ہاؤسنگ اور شہری امور اور پٹرولیم و قدرتی گیس کے مرکزی وزیر جناب ہردیپ سنگھ پوری نے پورے تعمیراتی ماحول کے عرصے میں پائیداری اور آب و ہوا کے لئے سازگاری کو اپنانے کے تناظر میں شہری منصوبہ بندی کی ضرورت پر زور دیا ہے۔ تعمیراتی صنعت میں نئی اور ابھرتی ہوئی ٹیکنالوجیوں اور تعمیراتی ساز و سامان کو اپنانے پر کانفرنس کا افتتاح کرتے ہوئے وزیر موصوف نے کہا کہ مودی حکومت نے شہر کاری کو کثیر رخی ترقی کے لئے ایک موقع کے طور پر دیکھا ہے اور اس لئے بھارت شہر کاری کی منصوبہ بندی کے لئے انتہائی جامع پروگراموں میں سے ایک کو اپنا رہا ہے۔ یہی وجہ ہے کہ پردھان منتری آواس یوجنا – شہری (پی ایم اے وائی – یو) نے، جو وزارت کی ایک اہم اسکیم ہے، خاص اہمیت حاصل کرلی ہے، کیونکہ اس نے پائیدار اور گرین بنیادی ڈھانچے کو تشکیل دیتے ہوئے بھارت کے شہری غریبوں کے لئے سستے مکانوں کے مسئلے کو حل کیا ہے۔ پی ایم اے وائی- یو نے تعمیر کے لئے گرین ٹیکنالوجی کے استعمال کو اجاگر کرتے ہوئے جناب پوری نے اجتماع کو بتایا کہ پائیدار تعمیراتی سامان جیسے راکھ سے بنی اینٹیں / بلاک اور اے سی سی بلاک کا استعمال کرتے ہوئے مشن کے تحت 43.3 لاکھ مکان تعمیر کئے جارہے ہیں۔ ان مکانوں سے دسمبر 2024 کے آخر تک سی او2 کے اخراج میں 9 ملین ٹن کی کمی آئے گی۔

مکانوں کی تعمیر کے سیکٹر میں ایک زبردست تبدیلی لانے کے لئے ہاؤسنگ اور شہری امور کی وزارت (ایم او ایچ یو اے) نے گلوبل ہاؤسنگ ٹیکنالوجی چیلنج (جی ایچ ٹی سی) کے تحت پوری دنیا سے 54 اختراعی تعمیراتی ٹیکنالوجیز کو منتخب کیا ہے۔ اس کے علاوہ 6 لائٹ ہاؤس پروجیکٹوں کے تحت چنئی، راجکوٹ، اندور، لکھنؤ، رانچی اور اگرتلہ میں 6368 مکانات کی تعمیر کی جارہی ہے۔ وزیر موصوف نے اختراعی تعمیراتی ٹیکنالوجیز کے استعمال سے تعمیراتی لاگت، وقت، سیمنٹ کے استعمال اور ملبہ کم ہونے کے علاوہ حرارتی آرام اور لاگت میں کمی سمیت متعدد فوائد گنوائے۔

 ایم او ایچ یو اے میں ایم او ایس جناب کوشل کشور نے جدید اور اختراعی ٹیکنالوجی کو استعمال کرتے ہوئے سماج کے تمام طبقوں کے لئے معیاری مکان فراہم کرنے کی ضرورت کا اعادہ کیا، کیونکہ اس سے نئے اور خودکفیل بھارت میں معیار زندگی کو بہتر بنانے میں مدد ملے گی۔ ایم او ایچ یو اے کے سکریٹری جناب منوج جوشی نے تعمیرات کے لئے جدید اور گرین ٹیکنالوجیز کی اہمیت کو فروغ دینے اور اہم دھارے میں شامل کرنے پر زور دیا، جس سے مکانوں کی مانگ کو پورا کرنے میں مدد ملے گی۔ یہ تعمیراتی ساز و سامان مکانوں کی بہتر اور معیاری تعمیر میں مدد کرتے ہیں اور ملک کے مختلف آب و ہوا اور جغرافیائی آلات کے لئے سازگار ہوتے ہیں۔ اس کانفرنس کا اہتمام سی آر ای ڈی اے آئی نے سی پی ڈبلیو ڈی اور این بی سی سی کے اشتراک سے جس میں تعمیر اور زمین جائیداد کی صنعتوں کے کچھ بہترین دماغ یکجا ہوئے تھے۔  

***********

( ش ح ۔ و ا۔ م ر) 

U.No. 8832