حکومت ہند اور نیوزی لینڈ کی حکومت نے شہری ہوا بازی میں تعاون کو فروغ دینے  کی خاطر ایک مفاہمت نامے پر دستخط کیے ہیں۔ اس میں نئے راستوں کا پروگرام ، کوڈ  مشترک کرنے سے متعلق خدمات ، ٹریفک کے حقوق  کے علاوہ صلاحیت کے  حق کا احاطہ کیا جائے گا ۔

اس مفاہمت نامے پر  بھارت کی شہری ہوابازی کی وزارت کے سکریٹری جناب راجیو بنسل اور نیوزی لینڈ  کی جانب سے ، وہاں کے ہائی کمشنر جناب ڈیوڈ پائن نے  دستخط کئے ۔ دستخط کئے جانے کی تقریب کے دوران ، بھارت کے شہری ہوابازی کے  مرکزی وزیر جناب جیوترادتیہ ایم سندھیا اور نیو زیلینڈ شہری ہوابازی  کے وزیر جناب ڈیمین او کونر  ، تجارت اور برآمدات کی  نمو میں اضافے  کے  وزیر  ، ڈیمین اوکونر ، بایو سکیورٹی کے وزیر ، زراعت کے وزیر ، زمینی معلومات کے وزیر اور دیہی طبقوں کے وزیر بھی موجود تھے ۔

نیو زیلینڈ اور انڈیا کے درمیان یکم مئی ، 2016 ء کو آکلینڈ میں ایک فضائی خدمات کے معاہدے پر دستخط کیے گئے تھے۔ نیو زیلینڈ کی حکومت اور بھارت کی حکومت نے دونوں ممالک کے درمیان فضائی  خدمات سے متعلق موجودہ انتظامات کا  بھی جائزہ لیا ۔ آج دستخط کیے گئے  مفاہمت ناموں سے دونوں ممالک کے درمیان شہری ہوا بازی میں دوطرفہ تعلقات کو مزید فروغ  دیئے جانے کا امکان ہے۔

مفاہمت نامے کے مطابق، نیوزیلینڈ کی نامزد ایئر لائنز  کسی بھی قسم کے ہوائی جہاز کے ساتھ،  بھارت میں چھ پوائنٹس نئی دلّی، ممبئی، بنگلورو، چنئی حیدر آباد اور کولکاتہ از / تا تیسرے اور چوتھے آزادی کے ٹریفک کے حقوق کے ساتھ کسی بھی تعداد میں خدمات  فراہم کر  سکتی ہیں۔

اس موقع پر خطاب کرتے ہوئے ، جناب جیوتیرادتیہ ایم سندھیا نے کہا کہ آج  کا دن بھارت اور نیوزیلینڈ کے درمیان شہری ہوابازی کی فضائی خدمات کے لیے ایک اہم دن ہے۔ ہم نے ایک مفاہمت نامے پر دستخط کیے ہیں ، جس سے ہمارے دونوں ممالک کے درمیان ہوائی نقل و حمل کو آگے بڑھانے کے امکانات کھل گئے ہیں۔ کھلے آسمان کی پالیسی اپنائی گئی ہے۔ کالز کا پوائنٹ بڑھا دیا گیا ہے۔ ہم نے انٹرمیڈیٹ پوائنٹس میں بھی اضافہ کیا ہے۔

بھارت کی نامزد کردہ ایئرلائنز آکلینڈ، ویلنگٹن، کرائسٹ چرچ اور نیوزیلینڈ کے مزید تین پوائنٹس کے لیے کسی بھی قسم کے ہوائی جہاز کے ساتھ تیسرے اور چوتھے آزادی کے ٹریفک کے حقوق کے ساتھ کسی بھی قسم کی خدمات چلا سکتی ہیں  ۔

دونوں فریقوں کی نامزد ایئر لائنز کسی بھی قسم کے تمام کارگو خدمات کو کسی بھی قسم کے ہوائی جہاز کے ساتھ تیسرے، چوتھے اور پانچویں آزادی کے ٹریفک کے حقوق کے ساتھ دوسرے فریق کے علاقے کے کسی بھی مقام سے کسی بھی درمیانی نقاط سے ماورا نقاط تک، روٹ شیڈول میں بیان کردہ پوائنٹس سے قطع نظر کسی بھی نقطہ  تک آگے چلائی جاسکتی ہیں۔

********

( ش ح ۔  ح ا ۔ ع ا )

U. No.8965