হাউস ওফ মেক্নোক্কী ফাউন্দর, শুকুমারী নিন্না লেগো অসি সস্তেনেবল লিবিং খুমাং চাউশিলহনবা অমসুং লোকেল আর্তিসানশিংবু মপাঙ্গল হাপ্পগী হীরমদা থৱাই য়াওনা য়াওজৈ। অরুনাচল প্রদেশকী অপ্পর সিয়াং জিলাগী মোং হাদবা লমদম, মরিয়াং তাউন্দগী চাউরক্তুনা, মহাক্না হেন্দলুম অমসুং হেন্দিক্রাফ পোত্থোকশিংবু য়াম্না পামজবগা লোয়ননা ওর্গানিক ফার্মিংদসু থৱাই তানা হৌরকখি। চেন্নৈগী দাঃ MGR য়ুনিভর্সিতীদগী সিভিল ইঞ্জিনিয়রিংগী বেচলর দিগ্রী ফংলবা মতুংদা, নিনানা HR অমসুং মার্কেতিংদা দুএল স্পেসিএলাইজেসন তৌদুনা RGUদগী MBA লোইশিনখি। মসিনা মহাক্কী প্রোফেস্নেল স্কিলবু হেনগৎহনখি।

নিনানা আর্ত অমসুং ক্রাফতা থৱাই তাজবগা লোয়ননা মরুপশিংগী বীদেদ সনা অমসুং লিক শাবা হৌরকখি। খুৎনা শাবা লিককোন অমসুং ওর্গানিক ওইবা চিঞ্জাক্কী দিমান্দ খঙলবা মতুংদা মহাক্না হাউস ওফ মেক্নোক হৌদোকখি অমসুং ফিরোল, লাইফস্তাইল প্রদক্ত ওইরিবা লিককোন্দগী হৌদুনা স্মোক তী, ৱাইল্দ হনী, আচার অমদি মেদিসিনেল হর্ব অমসুং মরু মরাংগুম্বা প্রিজর্বেতিব য়াওদবা চিঞ্জাক কয়া সস্তেনেবল ওইবা মওংদা থাদুনা অমসুং নীংথিনা থাবা পোৎলমশিং য়োনবা হৌখি।

নিনাগী পান্দমদি অরুনাচল প্রদেশকী ত্রাইবশিংগী তেলেন্তকী মাইকৈদা মালেমগী পুক্নিং চীংশিনবনি। সস্তেনেবল ওইবা হায়বসিনা মহাক্কী ব্রান্দগী ময়োল ওইবা ৱাফম্নি, অমসুং মখোয়না কার্বন ফুতপ্রিন্ত হন্থহনবা অমসুং ফত্ত-হৌদী য়াম্না পুথোক্তদবা অসিদা চাউথোকচবা পোকচরি।

হাউস ওফ মেক্নোক্না মীওই তরা হকথেংননা থবক পীরি অমসুং থবক মতম চানা পীদুনা, চুনবা খুৎশুমল পীদুনা অমসুং ত্রেদিস্নেল অমসুং মোদর্ন স্কিল মনুং চনবা মখল খুদিংগী ত্রেনিং প্রোগ্রাম পীদুনা লোকেল আর্তিসান চা কয়াবুসু মহাক্না তেংবাংলি। প্রোগ্রামশিং অসিদা ওর্গানিক ফার্মিং অমসুং মহৌশাগী থৌওংনা মচু শংবগী তেক্নিক্কুম্বা সস্তেনেবল ওইবা থৌওংশিংগী ত্রেনিং য়াওরি অমসুং স্কিল বিলদিং, প্রদক্ত দিভেলপমেন্ত অমসুং ক্বালিতী কন্ত্রোলদা মিৎয়েং চঙই।

মহাক্কী কারবার অসিদি মশানা শেল থাদজবনি অমসুং মহাক্কী অহানবা ইনভেস্তমেন্তনা চাউরাকপা লুপা লাক্ষ 5 ওইখি। মহাক্কী ক্লাইএন্তশিং অসি লোকেল মার্কেতখক্তদা নত্তনা পেন ইন্দিয়া অমসুং সাউথ ইস্ত এসিয়াদা লৈরে। মখোয়না খ্বাইদগী হেন্না য়োনবা পোত্থোকশিংদা ফেশন জেৱেল্লরী, ওর্গানিক চিঞ্জাক অমসুং অলকোহোল য়াওদবা ৱাইন য়াওরি।

শকখঙখ্রবশিং:

• নুপীশিংগী নুমিৎ, 2018 অমসুং 2019দা RGUদা ‘দি বেস্ত হেন্দমেদ ব্রান্দ’
• GoAPগী প্লান্নিং অমসুং ইনভেস্তমেন্ত বিভাগনা নেস্নেল স্তার্তঅপ নুমিৎ 2023দা ‘বেস্ত ব্যুজিনেস মোদেল কেনভাস’
• প্লান্নিং অমসুং ইনভেস্তমেন্ত বিভাগকী মখাদা লৈবা IIMCIP, APIIPনা ইনক্যুবেসন কেতগরীগী মখাদা পাংথোকপা ‘ওন্তোপ্রিনর্শিপ চেল্লেঞ্জ’ 2022-2023দা মকোক ওইখি
• কোলকাতাগী IIMনা ইনক্যুবেত তৌবা অমসুং MDoNER, NECনা স্পোন্সর তৌবা ‘নোর্থ ইস্ত ওন্তোপ্রিনর্শিপ চেল্লেঞ্জ’ 2023দা ইনক্যুবেসন কেতগরীগী মখাদা মকোক ওইখি, অমসুং রাজ্যসিদগী থোক্লকপা খ্বাইদগী মকোক থোংবা ওন্তোপ্রিনরগী থাক্তা লৈখি
• পর্নোদ রিকার্দকী WE চেল্লেঞ্জ, 2022গী মখাদা মহাকপু মকোক থোংবা নুপী ওন্তোপ্রিনর 9গী মনুংদা খনগৎখি।

****