প্রধানমন্ত্রীগী লোইশঙ
প্রধান মন্ত্রীনা ভারতকী এক্সপোর্ত খোঙজেল য়াংনা হেনগৎলক্লি, মালেমগী রেতিং এজেন্সীশিংনা ভারতকী শক্তি মশক খঙলক্লি হায়না ফোঙদোকখ্রে
ভারতকী নহারোলনা লৈবাকপু মালেমগী স্তার্তঅপ ইকোসিস্তেমশিংগী মকোক থংবা অহুমগী মনুং চলহনখি: লাল কিলাদা পি.এম.
प्रविष्टि तिथि:
15 AUG 2023 5:32PM by PIB Imphal
প্রধান মন্ত্রী, শ্রী নরেন্দ্র মোদীনা ঙসি 77শুবা নীংতম নুমিৎকী থৌরমদা লাল কিলাগী লানবনদগী ৱা ঙাংলদুনা ভারতকী এক্সপোর্তশিং খোঙজেল য়াংনা হেনগৎলক্লি অমসুং মালেমনা ভারত অসি হৌজিক লেপ্পা লৈররোই হায়নরি হায়না ফোঙদোকখ্রে। মালেমগী রেতিং এজেন্সীশিংনা ভারতপু থাগৎনরি অমসুং কোরোনা মতুংগী অনৌবা ৱর্ল্দ ওর্দর অসিদা ভারত মচাশিংগী শক্তি অসি শকখঙলি হায়না মহাক্না ফোঙদোকখ্রে। গ্লোবেল সপ্লাই চেনশিংদা অপনবা থোকপা মতমদা ঐখোয়না মালেমদা মীওইবগী মথৌ তাবশিংদা মীৎয়েং চংলবা খক্তদা লম্বীশিং পুথোকপা ঙমগনি হায়বা উৎখি হায়না মহাক্না ফোঙদোকখ্রে। প্রধান মন্ত্রীনা হায়খি ঙসি ভারতনা গ্লোবেল সাউথকী ভোইস ওইরকখি অমসুং ভারতকী ইকনোমী অসিনা গ্লোবেল সপ্লাই চেনগী শরুক অমা ওইবা ঙমদুনা স্তেবিলিতী লৈহল্লি।
স্তার্তঅপশিংগী মতাংদা ৱা ঙাংলদুনা প্রধান মন্ত্রীনা হায়খি ভারতকী নহারোলনা লৈবাক অসিবু মালেমগী মকোক থংবা স্তার্তঅপ ইকোসিস্তেম অহুমগী মনুং চলহনখি। মহাক্না মখা তারদুনা হায় মালেমগী নহারোলনা ভারতকী নহারোলগী দিবেলপমেন্ত উবদা অঙকপা পোকখি, তৌবা ঙম্বা উবদা অঙকপা পোকখি। ঙসি মালেম অসি তেক্নোলোজী দ্রিবন ওইরে অমসুং ভারতনা তেক্নোলোজীগী লমদা লৈরিবা তেলেন্ত অসিনা মালেমদা ঐখোয়না মরু ওইবা থৌদাং অমা লৌবা ঙমহল্লগনি। প্রধান মন্ত্রীনা হায়খি চাউখৎপা লৈবাক অয়াম্বগী মালেমগী লুচিংবশিংনা দিজিতেল ইন্দিয়াগী মাইপাকপপু শকখঙখি অমসুং থৌশিলশিং অসিগী মরমদা হেন্না খঙবা পাম্লি।
*******
(रिलीज़ आईडी: 1949290)
आगंतुक पटल : 158
इस विज्ञप्ति को इन भाषाओं में पढ़ें:
English
,
Urdu
,
हिन्दी
,
Marathi
,
Bengali
,
Assamese
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam