ভারতকী প্রসিদেন্সী মখাদা জি২০ কলচর ৱার্কিং গ্রুপ (সি.দবল্যু.জি.)গী মরুশুবা মীফমদা জি২০ মেম্বরশিং অমসুং শরুক য়ারিবা ইন্তরনেস্নেল ওর্গনাইজেসনশিংগী দেলেগেতশিংগা লোয়ননা লাউথোকখিবা দ্রাফতা খন্ন-নৈনবা ঙসি বারানাসিদা লোইশিনখ্রে।

ভারতকী জি২০ প্রসিদেন্সীগী মখাদা সি.দবল্যু.জি.না মখোয়গী আউতকম দোকুমেন্ত অমসুং চিয়রগী শমলপ্পা ৱারোলগী থোংদা সংস্কৃতিবু গ্লোবেল পোলিসীমেকিংগী পুক্নিং চিংশিনবদা অকনবা ৱাফম থমখি।

কলচর মিনিস্তরশিংগী মীফম হয়েং বারানাসিদা পাংথোক্লগনি।

মসিগী মমাংদা মিদীয়াদা ৱা ঙাংলদুনা শ্রী জি. কে. রেদ্দীনা হায়খি মদুদি বারানাসি কলচর মীফমনা কলচরেল সেক্তরগা মরী লৈনবা মল্তি-দাইমেন্সিনেল গ্লোবেল রিলেসনশিং খন্ন-নৈনবদা খুদোংচাবা তাঞ্জা অমা পীরে।

জি২০গী মখাদা পাংথোকপা কলচরেল ৱার্কিং গ্রুপ মীফমশিংগী মতাংদা শমলকপা ৱারোল পীরদুনা মহাক্না হায়খি মদুদি অহানবা কলচরেল গ্রুপ মীফম খাজুরাহোদা, অনিশুবনা ভুবনেশ্বরদা, অহুমশুবনা কর্নাতকাগী হম্পীদা পাংথোকখি অমসুং মরিশুবনা হৌজিক বারানাসিদা পাংথোক্লি। মহাক্না মসিমসু মখা তাখি মদুদি হয়েং মিনিস্তরিয়েল মীফম লোইশিনলকপদা বারানাসি কলচরেল মিনিস্তরিয়েল দিক্লারেসন লাউথোক্লগনি।

শ্রী জি. কিশন রেদ্দীনা হায়খি মদুদি কলচরেল ৱার্কিং গ্রুপ অসিগী মখাদা চহি অসিদা তোঙান তোঙানবা প্রোগ্রামশিং অমসুং ৱেবিনারশিং পাংথোকখি। ৱেবিনারশিং অমসুং প্রোগ্রামশিং অসিদা তোঙান তোঙানবা জি২০ লৈবাকশিংদগী এক্সপার্ত ১৫৯না অতোপ্পা স্তেকহোল্দরশিংগা লোয়ননা শরুক য়াখি।

মহাক্না মসিমসু হায়খি মদুদি পুম্নমক্কী ইনপুত্তা য়ুমফম ওইরগা দিক্লারেসন লাউথোক্কনি। ভারতকী কলচরেল কেপিতেল বারানাসিদা কলচরেল গ্রুপকী মীফম পাংথোকপা অমসুং দিক্লারেসন শেম্বা অসি ঐখোয়গীদমক নিংশিংনিঙাই ওইবা মীকুপ অমনি।

মহাক্না খংহনখি মদুদি ২০১৪দগী হৌজিক ফাওবদা এন্তিক্বিতী ৪০০ হেন্না অমুক হন্না ফংখ্রে অমসুং ভারত্তা পুরকখ্রে।

থৌরম অসিদা ৱা ঙাংলদুনা কলচরগী রাজ্য মন্ত্রী শ্রীমতী মীনাক্ষি লেখিনা হায়খি মদুদি ভারতকী প্রসিদেন্সীনা লৈবাক অসিগী অখন্ননা সঙ্গিতকীদমক য়ুনেসকোগী হেরিতেজ সিতী ওইনা খল্লবা বারানাসিগী সংস্কৃতিগী ওইবা ফজরবা কলাগী মওং মতৌ উৎলি।

