খুঙ্গং চাউখৎ-থৌরাং মন্ত্রালয়না য়ামদ্রবদা মীশিং 250 লৈবা নোর্থ ইস্তর্ন রিজন (NER)দা লৈবা হেবিতেসন পুন্না 18,312গী মনুংদা পুন্না হেবিতেসন 18,098গীদমক্তা প্রধান মন্ত্রী গ্রাম সরক য়োজনা (PMGSY)গী মখাদা নোংজু নুংশা খাইদনা চৎপা য়ারবা লম্বী শেম্নবা প্রোজেক্তশিং সেঙ্কসন তৌখি। পাৱর মন্ত্রালয়না NER য়াওনা ভারতকী খুঙ্গং পুম্নমক দীনদয়াল উপাধ্যা গ্রাম জ্যোতি য়োজনা (DDUGJY)গী মখাদা মৈ য়ৌহনখি।

অৱাং নোংপোক চাউখৎ-থৌরাং মন্ত্রালয়না 2017-18 ফাওবদা ‘নন-লেপসেবল সেন্ত্রেল পুল ওফ রিসোর্সেস (NLCPR)–স্তেৎ’ ইমপ্লিমেন্ত তৌখি, প্রোজেক্তশিং অসিনা NERদা লম্বী অমসুং মৈগী কন্নেক্তিবিতী লৈহনবদা শরুক তম্মি। লম্বী অমসুং মৈগী কন্নেক্তিবিতী প্রোজেক্তশিং সপ্পোর্তসু তৌরিবা মমাংদা NLCPR স্তেৎ স্কিম হায়না খঙনরম্বা নোর্থ ইস্ত স্পেসিএল ইনফ্রাস্ত্রকচর দিবেলপমেন্ত স্কিম (NESIDS) অসি কেন্দ্রগী মন্ত্রী-মন্দলনা দিসেম্বর 2017তা অয়াবা পীখি। মসিগী মথক্তা মন্ত্রালয়না লমদম অসিদা ইনফ্রাস্ত্রকচর অমসুং সোসিএল দিবেলপমেন্ত প্রোজেক্তশিং সপ্পোর্ত তৌনবগীদমক PM-DevINE কৌবা স্কিম অমসু হৌদোকখি। রোদ সেক্তরদা লুপা করোর 11812.17 ওইবা প্রোজেক্ত 780 অমসুং পাৱর সেক্তরদা লুপা করোর 3701.48গী প্রোজেক্ত 285 NERদা মন্ত্রালয়না সেঙ্কসন তৌখি।

ই-পাউ অসি ঙসি রাজ্য সভাদা অইবা পাউখুম ওইনা অৱাং নোংপোক চাউখৎ-থৌরাং মন্ত্রালয়গী কেন্দ্র মন্ত্রী, শ্রী জি কিশন রেদ্দীনা পীখিবনি।

*****

(Release ID: 1947632)