য়ুনিয়ন হোম মিনিস্তর, শ্রী অমিত শাহনা শাহনা ঙসি নই দিল্লীদা নুমিৎ নিনিগী ওইবা নেস্নেল সেক্যুরিতী স্ত্রেতেজীজ কনফরেন্স ২০২৩ লোইশিনবগী সেসনদা ৱা ঙাংখ্রে। মহাক্কী ৱারোল অদুদা, হোম মিস্তরনা নাগ্রিকশিংদা মতম চানা ৱায়েল-বিচার পীবা অমসুং মখোয়দা সংবিধানগী ওইবা হকশিং শোইদনা ফংহনগদবা সীস্তেম অমা লৈহনবগী তঙাইফদবা অদুগী মতাংদা য়াম্না মরু ওইনা পনখি।

শ্রী অমিত শাহনা মকোক থোংবা পুলিসকী লুচিংবশীংদা লৈবাক অশিগী ইন্তর্নেল সেক্যুরিতী প্রোব্লেমশিং অদুবু য়েংশিনবদা মখোয়না লৌখৎলিবা খোংথাংশিং অদুবু অহোংবা অমা পুরক্নবা তকশিনখি। মহাক্না পুলিসিং তৌবদা মোদর্ন তেক্নোলোজী শিজিন্নবগী মতাংদা মরু ওইবা পীখি অমসুং মসিবু কন্সতেবলগী থাক্তা লৈবা পুলিসকী অনেম্বা রেঙ্কশিংদগী হৌরগা অৱাংবা থাক্তা লৈবশিংদা ফাওবা মসিবু নিংথিজনা থবক ওইনা পাইখৎনবা হায়দুনশু পাউতাক পীরকখি।

পার্লিয়ামেন্ততা হন্দক্তা অনৌবা আইনশিং পুথোরকখিবা অদুবু পল্লদুনা, য়ুনিয়ন হোম মিনিস্তরনা ক্রিমিনেল জস্তিস সীস্তেম পুম্বা নৌহৌননা হেন্না মপাঙ্গল কনখৎহন্নবগীদমক্তা ভিজন অমা থমখি। মহাক্না পুলিস ওফিসরশিংদা মসিগী অনৌবা আইনশিং অসিনা পার্লিয়ামেন্ততা হেক পাস তৌখিবগা, মখোয়না ক্রিমিনেল জস্তিস সীস্তেমবু নৌহৌননা হেন্না মপাঙ্গল কনখৎহন্নবা গ্রাসরুত লেভেলদা মসিবু ইমপ্লিমেন্ত তৌনবগীদমক্তা শেম-শাদুনা লৈনবা হায়দুনা তকশিনখি।

য়ুনিয়ন হোম মিনিস্তরনা ইনভেস্তিগেশন অমসুং প্রোসিক্যুশন তৌবগী থৌওং পুম্বদা দিজিতেল তেক্নোলোজী শিজিন্নবগী মরু ওইবা অদুগী মতাংদা য়াম্না মরু ওইনা পনখি। মহাক্না হেন্না মপাঙ্গল কনখৎহল্লবা ক্রিমিনেল জস্তিস সীস্তেমগী তুংলমচৎতা মথৌ তাবশিং অদুবু নিংবা থুংহনবা ঙম্নবগীদমক্তা তেক্নোলোজী-লেদ পুলিসিংগী মতেং লৌনবগীদমক্তা অনৌবা থৌরাং কয়া অমগী মতাংদা ৱা ঙাংখি। হোম মিনিস্তরনা আর্তিফিসিয়েল ইন্তেলিজেন্সকী লমদা তেক্নোলোজীগী মতাংদা খুমাং চাউশিল্লকপা হেনগৎলকপা অসিগী মতাংদা মরু ওইনা পনখি অমসুং মসিবু খুদোংচাবা অমা ওইবগা লোইন-লোইননা খুদোংথিনিংঙাই ওইবা অমশুনি হায়না হায়খি। মহাক্না পুলিসতা এ.আই.বু মখোয়গী খুদোংচাগদবা মওংদা শিজিন্নবা হৈনবা অমসুং লোইন-লোইননা মসিগী খুদোংচাদবশিং অমসুং মসিনা শোকহনবশিং অদুবুশু মায়োক্নবা ঙম্নবগীদমক্তা শেম-শাদুনা লৈনববা হায়খি।

হোম মিনিস্তরনা পার্তিসিপেন্তশিংদা ২০৪৭ ফাওবদা ভারতপু খ্বাইদগী হেন্না মাংজিল থাবা লৈবাক অমা ওইহন্নবা প্রধান মন্ত্রী, শ্রী নরেন্দ্র মোদীগী ভিজন অদুবু ফংবা ঙম্নবা মথংগী চহি ২৫ অসি য়াম্না কন্না হোৎননবা থৌগৎখি। অতোপ্পা লৈবাকশিংদগী তমশিনবগী মরু ওইবা দুগী মতাংদা পাউতাক পীরদুনা, মহাক্না অতোপ্পা লৈবাকশিংগী মীশিংনা খুদম অমা ওইনা ভারত্তগী তমজনবগীদমক্তা মথংগী চহি ২৫ অসিদা খুদম অমা ওইনা উৎনবা পুক্নিং চিংশিনখি।

*****

(Release ID: 1953089) Visitor Counter : 95