قومی آیوش مشن  کی علاقائی  نظر ثانی کی میٹنگ کا افتتاح  آیوش  اور بندر گاہوں، جہاز رانی اور آبی گزر گاہوں کے مرکزی وزیر جناب سربانند سونووال نے  کیا۔ اس موقع پر  آیوش  اور خواتین وبچوں کی ترقی  کے مرکزی وزیر مملکت  ڈاکٹر منج پاڑہ مہندر بھائی ، تمل ناڈو  حکومت میں صحت اور خاندانی  بہبود کے وزیر  تروماں سبرامنین،  حکومت کرناٹک کے  صحت اور خاندانہ بہبود کے وزیر جناب  دنیش   گندو راؤ، آیوش  کی وزارت کے سکریٹری جناب ویدیا راجیش  کوٹیچا  کے علاوہ  آندھرا پردیش ، تلنگانہ، کرناٹک، کیرا لہ،   تمل ناڈو  اور  مرکز کے زیر انتظام علاقے  پڈو چیری ، لکشدیپ اور  حکومت ہند  کی آیوش کی وزارت  کے دیگر سینئر  عہدیدارا موجود تھے۔

میٹنگ کے دوران  شرکت کرنے والی تمام ریاستوں  اور مرکز کے زیر انتظام علاقوں  کے نمائندوں نے  آیوش کی صورت حال اور  آیوش کے زیر نفاذ  اہم پروگراموں میں پیش  رفت  کی تفصیلات پیش کیں۔

اس موقع پر اظہار  خیال کرتے ہوئے  جناب سربانند  سونو وال نے کہا کہ ‘‘ہماری مالا مال وراثت  اور  روایتی  ادویات  ایک بہتر ، صحت مند  اور  خوشحال زندگی  جینے کے لئے  وقت  اور  انسانیت کی نسلوں  کے امتحان میں کھری اتری ہیں۔ ہمیں  ان ادویات  سے مکمل فائدہ اٹھانا چاہئے، چاہے یہ آیوروید  ہوں، سدھا  ہو ، یونانی ہو، یوگا ہو، نیچرو پیتھی  ہو،  سووا رگپا  ہو یا  ہومیوپیتھی ہو۔ وزیراعظم  جناب نریندر مودی جی  دور اندیش  قیادت کے  ہم  روایتی  قسم کی ادویات  کو سائنسی طور پر  جدید ادویات کے ساتھ مربوط کرنے کے لئے کام کر رہے ہیں’’۔

آیوش  نظام کی ادویات  کی افادیت کو اجاگر کرتے ہوئے وزیر موصوف نے  یہ بھی کہا کہ  آیوش  کے کچھ اہم پروگرام  جیسے  اسکولی بچوں کے لئے  آیوش کے ذریعہ  صحت مند طرز  زندگی کو فروغ دینے کی خاطر آیور ودیا  ؛  زچگی اور  زچگی کے بعد  آیوش  کے اقدامات : سپرا جا ؛ وایو مترا  جو  آیوش  پر مبنی  بزرگوں کے لئے پروگرام ہے،  اور  جوڑوں کے درد  اور دیگر   اعصابی  امراض  کی  روک تھام اور بند وبست  کے لئے آیوش  موبائل میڈیکل یونٹوں وغیرہ  کے ذریعہ  آیوش   کے نظام  مستحکم ہوں گے۔

آیوش کی وزارت  قومی آیوش مشن  (این اے ایم)  کے تحت   ریاستوں /  مرکز کے زیر انتظام علاقوں کی حکومتوں  کی امداد کے ذریعہ  سال 24-2023  تک  آیوش  کے  12500  صحت  وتندرستی کے مراکز  (اے ایچ ڈبلیو سیز)  کو شروع کرنے پر کام کر رہی ہے۔ اس کا خاص  مقصد  آیوش  کے اصولوں  اور  طریقہ کار  پر مبنی  جامع تندرستی  کے ماڈل قائم کرنا ،  بیماری کے بوجھ کو کم کرنے کی خاطر عوام کو  ‘‘خود اپنی دیکھ بھال’’  کے قابل بنانا ، اضافی  اخراجات   کو روکنا اور  ضرورت مند لوگوں کو  معلومات پر مبنی  متبادل فراہم کرنا ہے۔ آیوش  کی وزارت  نے  اب تک  جنوبی ریاستوں /  مرکز کے زیر انتظام علاقوں  (آندھرا پردیش،  کرناٹک،  کیرالہ،  لکشدیپ ، پڈو چیری، تمل ناڈو اور تلنگانہ)  کو  15-2014  سے   اب تک این اے ایم کے تحت  719.70  کروڑ روپے جاری کئے ہیں۔ وزارت  نے  جنوبی ریاستوں میں  17  مرکوبوط  آیوش  اسپتالوں میں بھی تعاون کیا ہے، جن میں سے  6  کام کرنے لگے ہیں۔ 12500  اے  ایچ  ڈبلیو سیز میں  وزارت   نے  پہلے  ہی  2181  اے ایچ ڈبلیو سیز  کی  جنوبی ریاستوں /  مرکز کے زیر انتظام علاقوں  میں مدد کی ہے، جن میں سے  1518  اب تک پوری طرح کام کرنے لگے ہیں۔

