குடியரசுத் தலைவர் செயலகம்

குடியரசுத்தலைவர் மனித உரிமைகள் தொடர்பான ஆசிய பசிபிக் அமைப்பின் இரண்டாண்டுகளுக்கு ஒருமுறை மற்றும் வருடாந்திர பொதுக் கூட்டத்தை தொடங்கி வைத்தார்

Posted On: 20 SEP 2023 12:59PM by PIB Chennai

குடியரசுத்தலைவர் திருமதி திரௌபதி முர்மு இன்று (20.09.2023) புதுதில்லியில், மனித உரிமைகள் குறித்த ஆசிய பசிபிக் அமைப்பின் இரண்டாண்டுகளுக்கு ஒருமுறை மற்றும் வருடாந்திர பொதுக் கூட்டத்தைத் தொடங்கி வைத்தார்.

இந்நிகழ்ச்சியில் உரையாற்றிய குடியரசுத்தலைவர், மனித உரிமைகள் அம்சத்தை தனியாகக் கருதாமல், மனிதர்களின் அறியாமையால் பெரிதும் பாதிக்கப்பட்டுள்ள இயற்கை அன்னையின் மீது சமமான கவனம் செலுத்துமாறு அனைவரையும் கேட்டுக்கொண்டார். இந்தியாவில், பிரபஞ்சத்தின் அனைத்து உயிரினங்களும் தெய்வீகத்தின் வெளிப்பாடு என்று நாம் நம்புகிறோம் என்று அவர் கூறினார். காலம் கடப்பதற்குள் இயற்கையை பாதுகாத்து வளப்படுத்த அதன் மீதான நமது அக்கறையை நாம் புதுப்பிக்க வேண்டும் என்று அவர் கூறினார்.

அழிப்பவரைப் போலவே மனிதர்களும் சிறந்த படைப்பாளிகள் என்று குடியரசுத்தலைவர் கூறினார். விஞ்ஞான ஆய்வுகளின்படி, இந்த பூமி ஆறாவது அழிவின் கட்டத்தை எட்டியுள்ளது. அங்கு மனிதனால் உருவாக்கப்பட்ட அழிவு நிறுத்தப்படாவிட்டால், மனித இனத்தை மட்டுமல்ல, பூமியில் உள்ள மற்ற உயிர்களையும் அழித்துவிடும் என்று அவர் கூறினார்.

மனித சமுதாயம் மற்றும் பூமியின் மேம்பாட்டிற்கு வழிவகுக்கும் ஒரு விரிவான பிரகடனத்தை இந்த மாநாடு வெளியிடும் என்று அவர் நம்பிக்கை தெரிவித்தார்.

குடியரசின் தொடக்கத்திலிருந்து, நமது அரசியலமைப்பு உலக அளவில் உள்ள வயது வந்தோருக்கு அளிக்கப்படும் வாக்குரிமையை ஏற்றுக்கொண்டது. மேலும் பாலின நீதி மற்றும் வாழ்க்கை மற்றும் கண்ணியத்தைப் பாதுகாப்பதில் பல அமைதியான புரட்சிகளை ஏற்படுத்த நமக்கு உதவியது என்று குடியரசுத்தலைவர் கூறினார். உள்ளாட்சி தேர்தல்களில் பெண்களுக்கு குறைந்தபட்சம் 33 சதவீத இடஒதுக்கீட்டை உறுதி செய்தோம் என்றும், மாநில சட்டமன்றங்கள் மற்றும் நாடாளுமன்றத்தில் பெண்களுக்கு இதேபோன்ற இடஒதுக்கீடு வழங்கும் திட்டம் இப்போது வடிவம் பெற்று வருவதாகவும் அவர் கூறினார். பாலின நீதிக்கான நமது காலத்தில் இது மிகவும் மாற்றகரமான புரட்சியாக இருக்கும் என்று அவர் பகிர்ந்து கொண்டார்.

மனித உரிமைகளை மேம்படுத்துவதற்காக உலகின் பிற பகுதிகளில் உள்ள சிறந்த நடைமுறைகளிலிருந்து கற்றுக்கொள்ள இந்தியா தயாராக உள்ளது என்று குடியரசுத்தலைவர் கூறினார். உலகெங்கிலும் உள்ள மனித உரிமை நிறுவனங்கள் மற்றும் பங்குதாரர்களுடன் கலந்துரையாடல் மற்றும் ஆலோசனை மூலம் சர்வதேச ஒருமித்த கருத்தை உருவாக்குவதில் ஆசிய பசிபிக் பிராந்திய அமைப்பு பெரும் பங்கு வகிக்கிறது என்று அவர் வலியுறுத்தினார்.

மேலும் விவரங்களுக்கு இந்த ஆங்கிலச் செய்திக் குறிப்பைக் காணவும் https://pib.gov.in/PressReleasePage.aspx?PRID=1958994

***

ANU/AD/IR/KPG/KV



(Release ID: 1959022) Visitor Counter : 117