زمینی وسائل کے محکمے نے حالیہ برسوں میں شہریوں کو زندگی گزارنے کی آسانی فراہم کرانےکیلئے مختلف اقدامات کیے ہیں۔ ڈیجیٹل انڈیا لینڈ ریکارڈز ماڈرنائزیشن پروگرام کے تحت محکمہ شہریوں کو فائدہ پہنچانے کیلئے زمینی ریکارڈز کے کمپیوٹرائزیشن کی تکمیل اور زمین کی پیمائش کے ڈیجیٹائزیشن کیلئے کوششیں کررہا ہے۔ مثال کے طور پر حق ملکیت کے ریکارڈ کے کمپیوٹرائزیشن اور رجسٹریشن دفاتر کے کمپیوٹرائزیشن کے معاملے میں قومی سطح پر 8اگست 2023 تک 94فیصد کام ہوچکا ہے۔ اسی طرح ملک میں نقشوں کاڈیجیٹائزیشن 76فیصد ہوا ہے۔ اس کے علاوہ زمینی وسائل کا محکمہ تمام زمین کے ٹکڑوں کو بھُوآدھار یا یا منفرد زمینی ٹکڑے کا شناخت نمبر تفویض کررہا ہے اور ایک سال کی مدت میں تقریباً 9 کروڑ زمین کے ٹکڑوں کو بھُو آدھار تفویض کیا جاچکا ہے۔ اس سے قبل دستاویزات کا رجسٹریشن دستی طور پر کیاجاتا تھا لیکن اب ای-رجسٹریشن کے طور پر رجسٹریشن کیا جارہا ہے۔ اس سے معیشت کے دروازے کھل گئے ہیں اور بڑے پیمانے پر سرمائے کی تشکیل کی سہولت ملی ہے۔ یہ محکمہ بارش سے سینچائی والے اور پچھڑے علاقوں کی ترقی کے لئے پردھان منتری کرشی سینچائی یوجنا کا واٹرشیڈ کمپونینٹ(ڈبلیو ڈی سی- پی ایم کے ایس وائی) نافذ کررہا ہے۔97 ملین ہیکٹیئر میں سے تقریباً 29 ملین ہیکٹیئر خراب زمین کا واٹر شیڈ پروجیکٹوں کے تحت احاطہ کیا گیا ہے جو کہ شاید عالمی سطح پر سب سے بڑی مہم ہے۔

ان پروگرامو ں سے عوام کو واقف کرانے کیلئے اس محکمے نے ایک میڈیا پلان تیار کیا ہے جس کا آغاز 11 اگست 2023 کو کیاجائے گا۔ مہم کے پہلے مرحلے میں آؤٹ ڈور میڈیا ، سوشل میڈیا اور بلک ایس ایم ایس کمپونینٹ شامل ہوں گے۔ میڈیا مہم کے پہلے مرحلے  کے آغاز کے بعد وسیع اور ہدف شدہ کاموں کیلئے بعد میں اضافی کمپونینٹ شامل کیے جائیں گے۔

-----------------------

ش ح۔ا گ۔ ع ن

U NO: 8223