 اس موقع پر  اظہار خیال کرتے ہوئے   ڈاکٹر منج پاڑہ مہندر بھائی نے کہا کہ  مجھے یقین ہے کہ  ہمیں  پروگراموں  کے بامعنی اقدامات کے طور پر  نتائج پر زیادہ  زور دینا چاہئے۔ ہمیں  اپنی حکمت عملی  اور  منصوبے  کی تکنیک ، اس کو نافذ کرنے   کو پھر سے مرتب کرنا  بھی ہوسکتا ہے اور   ہماری کارکردگی  کے بارے میں  رپورٹ کرنی ہوسکتی ہے، جس سے  نتائج  کے اقدامات میں سہولت پیدا ہو۔ مجھے یقین ہے کہ  اس طرح کا تبادلہ خیال  ہمیں ایک دوسرے کے بہترین طریقہ کار سے  سیکھنے کا موقع فراہم کریں گے اور  ہم سب کے مابین  ایک مضبوط  تعلق  قائم کرنے  کا موقف فراہم کریں گے۔

 سال 23-2022  تک  آیوش  کے 315  اسپتالوں  اور  آیوش  کی 5023  ڈسپنسریوں کے بنیادی ڈھانچے اور  دیگر سہولیات  کو بہتر بنانے کے لئے مدد دی گئی ہے۔ اس کے علاوہ  آیوش  کے 13  نئے  تعلیمی اداروں  اور  77  انڈر گریجویٹ  اور 35  پوسٹ گریجویٹ  آیوش کے تعلیمی اداروں کو  ان کے بنیادی ڈھانچے ، لائبریری  اور دیگر چیزوں کو بہتر بنانے کے لئے مالی امداد فراہم کی گئی ہے۔

این اے ایم کے تحت وزارت  جنوبی ریاستوں /  مرکز کے زیر انتظام علاقوں  سمیت  ریاستوں /  مرکز کے زیر انتظام علاقوں کو  بنیادی  صحت مراکز  ( پی ایچ  سیز) ،  کمیونٹی ہیلتھ سینٹر  (سی ایچ سیز)  اور  ضلع اسپتالوں (ڈی ایچ)   میں آیوش  کی سہولیات  کو مشترکہ طور پر قائم کرنے ،  آیوش  کے مرکزی اسپتال قائم کرنے ، نئی آیوش  ڈسپنسریاں قائم کرنے اور  آیوش  کی  موجودہ  ڈسپنسریوں  اور  ذیلی مراکز  کو بہتر بنا کر  آیوش  کے  صحت اور تندرستی مراکز  شروع کرنے ،  یو جی  اور پی جی  آیوش  تعلیمی اداروں  کو بہتر بنانے  کے لئے  امداد فراہم کر رہی ہے تاکہ عوام  آیوش  کے  صحت کی دیکھ بھال  کے مراکز  سے  زیادہ سے یازیادہ خدمات حاصل کرسکیں۔

این اے ایم  عوام کو  صحت سے متعلق  معلومات  پر مبنی  بہتر متبادل  فراہم کرنے کی خاطر  پورے ملک میں  آیوش  کی  صحت   کی دیکھ بھال کی خدمات فراہم کرنے کے مقصد سے نافذ کی جارہی ہے۔ این اے ایم کے تحت وزارت نے  کرناٹک میں  آیوش  کے دو نئے تعلیمی اداروں ، آندھرا پردیش اور  تمل ناڈو  میں  آیوش  کا ایک ایک تعلیمی ادارے  کو  امداد فراہم کی ہے اور اس میں سے  کرناٹک میں  دو تعلیمی ادارے  کام کرنے لگے ہیں۔ سال 23-2022  تک  آیوش  کے  137  مربوط اسپتالوں  کی مدد کی گئی ہے، جن میں سے  37  کام کرنے لگے ہیں، 86  زیر تعمیر ہیں اور  14 پر عمل در آمد جاری ہے۔ سال 2022  میں  اے ایچ ڈبلیو سیز  کے ذریعہ  8.42  کروڑ لوگوں  نے آیوش کے نظام سے فیض حاصل کیا ہے۔

۔۔۔۔۔۔۔۔۔۔۔۔۔۔۔۔۔۔۔۔۔۔۔

(ش ح- او- ق ر)

U-9239