কোবিদ-১৯না মীওইবা, শেন-থুম অমসুং খুন্নাইদা পীখিবা অৱাবা অদু খঙবদগী মপাঙ্গল কনবা অমতা ওইবা হকশেলগী থবকশিং শেমগৎনবা পুন্না থবক তৌমিন্নবা দরকার ওইরে অমসুং লাইচৎ মাঙজৌননা ঙাকথোক্নবা, শেম-শানবা অমসুং থেংন্নবা ফন্দ শেমগৎপা মথৌ তারে। হৌখিবা চহি খর অসিদা, দব্লিউ.ঐচ.ওনা লাউথোকখিবা মালেম থাক্কী হকশেলগী খুদোথিবা ৬গী মনুংদা ৫ দি শা-ষনশিংদগী হৌরকপা ওইখি। লাইচৎ অমা হেক্তা লাকপা মতমদা থেংননবা থৌরাং তৌবা অসি শা-ষনগী হকশেলদা মীৎয়েং থমদুনা অমতা ওইবা হকশেলগী থৌরাং অমা পায়খৎপা দরকার ওই।

লাইচৎ মাঙজৌননা ঙাকথোক্নবা, শেম-শানবা অমসুং থেংন্নবা ভারত্তা শা-ষনগী হকশেলগী ফিবম ফগৎহন্নবা ভারত সরকারগী এনিমেল অমসুং দাইরিইং দিপার্তমেন্তনা পীশিনখিবা য়ু.এস দোল্লর মিল্লিয়ন ২৫গী জি-২০ পেন্দামিক ফন্দ অয়াবা পীরে। ইন্দোনেসিয়ানা জি-২০গী প্রসিদেন্ত ওইবা মতমদা শেমখিবা পেন্দামিক ফন্দ অসিনা লায়রবা লৈবাকশিংদা মীৎয়েং থমদুনা জাতি, লমদম অমসুং মালেমগী থাকশিংদা লাইচৎ ঙাকথোক্নবা, থেংননবা অমসুং শেম-শানবা ফন্দ পীনবা পান্দম থম্লি।

পেন্দামিক ফন্দ অসিনা এক্সপ্রেসন ওফ ইন্তরেস্ত ৩৫০ লাখি অমসুং দোল্লর মিল্লিয়ন ৩৩৮গী মনুংদা দোল্লর বিল্লিয়ন ২.৫গী গ্রান্ত পীনবা হায়জরকখি। পেন্দামিক ফন্দগী গভর্নিং বোদিনা অহানবা তাঙ্কক্কী ওইনা প্রান্ত ১৯ অয়াবা পীরে অমসুং মসিনা লৈবাক ৩৭ শীনবা থুংনা তুংগী লাইচৎশিং থেংনবা ঙম্নবা থবকশিং পায়খৎকনি।

প্রোজেক অসিগী মখাদা লায়না থিজিনবা, ঙল্লিঙৈদা চেকশিনৱা পীনবা থবশিং, লেবকী থবকশিং পাকথোক-চাউথোকহনবা, দেতাগী থবকশিং ফগৎহনবা, দেতা নৈনবা ত্রেনিং পীবা, ঙমখৈ লান্না শা-ষন পুথোক পুনশিন তৌবদা শা-ষনগী হকশেল ফগৎহনবা অমসুং ঙমখৈ লান্না মতেং পাংনদুনা লমদম অসিদা মতেং পাংনবদা ভারতকী থৌদাং হেনগৎহনবা য়াওরি।

লাইচৎ মাঙজৌননা ঙাকথোক্নবা, শেম-শানবা অমসুং থেংন্নবা ফন্দ অসিনা অহেনবা খুদোংচাবশিং ফংহনগনি। থবক তৌমিন্নরিবশিংগী মনুংদা শেন থাদবা অমসুং মতেং পীনবা হেনগৎহনগি অমসুং থবক পাংথোক্নবা মফম অমা ওইনা লৈরগনি। শা-ষনশিংদগী লায়না থোকহনবা ঙম্বা মহিকশিং মীওইবদা শন্দোরকপগী খুদোংথিবা হন্থহনবদা প্রোজেক অসিনা কান্নবা পীগনি। প্রোজেক অসি এসিয়ান দিবলপমেন্ত বেঙ্কগী মতেংগা লোয়ননা ৱার্ল্দ বেঙ্ক অমসুং ফুদ এন্দ এগ্রিকলচর ওর্গনাইজেসন্না মাংজিল থাদুনা থবক ওইনা পাংথোক্কনি।

*****