মহাক্না হায়খি মদুদি কলচর ৱার্কিং গ্রুপকী খন্ন-নৈনবশিংনা কলচরেল দিপ্লোমেসী হেনগৎহনবগী লম্বী য়াৎতুনা তোঙান তোঙানবা লৈবাকশিংগী মীয়াম্বু নকশিন্নহল্লে।

থৌরম অসি নিংশিংনবা কলচরেল য়ুনিতীগী থীমদা পোস্তেল স্তাম্প অমসু ইসু তৌরগনি হায়না মহাক্না খংহনখি।

কলচর সেক্রেতরী শ্রী গোবিন্দ মোহন্না হায়খি মদুদি হয়েং ত্রেদ ফেসিলিতেসন সেন্তরদা গ্রান্দ কলচরেল ম্যুজিকেল কনসর্ত সুর বসুধা পাংথোক্কনি মদুদা বূসুধৈব কুতুম্বকমগী থীমদা লৈবাক ২৯দগী সঙ্গিতকারশিংনা অমত্তা ওইনা মখোয়গী কলা উৎকনি।

ৱার্কিং সেসন লোইরবা মতুং দেলেগেতশিংনা গঙ্গা তুরেলদা ক্রুজ অমদা সন্ত রবিদাস ঘাৎতা চৎখি অমসুং মদুগী মতুং গ্রান্দ গঙ্গা আর্তি শরুক য়াখি। গঙ্গা আর্তি অসি শেংলবা গঙ্গা তুরেলদা ইকায় খুম্নবা উৎনবা নুমিৎ খুদিংগী অয়ুক অমসুং নুমিদাংৱাইরম পাংথোকপা ফজরবা রুচুয়েল অমনি।

মদুগী মতুং দেলেগেতশিংনা শক্নাইরবা দান্সর অমসুং কোরিয়োগ্রাফর রানি খানমনা ওর্গনাইজ তৌবা পুক্নিং শুমহৎলবা কলচরেল পর্ফোমেন্স অমা য়েংখি। কথক দান্স লান্থোকখিবগী পান্দমদি ভারতকী স্পিরিচুয়েল অমসুং কলচরেল এক্সপ্রেসনশিংগী এসেন্স কেপচর তৌবনি।

কলচর মিনিস্তরশিংগী মীফম হয়েং পাংথোক্লগনি, মদু ভারতকী জি২০ সি.দবল্যু.জি.গী মমাংগী মীফম অমসুং খন্ন-নৈনখিবা পুম্নমক্কী লোইশিনবা মীফম ওইগনি। সি.এম.এম.দা এক্সপার্তশিংদগী ইনসাইতশিং অমসুং রিকমেন্দেসনদা ‘জি২০ কলচর: শেপিং দি গ্লোবেল নেরেতিব ফোর ইনক্লুসিব গ্রোথ’ হায়না মিংথোনবা অকুপ্পা রিপোর্ত অমা লোঞ্চা তৌগনি। ভারতকী জি২০ প্রসিদেন্সীগী সি.দবল্যু.জি.গী মখাদা ‘সংস্কৃতিনা পুম্নমকপু পুন্সিল্লি’গী মরুওইবা কেম্পেনগী খোংচৎপু মার্ক তৌরদুনা অখন্নবা পোস্তেজ স্তাম্প অমসু রিলিজ তৌগনি। জি২০ ওর্কেস্ত্রা – সুর বসুধা, অন্তরজাতিগী থাক্তা শক্নাইরবা কলাকারশিংবু অমত্তা ওইনা পুন্সিল্লগনি, মদু হয়েং ২০২৩গী ওগস্ত ২৬দা জি২০ সংস্কৃতি মন্ত্রিশিংগী মীফমগী শরুক অমা ওইনা মখোয়গী কলা উৎকনি।

*****