وزارت خزانہ اور کارپوریٹ امور کی وزارت کا تین روزہ چنتن شیویر آج گجرات کے کیواڈیا میں اختتام پذیر ہوا۔ مرکزی وزیر خزانہ اور کارپوریٹ امور محترمہ نرملا سیتا رمن نے مرکزی وزرائے مملکت برائے خزانہ جناب پنکج چودھری اور ڈاکٹر بھگوت کسن راؤ کراڈ کی موجودگی میں چنتن شیویر کی صدارت کی۔

چنتن شیویر میں وزارت خزانہ اور کارپوریٹ امور کی وزارت کے سینئر افسران نے شرکت کی۔ فنانس سکریٹری، محکمہِ اقتصادی امور (ڈی ای اے)، محکمہِ سرمایہ کاری اور عوامی اثاثہ جات کے انتظام (ڈی آئی پی اے ایم)، محکمہِ محصولات (ڈی او آر)، محکمہِ مالیاتی خدمات (ڈی ایفایس) اور کارپوریٹ امور کی وزارت کے سیکرٹریز، چیف اقتصادی مشیر، سی بی ڈی ٹی اور سی بی آئی سی کے چیئرمین نے بھی بحث میں حصہ لیا۔

ایم او ایف اور ایم سی اے کے 100 سے زیادہ سینئر افسران نے آزادانہ اور بے تکلف بات چیت کی کہ کس طرح وزیر اعظم جناب نریندر مودی کے تصور کردہ پنچ پران کو اپنا کر امرت کال کے اہداف کو حاصل کرنے کے لیے نئے سرے سے توجہ دی جائے۔

"امرت کال میں وزارت خزانہ اور کارپوریٹ امور کی وزارت کا کردار"، "ہماری صلاحیتوں کو بڑھانا"، اور "اپنی صلاحیتوں کو بہتر بنانا" کے موضوع پر انٹرایکٹو سیشن منعقد کئے گئے۔

محترمہ سیتا رمن نے افسران کو مشورہ دیا کہ وہ حکومت کے پاس موجود وسیع وسائل اور تجربے کو بہترین طریقے سے استعمال کریں۔ وزیر خزانہ نے امرت کال میں 2047 کے وکست بھارت کی طرف مارچ کی کوششوں کو مزین کرنے کے لیے نوجوان نسلوں کی رہنمائی کرنے پر زور دیا۔

محترمہ سیتا رمن نے افسران پر زور دیا کہ وہ اپنی جستجو کی حد سے آگے بڑھ کر کام کریں اور دوسرے ڈومینز پر بھی اضافی اثر ڈالیں تاکہ  خیالات میں ہم آہنگی پیدا ہو جو مجموعی وزارت کے لیے مفید ثابت ہوسکتے ہیں۔

چنتن شیویر کے دوران اپنے اختتامی کلمات میں، مرکزی وزیر خزانہ نے کہا کہ موثریت اور کارکردگی دونوں طویل مدتی رجحان ہیں اور انفرادی اور ادارہ جاتی صلاحیتوں دونوں پر توجہ کے ساتھ اصلاحاتی پالیسی میں مستقل مزاجی عوامی خدمت کی فراہمی کے اہم اجزاء ہیں۔

معلومات کے اوورلوڈ کے رجحان کو تاثیر اور کارکردگی کے خلاف بتاتے ہوئے مرکزی وزیر خزانہ نے اس بات پر زور دیا کہ ایم او ایف اور ایم سی اے دونوں کو عمل کو آسان بنانے کی کوشش کرنی چاہیے اور نہ صرف پوری حکومت کے نقطہ نظر پر توجہ مرکوز کرنی چاہیے بلکہ ترسیل اور مصروفیت کو زیادہ سے زیادہ کرنے کے لیے پوری ملک کو سامنے رکھا جائے۔

محترمہ سیتارامن نے ایم او ایف اور ایم سی اے کے سینئر افسران پر زور دیا کہ وہ نئے داخل ہونے والوں/نوجوان ساتھیوں کی مسلسل رہنمائی کریں۔ مرکزی وزیر خزانہ نے ثقافتی تناظر میں پالیسی کو مسلسل نئے سرے سے ترتیب دینے اور فیصلہ سازی میں ملکیت کا احساس پیدا کرنے  پر بھی زور دیا تاکہ کارکردگی کے ساتھ تاثیر کو بڑھایا جا سکے۔

بات چیت کے دوران، مالیات کے مرکزی وزیر مملکت جناب پنکج چودھری نے 2047 تک ترقی یافتہ ملک بننے کے ہندوستان کے سفر کی طرف نتیجہ خیز اہداف کو حاصل کرنے کے لیے اہمیت کے حامل نشانوں کی سمت بندی پر زور دیا۔

*****

U.No:8695

ش ح۔رف۔س ا