ভারতকী রাস্ত্রপতি শ্রীমতি দ্রৌপদি মুর্মুনা নই দিল্লীগী বিগ্যান ভবনদা ২০২৩গী সেপ্তেম্বর ৫দা খনগৎলবা ওজা ৭৫দা নেস্নেল তিচর্স এৱার্দ ২০২৩ লান্থোক্কনি। চহি খুদিংগী দা. সর্ভপলি রাধাকৃষ্ণগী মপোক কুমওন সেপ্তেম্বর ৫দা ভারতনা নেস্নেল তিচর্স দে ওইনা পাংথোক্লি। নেস্নেল তিচর্স এৱার্দকী পান্দমদি লৈবাক্কী ওজাশিংগী থোইদোক হেন্দোকপা থৌদাংবু পাংথোকপা অমসুং মখোয়গী কমিতমেন্ত অমসুং দেদিকেসনগী থোংদা এজুকেসনগী ক্বালিতী ফগৎহনবতা নত্তনা মখোয়গী মহৈরোইশিংগী পুন্সিবু মশক থোকহনবা অদুগুম্লবা ওজাশিংবু ইকায় খুম্নবা উৎপনি। এৱার্দ খুদিংদা মেরিৎ সর্তিফিকেৎ অমা, লুপা ৫০,০০০গী কেশ এৱার্দ অমা অমসুং সিলভর মেদল অমা য়াওরি। এৱার্দ ফংলবশিংনা প্রধান মন্ত্রীগা লোয়ননা ৱারী শানবগী খুদোংচাবসু ফংগনি।

এজুকেসন মন্ত্রালয়গী স্কুল এজুকেসন অমসুং লিতরেসী বিভাগনা নিংথিজনা মনুং মপান উবা সেলেক্সন প্রোসেস অমগী খুত্থাংদা খনগৎলবা লৈবাক অসিগী খ্বাইদগী ফবা ওজাশিংদা নেস্নেল এৱার্দ লান্থোক্নবা চহি খুদিংগী ওজাগী নুমিৎতা জাতিগী থাক্তা ফঙ্কসন পাংথোক্লি। চহি অসিদগী নেস্নেল তিচর্স এৱার্দনা হায়র এজুকেসন বিভাগ অমসুং স্কিল দিবলপমেন্ত অমসুং ওন্ত্রেপ্রিন্যুরশিপ মন্ত্রালয়গী ওজাশিং য়াওনা পাকথোক চাউথোক্লে। চহি অসিদা স্কুল ওজা ৫০, হায়র এজুকেসনদগী ওজা ১৩ অমসুং স্কিল দিবলপমেন্ত অমসুং ওন্ত্রেপ্রিন্যুরশিপ মন্ত্রালয়দগী ওজা ১২দা এৱার্দ পীরগনি।

ইনোভেতিব তিচিং, রিসর্স, কম্যুনিতী আউতরিচ অমসুং থবক্কী নোভেলতী রিকোগনাইজ তৌনবা মীৎয়েং অমগা লোয়ননা মেক্সিমাইজ পার্তিসিপেসন (জন ভাগিদারী)গীদমক ওনলাইনদা নোমিনেসনশিং কৌখি। ওজাশিং খনগৎনবগীদমক শক্নাইরবা মীওইশিং য়াওবা তোঙানবা মনিংতম্বা নেস্নেল জুরী অহুম শিক্ষা মন্ত্রীনা শেমখি।

এৱার্দ ফংলবশিং য়েংনবগীদমক মসিদা ক্লিক তৌবিয়ু:

*****