ஜி20 தலைமைத்துவத்தின் ஒட்டுமொத்த கட்டமைப்பின் கீழ், ஒய்20 இந்தியா குழு கூட்டம் இன்று (ஆகஸ்ட் 20, 2023) வாரணாசியில் வெற்றிகரமாக முடிந்தது.

இந்தியாவின் தலைமைத்துவத்தின் கீழ், ஜி20 இன் ஒட்டுமொத்த கட்டமைப்பின் ஒரு பகுதியாக ஒய்20, உலகிற்கு புதிய மைல்கற்களை அமைத்துள்ளது. உச்சிமாநாட்டின் போது, ஒய்Y20 அறிவிக்கை  விவாதிக்கப்பட்டது.  அதன்பின், அது ஒருமித்த ஒப்புதலுடன் வெற்றிகரமாக கையெழுத்திடப்பட்டது.

அறிக்கையில் சேர்க்கப்பட்டுள்ள முக்கிய பரிந்துரைகள் -

வாழ்நாள் முழுவதும் கற்றலை மேம்படுத்துங்கள்

உலகளாவிய சவால்களுக்கு உலகளாவிய பணியாளர்களை தயார்படுத்துங்கள்

சர்வதேச ஆராய்ச்சி ஒத்துழைப்பை வலுப்படுத்துங்கள்

உலகளாவிய தொழிலாளர் உரிமைகளை மேம்படுத்துதல்

அணுகக்கூடிய நிலையான நிதியுதவி மற்றும் வழிகாட்டுதலை செயல்படுத்துதல்

ருத்ராக்ஷ் சர்வதேச ஒத்துழைப்பு மற்றும் மாநாட்டு மையத்தில் ஒரு முழுமையான அமர்வு நடைபெற்றது. ஒய்20 அறிவிக்கை, இந்தியா, இந்தோனேசியா ஏற்பாட்டுக் குழுப் பிரதிநிதி மற்றும் பிரேசில் ஏற்பாட்டுக் குழுப் பிரதிநிதி ஆகியோரைக் கொண்ட முக்கூட்டு நாடுகளால் வெளியிடப்பட்டது. கொடி அதிகாரப்பூர்வமாக ஒய்20 இந்தியா தலைவரால் பிரேசிலிய தூதுக்குழுத் தலைவரிடம் ஒப்படைக்கப்பட்டது.

ஒய்20 அறிக்கை வடிவில் உச்சிமாநாட்டின் முடிவு பிரதிநிதிகள் குழுவின் தலைவர்களால் கையெழுத்திடப்பட்டது, இது கடந்த சில மாதங்களில் நடைபெற்ற பல்வேறு கலந்துரையாடல்களின் முடிவைக் குறித்தது. இது ஒய்20 -இன் அடையாளம் காணப்பட்ட ஐந்து கருப்பொருள்கள் முழுவதும் உள்ள கூட்டுப் பொதுவான பார்வைக்கு ஒரு சான்றாகும், இது இளைஞர்களின் குரல்களை உலகளாவிய தளங்களில் மிக உயர்ந்த முடிவெடுப்பவர்களால் கேட்கப்படுவதை உறுதி செய்யும்.

4 நாள் உச்சிமாநாட்டின் போது, பிரதிநிதிகள் சாரநாத், புகழ்பெற்ற காசி விஸ்வநாதர் கோயில் மற்றும் கங்கை படித்துறைகள் ஆகிய இடங்களுக்கு ஆற்றில் பயணம் செய்தனர். இந்தியாவின் வளமான கலை, கலாச்சாரம் மற்றும் பாரம்பரியம் உலகம் முழுவதிலுமிருந்து வரும் பிரதிநிதிகள் மீது நீண்ட கால தாக்கத்தை ஏற்படுத்தியது. புனித நகரமான வாரணாசியின் வளமான மற்றும் மாறுபட்ட கலாச்சார பாரம்பரியம்; அதன் ஆன்மீகம், இலக்கியம், கலை மற்றும் இசை ஆகியவை ஜி20 நாடுகள், விருந்தினர் நாடுகள் மற்றும் சர்வதேச அமைப்புகளின் பிரதிநிதிகளை கவர்ந்தன.

*******

SM/PKV/KRS