১৮শুবা জি-২০ মীফম মাংওইন্না, সেপ্তেম্বর ৫,২০২৩ দা নিউ দিল্লিদা নোংমগী ওইবা ‘গ্রিন হায়দ্রোজেন পাইলোতস ইন ইন্দিয়া’ কনফরেন্স পাংথোক্কনি। ভারত্তা সরকার অমসুং লনাই কম্পেনি অনিমক্না পায়খৎলিবা তোঙান-তোঙানবা গ্রিন হায়দ্রোজেন পাইলোতশিং কনফরেন্স অসিদা উৎকনি। কনফরেন্স অসিদা গ্রিন হায়দ্রোজেন তেক্নোলোজিগী অনৌবা পাইলোতশিং অমসুং খুমাঙচাউশিনবশিংশু উৎকনি।

কনফরেন্স অসি ভারত্তা মৈ পুথোকপদা মাংজিল থারিবা কম্পেনি এন.তি.পি.সিনা শীন্দুনা পাংথোক্কদবনি।

কনফরেন্স হৌদোকপগী থৌরমদা পৱার অমসুং নিউ অমসুং রিনিউএবল ইনর্জিগী য়ুনিয়ন মিনিস্তর শ্রী আর.কে সিংহ শরুক য়াগনি অমসুং মরুওইবা ৱারোল পীগনি।

হৌদোকপগী থৌরমদা নিউ অমসুং রিনিউএবল ইনর্জি মিনিস্ত্রিগী সেক্রেতরি শ্রী ভুপিন্দর এস. বাল্লা; এন.তি.পি.সিগী সি.এম.দি শ্রী গুরদিপ সিংহ; অমসুং এন.তি.পি.সি গ্রিন ইনর্জি লিমিতেদকী সি.ই.ও শ্রী মোহিত ভারগাবাশু ৱা ঙাংগনি।

কনফরেন্স অদুদা শরুক য়াগদবশিংনা অনৌবা থবকশিং য়েংনবগী খুদোংচাবা ফংগনি অমসুং তুংগী গ্রিন ইনর্জিগী মরমদা মরুওইবা কয়া খঙবা ঙমগনি।  উৎকদৌরিবা গ্রিন হায়দ্রোজেন পাইলোতশিংগী মনুংদা পেত্রোলিয়ম অমসুং নেচরেল গ্যাসতা গ্রিন হায়দ্রোজেন য়ানশিনবা( এন তি পি সি); গ্রিন হায়দ্রোজেন মোবিলিতি(এন তি পি সি); এফ.সি.ই.ভি অমসুং ঐচ.২১.সি.ই গারিশিং(অশোক লেলেন্দ); গ্রিন সিপ্পিংগী থবকশিং(কোচিন সিপয়ার্দ); মাইকোগ্রিদ অমসুং মোবিলিতি(এন.ঐচ.পি.সি); মোবিলিতি, য়ানশিল্লবা এ.ই.এম ইলেক্ত্রোলাইজরশিং শীজিন্নবা(ওইল ইন্দিয়া); গ্রিন হায়দ্রোজেন্দা য়ুম্ফম ওইবা মাইক্রোগ্রিদ অমসুং অতোপ্পা থবকশিং(ঐচ২ই); বিকানরদা গ্রিন এম্মোনিয়া প্লান্ত(এ সি এম ই); গ্রিন মিথানোল, গ্রিন ইথানোল(এন তি পি সি); গ্রিন হায়দ্রোজেনগা লোয়ননা দি.আর.আই স্তিল পুথোকপা(স্তিল মিনিস্ত্রি); হায়দ্রোজেন্দা য়ুম্ফম ওইবা মাইক্রোগ্রিদ থবকশিং(তিঐচদিসি); হাজিরাদা ৱেলদিংগী থবকশিংদা গ্রিন হায়দ্রোজেন শীজিন্নবা(এল এন্দ তি); ওফ-গ্রিদ সোলারদা গ্রিন হায়দ্রোজেন শীজিন্নবা(হায়জেনকো); অমসুং সোলারদগী দাইরেক্ত হায়দ্রোজেন-(সোহায়তেক) য়াওরি।

থৌরম অদুদা পাংথোক্কদৌরিবা খন্ন-নৈনবশিং অদুনা ঙন্না থবক পায়খৎলিবশিংনা থেংনরিবা মাইপাকপশিং অমসুং খুদোংচাদবশিংগী মতাংদা ই-পাউ পীথোক-পীশিন তৌনবা অমসুং পুক্নিং থৌগৎপদা মতেং পাংগনি। মসিগী মথক্তা, চাংয়েং ওইনা পায়খৎলিবা প্রোজেকশিং অসিনা তেক্নোলোজিগী খুদোংচাদবশিং কোকহনবা, লমদম অমগী সপ্লাই চেনশিং শেমগৎপা অমসুং তুংদা তেক্নো-ইকোনোমিগী ওইথোকপা য়াবশিং পুথোকপদা মতেং পাংগনি।

কনফরেন্স অসিনা মাঙদা চঙশিনগদবা লম্বী ঙালহনবা খক নত্তনা নেসনেল গ্রিন হায়দ্রোজেন মিসনগী পান্দমশিং ফংনবা থবকশিংদা ইথিল পীগনি।

কনফরেন্সকী এজেন্দা মফম অসিদা ফংগনি।

মরী লৈনবশিং:

• ভারতনা গ্রিন হায়দ্রোজেনগী দিফিনিসন লাউথোক্লে
• ভারতনা জি-২০গী প্রসিদেন্ত ওইবগী মখাদা পাংথোকপা অরোইবা ইনর্জি ত্রান্সসিসন ৱার্কিং গ্রুপ মীতিং লোইশিনখ্রে
• জি-২০ ইনর্জি মিনিস্তরশিংনা মীৎয়েং শানবা অমসুং থাজনিঙাই ওইবা দোকুমেন্ত অমসুং চিয়ারগী ৱারোল য়ারে
• জি-২০ ইনর্জি ত্রান্সসিসন ৱার্কিং গ্রুপ মীতিংশিংদা থিজিনখিবশিং ফোঙলে

*******