नवी दिल्ली, 13 सप्टेंबर 2023

केंद्रीय विज्ञान आणि तंत्रज्ञान (स्वतंत्र प्रभार), पंतप्रधान कार्यालय, कार्मिक, सार्वजनिक तक्रारी, निवृत्ती वेतन, अणुऊर्जा आणि अवकाश राज्यमंत्री डॉ. जितेंद्र सिंह, 14 सप्टेंबर 2023 रोजी नॅशनल मीडिया सेंटर, नवी दिल्ली येथे विशेष अभियान 3.0 च्या देखरेखीसाठी समर्पित https://scdpm.nic.in, या वेब पोर्टलचा शुभारंभ करतील. 15 सप्टेंबर ते 30 सप्टेंबर 2023 या कालावधीत विशेष अभियान 3.0 चा पूर्वतयारीचा टप्पा असेल. विशेष अभियान 3.0 चे नोडल अधिकारी, सार्वजनिक तक्रारींचे नोडल अधिकारी आणि भारत सरकारच्या सर्व 84 मंत्रालये/विभागांमधील अपीलीय अधिकारी या उद्घाटन समारंभाला उपस्थित राहतील.

याच कार्यक्रमात विशेष अभियान 3.0 ची मार्गदर्शक तत्त्वे आणि डिसेंबर 2022-जुलै 2023 दरम्यान विशेष अभियानाची प्रगती आणि जून-जुलै, 2023 साठी सचिवालय सुधारणांचा मासिक अहवाल देखील प्रकाशित केला जाईल.

भारत सरकारने 2 ऑक्टोबर 2023 ते 31 ऑक्टोबर 2023 दरम्यान विशेष अभियान 3.0 ची घोषणा केली असून यामध्ये स्वच्छता आणि सरकारी कार्यालयांमधील प्रलंबित प्रकरणांचा निपटारा करण्यावर भर देण्यात आला आहे. कॅबिनेट सचिवांनी 25 ऑगस्ट 2023 रोजी भारत सरकारच्या सर्व सचिवांना संबोधित केले असून, 1 सप्टेंबर 2023 रोजी प्रशासकीय सुधारणा आणि सार्वजनिक तक्रारी विभागा (DARPG ) द्वारे  मार्गदर्शक सूचना जारी करण्यात आल्या आहेत. विशेष अभियान 3.0 मंत्रालये/विभाग आणि त्यांच्याशी संलग्न/ अधीन कार्यालयांव्यतिरिक्त सेवा वितरणासाठी जबाबदार असलेल्या अथवा जनतेशी संपर्क असलेल्या क्षेत्रीय/बाहेरील कार्यालयांवर लक्ष केंद्रित करेल. प्रशासकीय सुधारणा आणि सार्वजनिक तक्रार विभाग हा विशेष अभियान 3.0 ची अंमलबजावणी करणारा नोडल विभाग आहे.

विशेष अभियान 3.0 चा पूर्वतयारीचा टप्पा विशेष अभियान 3.0 पोर्टलच्या प्रक्षेपणाने सुरू होईल आणि 30 सप्टेंबर 2023 पर्यंत सुरू राहील. या काळात मंत्रालये/विभाग निवडक श्रेणींमधील प्रलंबित प्रकरणांची स्थिती जाणून घेतील आणि अभियान राबवण्यासाठी स्थळे निश्चित करतील.

 

 

S.Patil/R.Agashe/P.Malandkar

 

 

 

सोशल मिडियावर आम्हाला फॉलो करा:@PIBMumbai    /PIBMumbai    /pibmumbai  pibmumbai[at]gmail[dot]com  /PIBMumbai    /pibmumbai

(Release ID: 1957171) Visitor Counter : 132