नवी दिल्‍ली, 14 सप्‍टेंबर 2023

2021 मध्ये राबवलेल्या विशेष मोहिमेच्या धर्तीवर,  युवा व्यवहार आणि क्रीडा मंत्रालयाच्या युवा व्यवहार विभागाने नोव्हेंबर, 2022 ते ऑगस्ट, 2023 या कालावधीत सरकारी कार्यालयांमधील  प्रलंबित बाबींचा निपटारा आणि स्वच्छता यासाठी विशेष मोहीम 2.0 हाती घेतली.

सर्व प्रकारची प्रलंबित प्रकरणे निकाली काढण्यासाठी सर्वतोपरी प्रयत्न करण्यात आले आहेत. मोहिमेच्या उद्दिष्टांच्या दिशेने, नोव्हेंबर, 2022 ते ऑगस्ट, 2023 या कालावधीत, युवा व्यवहार विभागाने 1000 हून अधिक  प्रत्यक्ष फाइल्स काढून टाकत त्या मोठ्या प्रमाणात ई-कार्यालयामध्ये वर्ग करण्यात आल्या. 95% अधिक  सार्वजनिक तक्रारी/सार्वजनिक तक्रार अपील निकाली काढण्यात आले. स्वच्छता मोहिमेचा एक भाग म्हणून, अनेक ठिकाणे स्वच्छ करण्यात आली आणि सुमारे 1000 चौरस फूट जागा विधायक  वापरासाठी मोकळी करण्यात आली.

युवा व्यवहार विभाग एससीडीपीएम  3.0 मध्ये सक्रियपणे सहभागी होण्यास उत्सुक आहे.

* * *

N.Chitale/S.Chavan/D.Rane

सोशल मिडियावर आम्हाला फॉलो करा:@PIBMumbai    /PIBMumbai    /pibmumbai  pibmumbai[at]gmail[dot]com  /PIBMumbai    /pibmumbai