سوچھتا کا سیزن کبھی ختم نہیں ہوتا کیونکہ سوچھ بھارت مشن کے تحت کچرے سے پاک شہروں کا وژن کسی بھی وقت رکنے کا متحمل نہیں ہو سکتا۔ شہری صفائی کا جذبہ لازوال ہے اور اسی لیے سوچھتا پکھواڑا کے آغاز کے ساتھ ہی اس نے  ملک کے ہر کونے کو اپنی لپیٹ میں لے لیا ہے۔ سوچھتا کے لیے جن آندولن جاری ہے۔ جہاں تک  ملک کی صفائی مہم کی قیادت کرنے کا تعلق  ہے تو مہاراشٹر کلیدی ریاستوں میں سے ایک ہے۔ گنیش تہوار مہاراشٹر کے بڑے تہواروں میں سے ایک ہے۔ تاہم، ماضی میں، گنیش مورتی وسرجن اور اسے ممکنہ حد تک ماحول دوست بنانے پر تشویش کی آوازیں اٹھتی رہی ہیں۔ لہذا، چھوٹے بچوں نے ایسا کرنے کے لئے قدم اٹھایا۔

سوچھتا پکھواڑا-سوچھتا ہی سیوا 2023 کے موقع پر، تھانے شہر کے 493 اسکولوں کے درمیان‘ ماحول دوست گنپتی مورتی سازی اور فضلے کا  بہترین استعمال’ کے مقابلے کا ایک بین اسکولی مقابلہ منعقد کیا گیا۔ کل 22,177 طلباء نے سرگرمی سے حصہ لیا اور ماحول دوست مواد کا استعمال کرتے ہوئے گنپتی کی مورتیاں بنائیں اور پائیداری کے بارے میں بیداری پھیلائی۔ طلباء نے سرگرمی سے بھرپور لطف اٹھایا۔ اس کے علاوہ، سٹی کارپوریشن نے انڈین سوچھتا لیگ 2.0 کے تحت مینگرووز کی صفائی کی سرگرمی کا اہتمام کیا، جہاں 2,200 سے زیادہ لوگ اکٹھے ہوئے اور مینگرووز کی حفاظت اور اپنے ارد گرد کو صاف رکھنے کا عہد لیا۔ مینگرووز کی صفائی مہم میں مقامی صفائی متروں نے حکام کے ساتھ حصہ لیا۔

تھانے نے صفائی کی دیگر مختلف سرگرمیوں میں بڑے پیمانے پر عوامی شرکت کا مشاہدہ کیا۔ شہر کے صفائی ستھرائی کے کارکنوں نے حکام کے ساتھ مل کر تھانے ریلوے اسٹیشن پر ایک بڑے پیمانے پر ریڈ اسپاٹ صفائی مہم کا آغاز کیا جس کا مقصد لوگوں کو کھلے میں نہ تھوکنے اور عوامی املاک کو خراب کرنے کے بارے میں آگاہ کرنا تھا۔ اس اقدام میں 1000 سے زیادہ تھانیکروں نے حصہ لیا۔ تھانے میونسپل کارپوریشن نے ایک پارسک ہل صفائی مہم کا بھی اہتمام کیا۔ 2,000 سے زیادہ شہری، اسکول کے بچے، نوجوان لڑکیاں اور لڑکے، مرد اور خواتین اس  میں شامل ہوئے۔ یہ صفائی مہم ایک بڑی کامیابی تھی کیونکہ اس نے پارسک پہاڑی کو خوبصورت بنایا اور مقامی کمیونٹی میں بیداری پیدا کی۔ انڈین سوچھتا لیگ کے موقع پر، تھانے کی طرف سے ایک نیا تصور "ایک منٹ تھانے ساتھی" شروع کیا گیا تھا۔ دادوجی کونڈ دیو اسٹیڈیم میں ایک بہت بڑا ہجوم جمع ہوا، جس میں 25,000 اسکولی طلباء شامل تھے، اور تھانے کو صاف کرنے کے لیے روزانہ ایک منٹ وقف کرنے کا عہد کیا۔

یہ جن آندولن شہری صفائی کے چہرے کو بدل رہا ہے اور سوچھتا کے جذبے کو تقویت دے رہا ہے۔ جنسوں، برادریوں، عقائد، ثقافتوں اور زندگی کے شعبوں سے تعلق رکھنے والے لوگ ایک عظیم تہوار کی طرح صفائی کی عوامی تحریک میں شامل ہو رہے ہیں اور اسے منا رہے ہیں۔

*************

ش ح۔ا ک۔ ر ب

U-9793