ఎంతో ఆసక్తిగా ఎదురుచూస్తున్న భారత్ కొత్త కార్ అసెస్‌మెంట్ ప్రోగ్రామ్ (భారత్ ఎన్క్యాప్)ను 22 ఆగస్టు 2023న కేంద్ర రోడ్డు రవాణా మరియు రహదారుల శాఖ మంత్రి శ్రీ నితిన్ గడ్కరీ ప్రారంభించనున్నారు. భారతదేశంలో మోటారు వాహనాల భద్రతా ప్రమాణాలను 3.5 టన్నుల వరకు పెంచడం ద్వారా రహదారి భద్రతను మెరుగుపరచాలనే ప్రభుత్వ నిబద్ధతలో ఈ కార్యక్రమం ఒక ముఖ్యమైన ముందడుగు. మార్కెట్‌లో అందుబాటులో ఉన్న మోటారు వాహనాల ప్రమాద భద్రతను తులనాత్మకంగా అంచనా వేయడానికి కారు వినియోగదారులకు ఒక సాధనాన్ని అందించడం ఈ కార్యక్రమం లక్ష్యం.  ఈ కార్యక్రమం కింద, ఆటోమోటివ్ ఇండస్ట్రీ స్టాండర్డ్ (ఏఐఎస్) 197 ప్రకారం కార్ల తయారీదారులు స్వచ్ఛందంగా తమ కార్లను పరీక్షించుకోవచ్చు. పరీక్షలలో కారు పనితీరు ఆధారంగా, కారు అడల్ట్ ఓక్యుపెంట్స్ (ఏఓపీ) మరియు చైల్డ్ ఆక్యుపెంట్ (సీఓపీ)కి స్టార్ రేటింగ్‌లు ఇవ్వబడతాయి. సంభావ్య కారు కస్టమర్‌లు వివిధ వాహనాల భద్రతా ప్రమాణాలను సరిపోల్చడానికి ఈ స్టార్ రేటింగ్‌లను సూచించవచ్చు మరియు తదనుగుణంగా వారి కొనుగోలు-నిర్ణయాన్ని తీసుకోవచ్చు. కస్టమర్ అవసరాలకు అనుగుణంగా కార్ల తయారీదారులను ప్రోత్సహిస్తే  సురక్షితమైన కార్లకు డిమాండ్ పెరుగుతుందని భావిస్తున్నారు. అధిక భద్రతా ప్రమాణాలతో, భారతీయ కార్లు గ్లోబల్ మార్కెట్‌లో మెరుగైన పోటీని సాధించగలవు, భారతదేశంలోని కార్ల తయారీదారుల ఎగుమతి సామర్థ్యాన్ని పెంచుతాయి. ఈ కార్యక్రమం భారతదేశంలో భద్రతా సున్నితమైన కార్ మార్కెట్‌ను అభివృద్ధి చేస్తుందని భావిస్తున్నారు.

****