ہندوستان کی صدارت میں چوتھی جی 20 کلچر ورکنگ گروپ (سی ڈبلیو جی) میٹنگ میں، جی 20 ممبران اور بین الاقوامی تنظیموں کے مندوبین کے ساتھ آج وارانسی میں جاری کردہ اعلامیہ کے مسودے پر بات چیت شروع ہوئی۔

جناب گووند موہن، سکریٹری، وزارت ثقافت اور چیئر مین – جی 20 سی ڈبلیو جی نے خیر مقدمی کلمات ادا کیے اور کہا، ”یہ میرا پختہ یقین ہے کہ ثقافت ترقی کے لیے نئے، زیادہ جامع نقطہ نظر سے آگاہ کرے گی، اور مکمل طور پر - اس طرح بنیادی جی 20 مینڈیٹ سے بات کرنا ساتھ ہی ساتھ عالمی معیشت کے بارے میں ہمارے وژن کو بھی نئی شکل دے گا۔“ سکریٹری نے یہ اظہار کرتے ہوئے ثقافت کی متحد طاقت کو بھی اجاگر کیا کہ ثقافت کا آفاقی کینوس مشترکہ انسانی سفر کا مظہر ہے، جو ہمارے عالمی رشتہ داری کے احساس کو مضبوط کرتا ہے۔

چیئر مین جی 20 سی ڈبلیو جی نے چاند کے جنوبی قطب پر چندریان-3 کی کامیاب لینڈنگ کے لیے ہندوستانی خلائی تحقیقی تنظیم (اسرو) کی طرف سے حاصل کیے گئے غیر معمولی کارنامے کی بھی ستائش کی، جس نے خلائی تحقیق کے میدان میں ہندوستان کی بڑھتی ہوئی صلاحیت کو اجاگر کیا ہے۔ جی 20 ممبران نے چاند پر کامیاب مشن کے لیے ہندوستان کو مبارک باد بھی دی۔

خیر مقدمی کلمات کے بعد، محترمہ للی پانڈیا، جوائنٹ سکریٹری، وزارت ثقافت اور شریک چیئر – جی 20 سی ڈبلیو جی، نے کھجوراہو میں پہلی میٹنگ کے بعد سے سی ڈبلیو جی کے عمل کا مختصر جائزہ لے کر تعارفی کلمات پیش کیے۔

کلچر ورکنگ گروپ کی پہلی دو میٹنگوں نے سی ڈبلیو جی کو پوری ممبرشپ میں ایک ورکنگ ڈائنامک بنانے کے قابل بنایا ہے، جسے گلوبل تھیمیٹک ویبینار کے نتائج سے تقویت ملی ہے۔ ہمپی میں تیسرے کلچر ورکنگ گروپ کا انعقاد ایک اہم لمحہ تھا جس نے سی ڈبلیو جی کے کام کی رفتار کو تشکیل دیا اور اجتماعی کارروائی اور ورکنگ دستاویزات کی تشکیل کے عزم کو مضبوط کیا۔

افتتاحی سیشن کے بعد، 26 اگست 2023 کو ہونے والی ثقافتی وزرا کی آئندہ میٹنگ کے لیے ثقافتی وزرا کے اعلامیہ کے مسودے پر بحث میں حصہ لینے والے مندوبین کے ساتھ ورکنگ سیشن کا آغاز ہوا۔ جب کہ ہندوستان جی 20 لیڈروں کی چوٹی کانفرنس کے لیے تیار ہو رہا ہے، وہ اتفاق رائے کے ذریعے ایسے نتائج کو اپنانے کی خواہش رکھتا ہے جو ثقافت کو پالیسی سازی کے مرکز میں رکھتا ہو، تجارت، سیاحت اور ڈیجیٹل شعبوں جیسے دیگر اہم پالیسی شعبوں کے ساتھ اس کے باہمی تعامل کا فائدہ اٹھاتا ہو۔

دن بھر کی بات چیت کے اختتام کے بعد، مندوبین نے وارانسی میں گنگا اور ورونا ندیوں کے سنگم کے قریب واقع سارناتھ کا دورہ کیا۔ بودھ گیا میں روشن خیالی حاصل کرنے کے بعد، یہیں پر بھگوان بدھ نے اپنا پہلا خطبہ دیا تھا، جسے مہا دھرم چکرا پریورتن کے مقدس نام سے جانا جاتا ہے۔ شہنشاہ اشوک کی طرف سے قائم کیا گیا ہموار چمکتا ستون، جو سارناتھ میں واقع ہے، جسے تقریباً 273-232 قبل مسیح میں بنایا گیا تھا، بدھ سنگھ کی بنیاد کی نشاندہی کرتا ہے۔ سارناتھ کے آثار قدیمہ کے مقام کا دورہ کرنے کے بعد، مندوبین نے سارناتھ میوزیم کا ٹور بھی کیا، جو سارناتھ میں کھدائی شدہ جگہ سے متصل واقع ہے۔

مندوبین نے ہندوستان کی بھر پور موسیقی کی روایات – ”موسیقی کی لہروں“ کی نمائش کرنے والی ایک عمیق ثقافتی کارکردگی کا بھی تجربہ کیا جس میں ہندوستانی کلاسیکی موسیقی کو اجاگر کرنے والے چار دلچسپ پروگرام پیش کیے گئے۔

یہ میٹنگ کل دوبارہ شروع ہو گی جس میں جی 20 ممبران، مدعو ممالک اور بین الاقوامی تنظیموں کے مندوبین 26 اگست 2023 کو ہونے والے ثقافتی وزرا کے اجلاس کے لیے ثقافتی وزرا کے اعلامیے کے مسودے پر بات چیت جاری رکھیں گے۔

**************

ش ح۔ ف ش ع- م ف

U: 8785