جب ہم بچپن کے پیارے دنوں پر نظر ڈالتے ہیں، تو ہم ان پرانی یادوں کی مہم جوئیوں کو تلاش کرتے ہیں ،جو ہم نے چاچا چوہدری کامکس کے ساتھ شیئر کیے تھے۔ چاچا چوہدری اور صابو کے کردار تمام نسلوں کے قارئین کے دلوں میں ایک خاص مقام رکھتے ہیں، کیونکہ انہوں نے اپنے سحر انگیز مکالموں اور بات چیت سے سامعین کو مسحور کیا اور گرمجوشی اور پرانی یادوں کا احساس جگایا۔

چاچا چودھری کامکس کی بے پناہ مقبولیت کو دیکھتے ہوئے ایک منفرد پہل، سی ای سی  جناب راجیو کمار اور ای سی ایس جناب  انوپ چندر پانڈے اور جناب ارون گوئل کے ذریعہ آج نرواچن سدن میں ایک مزاحیہ کتاب ’’چاچا چودھری اور چنوی دنگل‘‘ لانچ کی گئی۔ کامک بک ای سی آئی اور پران کامکس کی مشترکہ پہل ہے جو نوجوانوں کو جمہوریت کے تہوار میں داخلہ لینے اور اس میں حصہ لینے کی ترغیب دینے کے لیے ڈیزائن کی گئی ہے۔ اس میں مشہور کارٹون کردار چاچا چودھری، صابو، بلّو کو پیش کیا گیا ہے، جنہیں معروف کارٹونسٹ آنجہانی جناب  پران کمار شرما نے زندہ کیا تھا۔

اس موقع پر سی ای سی جناب راجیو کمار نے کہا کہ ڈیجیٹل میڈیا کے اس دور میں بھی کامکس ایک آؤٹ ریچ میڈیم کے طور پر متعلقہ اور ناقابل تبدیلی ہے۔ اپنے بچپن کی یادوں کو یاد کرتے ہوئے سی ای سی نے مزید کہا کہ یہ مزاحیہ کردار، اپنی آفاقی اپیل اور ایمانداری، مہربانی اور ہمدردی جیسی اقدار پر زور دینے کے ساتھ، انتخابات سے متعلق معلومات کو تخلیقی طور پر پہنچانے کے لیے ایک پرکشش پلیٹ فارم فراہم کرتے ہیں۔ بچوں اور نوعمروں میں نمایاں پیروی کے ساتھ یہ میڈیم الیکشن کمیشن کو نوجوانوں کے ساتھ مؤثر طریقے سے مشغول ہونے کے قابل بناتا ہے، جو کم عمری سے ہی باخبر اور ذمہ دار شہریت کے احساس کو فروغ دیتا ہے۔ یہ مزاحیہ بچوں کو انتخابی عمل کا تصور کرنے میں مدد دے گا اور یہ پرانی نسل کو اپنے پہلے دنوں کو زندہ کرنے میں بھی مدد دے گا۔

ای سی جناب  انوپ چندر پانڈے نے کہا کہ مزاحیہ کتاب میں اخلاقی انتخابات، شراکتی جمہوریت، زور زبردستی  اور پیسے کی طاقت جیسے اہم مسائل کو بچوں اور بڑوں پر یکساں طور پر اثر انداز ہونے کے لیے بہت واضح اور قارئین دوست انداز میں پیش کرنے کی کوشش کی گئی ہے۔

ای سی  جناب  ارون گوئل نے کہا کہ مزاحیہ کتاب میں انتخابی عمل کے بارے میں مزاح کے ساتھ ساتھ ایک مثبت اور تعمیری پیغام بھی ہے اور یہ نوجوان اور مستقبل کے ووٹروں کو انتخابی عمل میں بڑھ چڑھ کر حصہ لینے کے لیے راغب کرتی ہے۔

یہ مزاحیہ کتاب ایک کثیر جہتی ٹول کے طور پر کام کرتی ہے، جو ووٹروں کی آگاہی کے مختلف اہم پہلوؤں کو حل کرتی ہے۔ اس کی بنیادی توجہ نوجوان اہل ووٹروں کو اپنے اندراج کے لیے حوصلہ افزائی کرنا ہے اور آئندہ انتخابات میں ان کی فعال شرکت کو یقینی بنانا ہے۔ کامک میں چاچا چوہدری قارئین کو الیکشن کمیشن آف انڈیا کی طرف سے تیار کردہ مختلف ایپس جیسےسی وِجل اور کے وائی سی سے متعارف کرانے میں بھی اہم کردار ادا کرتے ہیں، اس طرح انہیں انتخابی عمل میں ایک فعال اور باخبر حصہ لینے کے لیے بااختیار بناتے ہیں۔ مزید برآںمزاحیہ کتاب انتخابی عمل میں خواتین کی شرکت کی اہمیت پر زور دیتی ہے اور یہ خواتین کی شرکت کو بڑھانے کے لیے ای سی آئی کی کوششوں سے ہم آہنگ ہے۔

یہ کامک پرنٹ اور ڈیجیٹل دونوں فارمیٹس میں دستیاب ہے، تمام پلیٹ فارموں پر رسائی کو یقینی بناتا ہے۔ مزید برآں نوجوان ذہنوں کی حوصلہ افزائی کے لیے کامک بک کی مفت کاپیاں اسکولوں میں تقسیم کی جائیں گی، جو مستقبل کے ووٹروں کو انتخابات کے بارے میں آگاہ کریں گی۔ مزاحیہ کی ڈیجیٹل کاپی یہاں حاصل کی جا سکتی ہے: https://ecisveep.nic.in/files/file/2152-chacha-chaudhary-aur-chunavi-dangal/

چاچا چودھری کی مقبولیت شہروں سے بڑھ کر پورے ہندوستان کے چھوٹے شہروں اور دیہاتوں میں گہرائی سے گونج رہی ہے۔ 1960 میں کارٹونسٹ پران کمار شرما کے ذریعہ متعارف کرائے جانے کے بعد سے کردار کی پائیدار اپیل وقت کی کسوٹی پر کھڑی ہے اور یہ انوکھا اقدام اس جذباتی تعلق کو استعمال کرتا ہے، جو اس نے پرانی یادوں کے ذریعے قائم کیا ہے، جس سے ووٹر بیداری کے لیے ایک جامع نقطہ نظر پیدا ہوتا ہے۔

اس موقع پر پران کامکس کے ڈائریکٹر اور پبلشر جناب نکھل پران اور کمیشن کے سینئر افسران بھی موجود تھے۔

************

ش ح۔ج ق۔ن ع

(U: 9751)