা স্পোর্তসতা অফবা পর্ফোমেন্স পীরি। মখোয়বু মোতিবেত তৌনবা স্পোর্তসকী লমদা তোঙান তোঙানবা মখলগী তেংবাশিং ফংহল্লি।

দিজিতেল ইন্দিয়া প্রোগ্রামগী থোংদা কানবশিং কানবা ফংলিবশিংদা দাইরেক্ত য়ৌহল্লি। বেঙ্ক একাউন্ত, আধার নম্বর অমসুং মোবাইল তেক্নোলোজীগী খুত্থাংদা মনুং-মপাল ফাওনা উবা ঙম্বা সরকার ওইথোকপা ঙম্লি।

মালেমগী দিজিতেল ত্রাঞ্জেক্সনগী চাদা 46 ভারত্তা চত্থরি। হৌখিবা চহি মাপলদা মীওই মিলিয়ন 185 পোবর্তী লাইনদগী মপান থোরক্লে। মহাক্না হায়খি, “জি.এস.তি. ইমপ্লিমেন্ত তৌবগা লোয়ননা ঙসি তেক্স রেভিন্যু শরুক অনি ওইরে। ইনিসিয়েতিব কয়াগী খুত্থাংদা ভারত মালেমগী ওিনা ইকোনোমীদা 10শুবা থাক্তগী 5শুবা থাক্তা হায়গৎলে। য়ুনিকোর্নশিং, স্তার্ত-অপনচিংবশিং হেনগৎলক্লি অমসুং নুপীশিং ওন্ত্রেপ্রিন্যুর ওইরক্লি। মতৌ অসুম্না ভারত সাইন্সতগী সেনিমা ফাওবা হিরম খুদিংদা খুমাং চাউশিল্লি। মসিদা নুপীশিংগী থৌদাং অসি য়াম্না মরু ওই।”

ইকায় খুম্নরবা মন্ত্রী অনুরাগ সিংহ থাকুরনা মহৈরোইশিংনা হংলকপা ৱাহংশিংগী পাউখুম পীখি অমসুং ‘ন্যু ইন্দিয়া দিবেতস’না পাংথোকখিবা ক্বিজ কম্পিতিসনগী ৱিনরশিং অমসুং নেস্নেল অমসুং ইন্তরনেস্নেল থাক্কী স্পোর্তস কম্পিতিসনশিংগী ৱিনরশিংবু ইকায় খুম্নবা উৎখি।

***