• বন্দে ভারত সর্বিস ৫০ হৌদোকখ্রে
• জুন ২০২৩ ফাওবদা কিলোমীতর ৩৯৪৬গী রুত্তা ওতোমেতিক ব্লোক সিগনেলিং ফংহনখ্রে
• স্তেসন ৬১০৮দা ৱাই-ফাই ফেসিলিতী ফংহনখ্রে

০১.০৮.২০২৩ ফাওবদা কিলোমীতর ৫৯,৫২৪ শাংবা ব্রোদ গেজ (বি.জি.) রেল লাইন ইলেক্ত্রিফাই তৌখ্রে।

ইলেক্ত্রিফিকেসন্না মখাগী কানবশিং ফংহল্লি:

1. ওপরেতিং কোস্ত হন্থবা।
2. ইলেক্ত্রিক লোকোমোতিবকী অহেনবা পোৎ পুবগী কেপাসিতীনা মরম ওইদুনা অরুম্বা পোৎ পুবা ত্রেনশিং অমসুং হেন্না শাংবা পেসেঞ্জর ত্রেনশিং পুবা; মপুং ফানা হেনগৎপা।
3. ত্রেক্সন চেঞ্জদা দিতেন্সন হন্থহন্দুনা সেক্সনেল কেপাসিতী হেনগৎপা।
4. ত্রান্সপোর্তকী এনভাইরনমেন্ত ফ্রেন্দলী মোদ।
5. ইম্পোর্তেদ ক্রুদ ওইলদা দিপেন্দ তৌবা হন্থহন্দুনা ফোরেন করেন্সী সেভিং তৌবা।

ইলেক্ত্রিফিকেসন প্রোজেক্তশিং মপুংফানা পায়খৎপা অসি ফোরেস্ত দিপার্তমেন্তগী ওফিসিয়েলশিংদগী ফোরেস্ত ক্লিয়ারেন্স, অকায় অতোয়শিং শিফত তৌবা, তোঙান তোঙানবা ওথোরিতীশিংদগী মতিকচাবা ক্লিয়ারেন্স, এরিয়াগী জিওলোজিকেল অমসুং তোপোগ্রাফিকেল কন্দিসনশিং, প্রোজেক্ত সাইতকী এরিয়াদা লো অমসুং ওর্দরগী ফিভম, ক্লাইমেতিক কন্দিসনশিংনা মরম ওইদুনা অকক্নবা প্রোজেক্ত সাইতকীদমক চহি অমদা থবক শুবা থাগী মশিং অসিনচিংবা তোঙান তোঙানবা ফেক্তরশিগী মখা পোল্লি। ফেক্তরশিং অসিনা প্রোজেক্ত লোইশিনবগী মতমদা অপনবা পীরি।

ত্রেনশিং খোংজেল য়াংহনবা অসি ইন্দিয়ন রেলৱে (আই.আর.)দা লেপতনা হোৎনরিবা অমসুং মখা চত্থরিবা অমনি। আই.আই.তি.-বোম্বেগী তেংবাংগা লোয়ননা সাইন্তিফিক মেনর অমদা ইন্দিয়ন রেলৱেনা পায়খৎপা তাইম তেবল রেস্নেলাইজেসন তৌবগীপান্দমশিংগী মনুংদা অমদি পেসেঞ্জর ত্রেনশিংবু এক্সপ্রেস সর্বিসতা অমসুং এক্সপ্রেস সর্বিসপু সুপরফাস্ত সর্বিসশিংদা ওন্থোকপনি। ত্রেন ওপরেতিংবু এম.ই.এম.য়ু.শিংগা লোয়ননা কনভেনস্নেল কোচশিং ওন্থোক্তুনা পেসেঞ্জরশিংদা হেন্না য়াংবা সর্বিসশিং ফংহনবদা মীৎয়েংসু থম্লি। মখা তারকপদা ইন্দিয়ন রেলৱেনা বন্দে ভারত ত্রেনশিং হৌদোক্লি, মদুনা হেন্না খোংজেল য়াংবা পোতেন্সিয়েল লৈরি। ২০২৩গী ওগস্ত ৩ ফাওবদা ইন্দিয়ন রেলৱে নেতৱার্ক্তা বন্দে ভারত সর্বিস ৫০ হৌদোকখ্রে।

ত্রেনগী স্পীদ হেনগৎনবা লৌখৎলিবা খোংথাংশিং অদুদি:

