భూ వనరుల శాఖ ఇటీవలి సంవత్సరాలలో పౌరుల జీవనాన్ని సులభతరం చేయడానికి అనేక కార్యక్రమాలను చేపట్టింది. డిజిటల్ ఇండియా ల్యాండ్ రికార్డ్స్ ఆధునీకరణ కార్యక్రమం కింద, పౌరుల ప్రయోజనం కోసం భూ రికార్డుల కంప్యూటరీకరణ మరియు కాడాస్ట్రల్ మ్యాప్‌ల డిజిటలైజేషన్ కోసం డిపార్ట్‌మెంట్ ప్రయత్నాలు చేస్తోంది. హక్కుల రికార్డు యొక్క కంప్యూటరీకరణ మరియు రిజిస్ట్రేషన్ కార్యాలయాల కంప్యూటరీకరణ పరంగా 8 ఆగస్టు 2023 నాటికి జాతీయ స్థాయిలో సాధించిన విజయాలు 94 శాతంగా ఉంది. అదేవిధంగా, దేశంలో మ్యాప్‌ల డిజిటలైజేషన్ 76 శాతంగా ఉంది. . అంతేకాకుండా, డీఓఎల్ఆర్ అన్ని ల్యాండ్ పార్సెల్‌లకు భూ ఆధార్ లేదా ప్రత్యేక ల్యాండ్ పార్శిల్ గుర్తింపు సంఖ్యను కేటాయిస్తోంది; మరియు ఒక సంవత్సరం వ్యవధిలో దాదాపు 9 కోట్ల ల్యాండ్ పార్శిల్స్ భూ ఆధార్ అసైన్ చేయబడ్డాయి.

ఇంతకుముందు, పత్రాల రిజిస్ట్రేషన్ మాన్యువల్‌గా ఉండేది, కానీ ఇప్పుడు రిజిస్ట్రేషన్ ప్రిక్రియ ఇ-రిజిస్ట్రేషన్‌ రూపంగా జరుగుతోంది. ఇది ఆర్థిక వ్యవస్థకు నూతన మార్గాలను తెరిచింది మరియు పెద్ద మొత్తంలో మూలధనం ఏర్పాటును సులభతరం చేసింది. వర్షాధార, డీగ్రేడెడ్ ప్రాంతాల అభివృద్ధి కోసం ప్రధాన మంత్రి కృషి సించాయీ యోజన (డబ్ల్యు.డి.సి-పి.ఎం.కె.ఎస్.వై) యొక్క వాటర్‌షెడ్ భాగాన్ని డిపార్ట్‌మెంట్ అమలు చేస్తోంది. 97 మిలియన్ హెక్టార్లలో సుమారుగా, 29 మిలియన్ హెక్టార్ల డీగ్రేడ్ భూమి వాటర్‌షెడ్ ప్రాజెక్టుల క్రింద కవర్ చేయబడింది. ఇది బహుశా ప్రపంచవ్యాప్తంగా అతిపెద్ద చర్య . ఈ కార్యక్రమాల గురించి సాధారణ ప్రజలకు అవగాహన కల్పించడానికి, డిపార్ట్‌మెంట్ మీడియా ప్లాన్‌ను రూపొందించింది, ఇది 11 ఆగస్టు 2023న ప్రారంభించబడుతుంది. ప్రచారం యొక్క మొదటి దశలో అవుట్‌డోర్ మీడియా, సోషల్ మీడియా మరియు బల్క్ ఎస్ఎంఎస్ భాగాలు ఉంటాయి. మీడియా ప్రచారం యొక్క మొదటి దశ ప్రారంభించిన తర్వాత విస్తృతమైన మరియు లక్ష్య కవరేజ్ కోసం అదనపు భాగాలు జోడించబడతాయి.

*****