ہنر مندی کے فروغ اور صنعت کاری  نیز  الیکٹرانکس اور انفارمیشن ٹیکنالوجی کے مرکزی وزیر مملکت جناب راجیو چندر شیکھر نے  ڈیجیٹل معشیت  سے متعلق جی- 20 ورکنگ گروپ کی چوتھی میٹنگ میں بنگلہ دیش، جنوبی کوریا، فرانس اور ترکیے کے وزارتی وفود اور دیگر سینئر نمائندوں کے ساتھ دو طرفہ میٹنگیں کیں۔

وزیر موصوف  نے بنگلہ دیش کے آئی سی ٹی کے وزیر مملکت جناب جنید احمد پالک سے ملاقات اور بات چیت کی۔ میٹنگ میں انڈیا اسٹیک، سائبر سیکورٹی اور اسکلنگ کے ارد گرد ممکنہ تعاون پر  بات چیت  کے سلسلے میں توجہ مرکوز کی گئی۔ میٹنگ کے دوران جناب راجیو چندر شیکھر نے  کہا کہ، "ہندوستان اور بنگلہ دیش کے درمیان شراکت داری جنوبی ایشیاء کے بارے میں بیانیہ کو دوبارہ رقم کرے  گی۔"

وزیر موصوف نے فرانس کے ڈیجیٹل امور کی وزارت کے سفیر جناب ہنری ورڈیر کے ساتھ بھی دو طرفہ میٹنگ کی۔ میٹنگ کے دوران  اس بات  پر توجہ مرکوز کی گئی کہ کس طرح آرٹیفشیل انٹلیجنس (اے آئی ) جیسی ٹیکنالوجی شہریوں کی زندگیوں کو بدل رہی ہے۔ جناب چندر شیکھر نے کہا کہ نئے بھارت نے اے آئی میں بہت زیادہ سرمایہ کاری کی ہے۔ انہوں نے مزید کہا کہ  "ہندوستان اور فرانس جیسے ہم خیال شراکت داروں کے لیے ایک موقع ہے کہ وہ ان ممالک کی مدد کریں، جو انڈیا اسٹیک جیسے ڈی پی آئیز کے ذریعے اپنی حکومت اور معیشت کو ڈیجیٹل بنانا چاہتے ہیں۔"

ترکی کے صنعت  اور ٹیکنالوجی کے وزیر جناب محمد فاتح کاسر کے ساتھ اپنی میٹنگ کے دوران؛  جناب راجیو چندر شیکھر نے کہا کہ  "ٹکنالوجی کے مستقبل کو چند ممالک اور کمپنیاں تشکیل نہیں دے سکتیں اور اسے زیادہ سبھی  کی شمولیت والا  اور جامع ہونے کی ضرورت ہے۔"

آخر میں، وزیر موصوف نے جنوبی کوریا کے  سائنس اور  آئی سی ٹی کے  نائب وزیر   ڈاکٹر جن باے ہونگ کے ساتھ ایک دو طرفہ میٹنگ کی، جس میں ہندوستان اور جنوبی کوریا کے درمیان وسیع ٹیکنالوجی کی جگہ خاص طور پر الیکٹرا نکس کے شعبے میں گہرے تعلقات پر مرکوز بات چیت ہوئی۔ جناب راجیو چندر شیکھر نے مزید کہا کہ "اس شراکت داری کی ترقی کا دنیا پر بڑا  اثر پڑ سکتا ہے۔" جی -20 ملکوں  کے وزراء  نے ایک محفوظ اور قابل اعتماد انٹرنیٹ کی ضرورت پر بھی بات جیت کی۔

۔۔۔۔۔۔۔۔۔۔۔۔۔۔۔۔۔۔۔۔۔۔

۰۰۰۰۰۰۰۰

(ش ح- م ع- ق ر)

(18-08-2023)

U-8543