(i) কিলোমীতর ১০,৪০০ হেনবা রুত্তা সেক্সনেল স্পীদ ১৩০ kmphদা হেনগৎতুনা ইন্দিয়ন রেলৱে নেতৱার্ককী গোল্দন ক্বাদিলেতরেল অমসুং দাইগোনেল রুতশিং অমসুং অতোপ্পা মরুওইবা বি রুতশিং কোন্সিল্লে।

(ii) হৌজিক লৈরিবা ন্যু দিল্লী-মুম্বাই (বদোদরা-অহমেদাবাদ য়াওনা) অমসুং ন্যু দিল্লী-হাওরা (কানপুর-লখনৌ য়াওনা) রুতশিংদা সেক্সনেল স্পীদ ১৬০ kmphদা হেনগৎপগী থবক্কীদমক মথংশিৎনা লুপা করোর ৬৮০৬ অমসুং লুপা করোর ৬৬৮৫ সেঙ্কসন তৌখ্রে।

ইন্দিয়ন রেলৱেনা হৌজিক লৈরিবা সিগনেলিং সিস্তেম মোদর্নাইজ তৌনবা লেপ্পা লৈতনা হোৎনরিবা অদু মখাদা লৈরে:

(i) অরিবা মেকানিকেল সিগনেলিংগী মহুৎতা পোইন্তশিং অমসুং সিগনেলশিংগী সেন্ত্রেলাইজ ওপরেসনগা লোয়ননা ইলেক্ত্রিকেল/ইলেক্ত্রোনিক ইন্তরলোকিং সিস্তেম। ৩০.০৬.২০২৩ ফাওবদা সিস্তেমশিং অসি স্তেসন ৬৪৪৩দা ফংহনখ্রে।

(ii) ৩০.০৬.২৩ ফাওবদা স্তেসন ৬৩৮১দা ইলেক্ত্রিকেল মিন্সনা ত্রেক ওকুপেন্সীগী ভেরিফিকেসনগীদমক সেফতী হেনগৎহন্নবা স্তেসনশিংগী কমপ্লিত ত্রেক সর্কুইতিং ফংহনখ্রে।

(iii) লেবেল ক্রোসিং গেৎতা সেফতী হেনগৎহন্নবগীদমক ৩০.০৬.২০২৩ ফাওবদা  লেবেল ক্রোসিং গেৎ ১১১০২দা লেবেল ক্রোসিং গেৎকী ইন্তরলোকিং ফংহনখ্রে।

(iv) মথংগী ত্রেন রিসিব তৌনবা অমসুং হ্যুমেন ইলিমেন্ত হন্থনবা লাইন ক্লিয়ার গ্রান্ত তৌদ্রিঙৈ মমাং মেনুয়েল ইন্তরবেন্সন য়াওদনা ত্রেনগী কমপ্লিৎ এরাইবেল শোইহন্দনবা ব্লোক সেক্সন, ব্লোক প্রোভিং এক্সল কাউন্তরগী ওতোমেতিক ক্লিয়ারেন্সকীদমক এক্সল কাউন্তরশিং ফংহনখ্রে। সিস্তেমশিং অসি ৩০.০৬.২০২৩ ফাওবদা ব্লোক সেক্সন ৬৪১২দা ফংহনখ্রে।

(v) ৩০.০৬.২০২৩ ফাওবদা রুত কিলোমীতর ৩৯৪৬দা ওতোমেতিক ব্লোক সিগনেলিং ফংহনখ্রে।

রেলতেলনা ও.এফ.সি. মেন্তেন তৌরি, মদুনা কন্ত্রোল কমুনিকেসন সর্ক্যুতশিং (কন্ত্রোলগীদমক) অমসুং তোঙান তোঙানবা অতোপ্পা মথৌতাবশিং খুদম ওইনা ইন্দিয়ন রেলৱেগীদমক এফ.ও.আই.এস.গীদমক বেকবোন নেতৱার্ক পীরি। স্তেসন ৬১০৮দা ৱাই-ফাই ফেসিলিতী ফংহনখ্রে।

ইনফোর্মেসন অসি ঙসি লোক সভাদা হংলকপা ৱাহং অমদা রেলৱে, কমুনিকেসন অমসুং ইলেক্ত্রোনি & ইনফোর্মেসন তেক্নোলোজী মন্ত্রী শ্রী অশ্বিনি বাইশ্নোনা অইবা পাউখুম অমদা পীখিবনি।

***

(Release ID: 1948309)