শক্নাইরবশিং,

অখন্নবা থৌরম অসিদা অদোম তরাম্না ওকচরি।

ঐগী মরুপ রাস্ত্রপতি বাইদেনগা লোয়ননা মসিগী থৌরম অসি পুন্না মপু ওইমিন্নবা অসিদা ঐ হরাওই।

ঙসি ঐখোয় ময়াম্না অতোপ্পা পুৱারি ওইরবা য়ানবা অমা পুরকপা উরে।

তুংদা, মসিনা ভারত, ৱেস্ত এসিয়া, এসিয়া অমসুং য়ুরোপকী মরক্তা শেন-থুমগী থবক পুনশিন্নবগী অফবা পাম্বৈ অমা ওইরকপা ঙমগনি।

মসিনা মালেম শীনবা থুংনা চৎথোক-চৎশিন অমসুং চাউখৎ-থৌরাংদা তুংকোইনা চৎনবা য়াগদবা লম্বী অমা তাক্কনি।

ঐ,

শক্নাইরবা রাস্ত্রপতি বাইদেন, ক্রাউন প্রিন্স অমসুং প্রধান মন্ত্রী মোহমদ বিন সলমান,

রাস্ত্রপতি সৈখ মোহমদ বিন জয়েদ,

রাস্ত্রপতি মেক্রোন,

চান্সেল্লর স্কোলজ,

প্রধান মন্ত্রী মেলোনি, অমসুং

রাস্ত্রপতি ভোন দের লেয়েন,

মসিগী থবক অসিগীদমক পুম্নমক ঐনা থাগৎচরি।

মরুপশিং,

মীওইবগী সভেত্য চাউখৎনবা অফবা চৎথোক-চৎশিন অমসুং ইনফ্রাস্ত্রকচরনা অকনবা য়ুম্ফম্নি। লৈবাক অসিগী চাউখৎপগী খোঙচত্তা হায়রিবা হিরমশিং অসিদা ভারতনা মরুওইনা লৌরি। ফিজিকেল ইনফ্রাস্ত্রকচরগী মথক্ত, মমাঙদা অমুক্তা ওইখিদ্রিবা মওংদা সোসিএল, দিজিতেল অমসুং শেন-থুমগী ইনফ্রাস্ত্রকচরদা শেন থাদরে।

মসিগা লোয়ননা ঐখোয়না চাউখৎলবা ভারত অমগী অকনবা য়ুম্ফম থোল্লি।

গ্লোবেল সাউথকী লৈবাক কয়াগী থাজরবা মরুপ অমা ওইনা, ইনর্জি, রেলৱেজ, ঈশিং, তেক্নোলোজি পার্ক অসিনচিংবা য়াওনা ঐখোয়না ইনফ্রাস্ত্রকচর প্রোজেক কয়া পায়খৎলে। হায়রিবা থবকশিং অসিদা, ঐখোয়না দরকার ওইবা অমসুং অরোন-অথুপ লৈবা মওংদা পায়খৎলি।

পি.জি.আই.আইগী খুৎথাংদা, গ্লোবেল সাউথকী লৈবাকশিংদা ইনফ্রাস্ত্রকচরগী অৱাৎপা মেনখৎনবা ঐখোয়না শিংথাবা য়াবা মতেং পাংলি।

মরুপশিং,

ভারতনা লমদম অসিগী ঙমখৈশিং খক্তদা লম্বী-থোং শেমগৎনবা হোৎনদে।

লমদম খুদিংমক চৎথোক-চৎশিন হেনগৎহনবা হায়বসি ভারতকী মরুওইবা থবক্নি।

লম্বী-থোং অসিনা অমগা অমগা ললোন-ইতিক হেনগৎহনবতা নত্তনা লৈবাকশিংগী মরক্তা থাজনবা হেনগৎহল্লি।

চৎথোক-চৎশিনগী থবকশিং ফগৎহনবগা লোয়ননা, মখাগী মরুওইবা ৱাফম খর অসি ঙাকপা দরকার ওইরি:

মালেমগী আইনশিং অমসুং চৎন-কাংলোনশিং ঙাকপা।

লৈবাক খুদিংমক্কী মনিংতম্বা অমসুং ঙমখৈগী অপুনবা শক্তম ইকায়খুম্নবা।

শেন তোনবগী অৱাবা পুবগী মহুত্তা শেন-থুমগী খুদোংচাবা য়োকখৎপ।

অমসুং মহৌশাগী অকোয়বগী ফিবম ফগৎনবা থবকশিং ঙাক্না চৎপা অসিনি।

ঙসি, ঐখোয়না চৎথোক-চৎশিনগী অসিগুম্বা অচৌবা থবক অমা পায়খৎলি, ঐখোয়গী তুংগী মীরোলশিংগী মঙলানশিং পাকথোক-চাউথোক্নবা মরুশিং হুল্লি।

পুৱারি ওইরবা থৌরম অসিদা লুচিংবা খুদিংমক ঐনা ঐগী য়াইফ-পাউজেল পীজরি অমসুং পুম্নমক থাগৎচরি।

***