ایم ای آئی ٹی وائی کے سائبر تحفظ بھارت پہل کا تصور، سائبر جرائم  کے بارے میں بیداری پھیلانے اور تمام سرکاری محکموں میں چیف انفارمیشن سیکیورٹی آفیسرز (سی آئی ایس اوز) اور فرنٹ لائن آئی ٹی اہلکاروں کی صلاحیتوں کو بڑھانے کے مشن کے ساتھ بنایا گیا تھا، تاکہ اس  بڑھتی ہوئی لعنت سے نمٹنے کے لیے ،مناسب حفاظتی اقدامات کو یقینی بنایا جا سکے۔ تنظیموں کو اپنے ڈیجیٹل بنیادی ڈھانچے  کا دفاع کرنے اور سائبر حملوں سے نمٹنے کے لیے مستقبل کے لیے تیار رہنے کی ضرورت ہے۔

قومی  ای -گورننس ڈویژن (این ای جی ڈی)، اپنی صلاحیت سازی اسکیم کے تحت، نئی دہلی میں انڈین انسٹی ٹیوٹ آف پبلک ایڈمنسٹریشن میں،  مرکز ی  لائن وزارتوں  کے 25 شرکاء کے ساتھ، 7 سے 11 اگست 2023 تک 39 ویں سی آئی ایس او  ڈیپ ڈائیو تربیتی  پروگرام کا انعقاد کیا۔

پروگرام کا افتتاح آئی آئی پی اے کے  ڈائرکٹر جنرل جناب ایس این ترپاٹھی، ایم ای آئی ٹی وائی میں سائنسدان جی (سینئر ڈائریکٹر) اور گروپ کوآرڈینیٹر، سائبر سیکیورٹی محترمہ سویتا اتریجا، ایم ای آئی ٹی وائی کےاین ای جی ڈی  میں صلاحیت سازی اور مالیہ  کےڈائریکٹرجناب رجنیش کمار، ونود کمار چوہان، سائنسدان ای، سائبر سیکیورٹی، ایم ای آئی ٹی وائی اور پروفیسر چاررو ملہوترا، کورس کوآرڈینیٹر، آئی آئی پی اے، نے کیا۔

اس پروگرام کا مقصد بیداری پھیلانا، صلاحیت سازی  کے ساتھ ساتھ سرکاری محکموں کو ایسے اقدامات کے قابل بنانا ہے جو سائبر لچکدار  ایکو نظام  بنانے کے لیے اٹھانے کی ضرورت ہے۔ اس پروگرام کا مقصد مختلف حکومتوں کی مربوط ترسیل کے لیے ڈیجیٹل انڈیا پروگرام کو آگے لے جانے کے لیے سائبر سیفٹی اور سیکورٹی کے بارے میں شرکاء کو حساس بنانا اور ان کی طرف راغب کرنا ہے۔ شہریوں کے لیے خدمات، سائبر سیکیورٹی کے بارے میں ایک جامع معلومات اور علم اور تفہیم پیش کرنا، بیداری پھیلانا، صلاحیتوں کی تعمیر کے ساتھ ساتھ سرکاری محکموں کو ان کی سائبر حفظان صحت، تحفظ اور سلامتی  کا خیال رکھنے کے قابل بنانا ہے۔

2018 میں شروع کی گئی، سی آئی ایس او تربیت سرکاری –نجی شراکت داری  (پی پی پی) ماڈل کے تحت ،حکومت اور صنعتی  کنسورشیم کے درمیان اپنی نوعیت کی پہلی شراکت داری  ہے۔ جون 2018 سے لے کر اگست 2023 تک، این ای جی ڈی  نے 1,489 سے زیادہ سی آئی ایس اوز  اور فرنٹ لائن آئی ٹی  عہدیداروں کے لیے سی آئی ایس او گہری غوطہ خوری کے تربیتی پروگراموں کے 39 بیچوں کا مؤثر طریقے سے انعقاد کیا ہے۔

*************

 ش ح۔اع۔رم

U-9076