ہنر مندی کی ترقی اور صنعت کاری اور الیکٹرانکس اور آئی ٹی کے مرکزی وزیر مملکت جناب راجیو چندر شیکھر نے آج ہندوستان کی گہری تکنیکی صلاحیتوں کے بارے میں بات کی اور بتایا کہ کس طرح ہندوستان ان چند ممالک میں سے ایک ہے جو شمولیت کو فروغ دینے کے لیے ٹیکنالوجی کا فائدہ اٹھا رہا ہے۔

اکانومسٹ امپیکٹ کے ایڈیٹوریل ڈائریکٹر اینڈریو سٹیپلز کے ساتھ نئی دہلی میں بات چیت کے دوران، انہوں نے اس بات پر روشنی ڈالی کہ ہندوستان کی صلاحیتیں بڑھ رہی ہیں اور چندریان 3 اس بات کا ثبوت ہے کہ ہندوستان کے پاس ایک ملک کے طور پر گہری ٹکنالوجی پر عمل درآمد کرنے کی پوری صلاحیت ہے۔

وزیر موصوف نے کہا، ”یہ ہندوستان کے ٹیک اسپیس کے لیے ایک دلچسپ وقت ہے کیونکہ ہم گہری ٹیک صلاحیتیں بنا رہے ہیں، کسی نے سوچا بھی نہیں ہوگا کہ ہم اس مرحلے پر ہوں گے۔ ہم ایک انتہائی قابل ملک ہیں اور چندریان 3 اس بات کی نمائندگی کرتا ہے کہ ہم ان گہری تکنیکی صلاحیتوں کو کس طرح بروئے کار لا سکتے ہیں اور یہ خود اعتمادی مجھے یہ یقین کرنے کی طرف لے جاتی ہے کہ ہمارے وزیر اعظم کے وژن کو عملی جامہ پہنایا جا سکتا ہے جہاں ڈیجیٹل معیشت کل جی ڈی پی کا 20 سے 25 فیصد ہو گی۔“

جناب راجیو چندر شیکھر نے مزید روشنی ڈالی کہ کس طرح ہندوستان انڈیا اسٹیک کے ذریعے ان ممالک کی مدد کرنے میں ایک اہم کردار ادا کر رہا ہے جو ٹیکنالوجی اور ڈیجیٹلائزیشن میں پیچھے رہ گئے ہیں۔

”ڈی پی آئی آج ایک انتہائی دلچسپ گفتگو ہے اور اس نے جی20 کی ہندوستانی صدارت کے تناظر میں رفتار حاصل کی ہے۔ حقیقت یہ ہے کہ ہندوستان اب ایک کیس اسٹڈی ہے، ایک ایسا ملک جس نے ترقی اور نمو کے لیے تکنیکی آلات تعینات کیے ہیں۔ وہ ممالک جو اس دوڑ میں پیچھے رہ گئے ہیں وہ ہندوستان کی طرف دیکھ رہے ہیں جو ایک اوپن سورس ڈیجیٹل انفراسٹرکچر، انڈیا اسٹیک کے ذریعہ ان حکومتوں کو ڈیجیٹل بنانے کے لیے پر عزم ہے،“ وزیر موصوف نے کہا۔

جناب راجیو چندر شیکھر نے اختراع کو فروغ دیتے ہوئے شہریوں کے حقوق کے تحفظ کی اہمیت پر زور دیا۔ انہوں نے امید ظاہر کی کہ جی20 عالمی کمپنیوں کو بھارت کو ایک قابل اعتماد پارٹنر کے طور پر دیکھنے کی اجازت دے گا، اور اعتماد پر مبنی عالمی نظم کو فروغ دے گا۔

*************

ش ح۔ ف ش ع- م ف

U: 8793