য়ুথ এফিয়ার্স & স্পোর্তস অমসুং ইনফোর্মেসন & ব্রোদকাস্তিংগী কেন্দ্র মন্ত্রী শ্রী অনুরাগ সিংহ থাকুরনা য়ুনাইতেদ নেসন্স ইন্দিয়া য়ুনিসেফকী য়ুৱাহ অমসুং ভারত সরকারগী য়ুথ এফিয়ার্স & স্পোর্তস মন্ত্রালয়না পাংথোকপা “ইম্পেক্ত ৱিথ য়ুথ কনক্লেব”দা কীনোত এদ্রেস পীখ্রে। কনক্লেব অসি ঙসি চেন্নাইদা ইন্তরনেস্নেল য়ুথ দেগী মাংওইননা ইগ্নিতিং পেসনস & স্পার্কিং চেঞ্জ – সাউথ এসিয়াদগী নহাশিংগা লোয়ননা খোল্লাও য়ৌহনবা অমসুং অহোংবা পুরকপা হায়বা থিমগী মখাদা পাংথোকখি।

নহাশিংগী মরুওইবা থৌদাংদা ৱা ঙাংলদুনা শ্রীঅনুরাগ সিংহ থাকুরনা হায়খি “নহাশিং অসি কস্তদিয়ান অমসুং খ্বাইদগী চাউবা স্তেকহোল্দরশিংনি। মালেমগী ওইনা ভারত খ্বাইদগী নহা ওইবা লৈবাকশিংদা অমা ওইবগা লোয়ননা, ঐখোয়গী থৌদাং অনপেরেলেল ওই। ইন্তরনেস্নেল য়ুথ দে নহাশিংগী চাউরবা শক্তিবু তাক্লি - মখোয়না ঐখোয়গী লৈবাক্কী তুংগী ফিভম শেম্লি অমসুং শান্তিগী তুংদা ওইরক্কদবা শেয়র তৌরি।” মহাক্না সস্তেনেবল দিবলপমেন্তগীদমক গ্রীন স্কিলসগী মরুওইবদা অকনবা ৱাফম থম্লদুনা নহাশিংবু মখোয়গী মীৎয়েং শেয়র তৌনবা অমসুং এৱারনেস শেমগৎনবা খংহনখি।

হোংলক্লিবা জোব মার্কেৎতা ৱা ঙাংলদুনা শ্রী থাকুরনা গ্লোবেল নেরেতিবশিং অমসুং সস্তেনেবল দিবলপমেন্ত গোলশিং ইথিন পীনবা আর্তিফিসিয়েল ইন্তেলিজেন্স হেনগৎলকপা অমসুং নহাশিংগী অপুনবা থৌদাংদা ৱা ঙাংখি। মহাক্না হন্দক্কী দ্রোন পোলিসী অমসুং আত্মনির্ভর ভারতকী মরুওইবদা ৱা ঙাংলদুনা ঙসিগী দাইনামিক ৱার্ল্দদা ইচংথৌনা শরুক য়ানবা তকশিনখি। শ্রী থাকুরনা নহাশিংবু ভারতকী নেসন-বিলদিংগী হোৎনরিবশিংদা থৌদাং য়াদুনা পান্দম অমা থমদুনা মদু ফংনবা মতম লেপথোক্নবা খংহনখি।

কনক্লেবতা শরুক য়াখিবশিংদা শ্রী নিতেশ কুমার মিশ্রা, দাইরেক্তর জেনরেল এন.ৱাই.কে.এস. অমসুং জোইন্ত সেক্রেতরী, য়ুথ এফিয়ার্স অমসুং স্পোর্তস মন্ত্রালয়; শ্রীমতী সিন্থিয়া মেককেফ্রী, রিপ্রজেন্তেতিব য়ুনিসেফ; অমসুং শ্রী ধুৱারাখা শ্রিরাম, য়ুনিসেফকী চিফ য়ুৱাহসু য়াওখি। শ্রী মিশ্রানা নেসন-বিলদিংদা নহাশিংবু মপাঙ্গল কলহন্নবগীদমক মন্ত্রালয়গী খোংথাংশিংদা ৱাফম থমখি অমসুং য়ুথকী ইসুশিং পুখৎপদা ইন্তরনেস্নেল য়ুথ দেগী মরুওইবদা ৱা ঙাংখি।

শ্রীমতী সিন্থিয়া মেককেফ্রীনা তিনখিবা মীয়াম্বু তরাম্না ওক্লদুনা নহাশিংনা মায়োক্নরিবা শিংনবশিং অমসুং খুদোংচাবশিংদা এৱারনেস হেনগৎহন্নবগীদমক য়ুনাইতেদ নেসন্সনা ইন্তরনেস্নেল য়ুথ দে পাংথোকপদা অকনবা ৱাফম ফোংদোকখি। মহাক্না ভারতকী দেমোগ্রাফিক দিভাইদেন্তবু থাগৎখি অমসুং ভারতকী নহাশিংবু ২১শুবা চহিচাগী খুদোংচাবশিংগীদমক স্কিল ওইনবা তকশিনখি।

“ইম্পেক্ত ৱিথ য়ুথ কনক্লেব”না সাউথ এসিয়াদা নহাশিংগী খোল্লাও তাহন্নবা, স্পার্কিং চেঞ্জ অমসুং প্রোগ্রেস পুরক্নবা প্লেতফোর্ম অমা ওইরি।

“ইম্পেক্ত ৱিথ য়ুথ কনক্লেব”কী মরমদা

“ইম্পেক্ত ৱিথ য়ুথ কনক্লেব” অসি য়ুনাইতেদ নেসন্স ইন্দিয়া, য়ুনিসেফকী য়ুৱাহ অমসুং ভারত সরকারগী য়ুথ এফিয়ার্স অমসুং স্পোর্তস মন্ত্রালয়গী অপুনবা খোংথাং অমনি। কনক্লেব অসিনা য়াউথ এসিয়াদা নহাশিংবু শক্তি লৈহনবা, মখোয়গী খোল্লাও য়ৌহনবা অমসুং পোজিতিব চেঞ্জ পুরক্নবা পান্দম থম্লি।

য়ুনিসেফকী য়ুৱাহগী মরমদা:

য়ুনিসেফকী য়ুৱাহ অসি নহাশিংবু শক্তি লৈহনবা অমসুং ত্রান্সফোর্মেতিব চেঞ্জ পুরকপদা মখোয়গী পোতেন্সিয়েল শিজিন্নবদা কত্থোক্লি। ইনোবেতিব প্রোগ্রামশিং অমসুং পার্তনরশিপকী খুত্থাংদা য়ুৱাহনা মালেম পুম্বদা নহাশিংগীদমক হেন্না ফবা তুং অমা শেমগৎপগী মায়কৈদা থবক তৌরি।

ইন্তরনেস্নেল য়ুথ দে:

ইন্তরনেস্নেল য়ুথ দে অসি চহি খুদিংগী ওগস্ত ১২দা মালেমগী ফ্যুচর শেমগৎপদা নহাশিংগী মরুওইবা অদু ফোংদোক্লদুনা মালেম পুম্বদা পাংথোকই। নুমিৎ অসি নহাশিংগা মরী লৈনবা ইসুশিংগী মতাংদা এৱারনেস পাংথোক্নবা প্লেৎফোর্ম অমগুম সর্ব তৌই অমসুং তোঙান তোঙানবা সেক্তরশিংদগী নহাশিংগী থৌদাংশিং সেলেব্রেত তৌই।

******