প্রধানমন্ত্রীগী লোইশঙ
প্রধান মন্ত্রীনা সেপ্তেম্বর ২৩ দা নিউ দিল্লিদা ‘ইন্তরনেসেনেল লোয়ার্স কনফরেন্স ২০২৩’ হৌদোক্কনি
মীফমদা অহানবা ওইনা ভারত্তা পাংথোকপনি
কনফরেন্সকী থিম: ‘অচুম্বা ৱায়েন ফংহনবগী থবক্তা থেংনরিবা খুদোংচাদবশিং
Posted On:
22 SEP 2023 2:10PM by PIB Imphal
প্রধান মন্ত্রী শ্রী নরেন্দ্র মোদীনা সেপ্তেম্বর ২৩,২০২৩গী অয়ুক পুং ১০ তাবদা নিউ দিল্লিগী বিগ্যান ভাবন্দা ‘ইন্তরনেসেনেল লোয়ার্স কনফরেন্স ২০২৩’ হৌদোক্কনি। থৌরম অদুদা প্রধান মন্ত্রীনা ৱা ঙাংগনি।
‘ইন্তরনেসেনেল লোয়ার্স কনফরেন্স ২০২৩’ অসি বার কাউন্সিল ওফ ইন্দিয়ানা শীন্দুনা ‘অচুম্বা ৱায়েন ফংহনবগী থবক্তা থেংনরিবা খুদোংচাদবশিং’ হায়বা থিমদা সেপ্তেম্বর ২৩ অমসুং সেপ্তেম্বর ২৪,২০২৩দা পাংথোক্কদবনি। জাতিগী অমসুং মালেমগী মরুওইবা আইনগী হিরমশিং খন্ন-নৈনবা, অনৌবা ৱাখল্লোনশিং পীথোক-পীশিন তৌনবা অমসুং আইনগী ওইবা ৱাফমশিংদা মালেমগী ওইনা মতেং পীনবা হেনগৎহন্নবা ৱারি শান্নবা মফম অমা পীনবা পান্দমদা কনফরেন্স অসি পাংথোক্কদবনি। লৈবাক অসিদা অহানবা ওইনা পাংথোক্কদৌরিবা মীফম অসিদা, হৌজিক ওইরক্লিবা আইনগী চৎনবীশিং, ঙমখৈ লান্না কেস থেংনবদা থেংনরিবা খুদোংচাদবশিং, আইনগী তেক্নোলোজি অমসুং মহৌশাগী অকোয়বগী ফিবমগী আইনগী মতাংদা খন্নগনি।
মীফম অদুদা শক্নাইরবা জর্জশিং, আইনগী শীনফমদা লৈরিবা মীওইশিং অমসুং মালেমগী ওইনা আইনগী লমদা থবক তৌরিবা শক্নাইরবা মীওইশিং শরুক য়াগনি।
***
(Release ID: 1959799)
Visitor Counter : 94
Read this release in:
Telugu
,
Bengali
,
English
,
Urdu
,
Marathi
,
Hindi
,
Assamese
,
Punjabi
,
Gujarati
,
Odia
,
Tamil
,
Kannada
,
Malayalam