স্পোর্তস ওথোরিতী ওফ ইন্দিয়া (সাই)না লৈবাক্কী তোঙান তোঙানবা শরুকশিংদা রিজনেল সেন্তর ১০ অমসুং ইন্সতিত্যুস্নেল য়ুনিত ২ লিংখৎখ্রে। সেন্তরশিং অসিগী মথৌদি কোচিং কেম্পশিং পাংথোক্নবা সাই অমসুং ভারত সরকারগী স্পোর্তস প্রমোস্নেল স্কিমশিং ইমপ্লিমেন্ত অমসুং মোনিতর তৌবনি অমসুং খনগৎলবা ত্রেনীশিংদা অনৌবা ইনফ্রাস্ত্রকচর, ইক্বিপমেন্ত, কোচিং ফেসিলিতীশিং অমসুং কম্পিতিসন এক্সপোজর, বোর্দিং অমসুং লোদজিং ফংহন্দুনা অন্তরজাতিগী কম্পিতিসনশিংদা শরুক য়ানবা নেস্নেল তিমশিং মতেং পাংবনি, সাইন্তিফিক ত্রেনিং/ইক্বিপমেন্ত সপোর্ত ফংহনবনি, স্পোর্তসতা অৱাংবা থাক্কী পর্ফোমেন্স পীহন্নবা স্পোর্তসপর্সনশিংদা সাইন্তিফিক বেক-অপ ফংহনবনি, রিজনদা স্পোর্তস ইনফ্রাস্ত্রকচর অমসুং ফেসিলিতীশিং প্লান, কন্সত্রক্ত, এক্যুয়র, দিবেলপ, মেনেজ, মেন্তেন অমসুং য়ুতিলাইজ তৌবনি, অতোপ্পা ওর্গনাইজেসনশিং/স্পোর্তস বোদীশিং, স্তেত গবর্নমেন্ত/ য়ু.তি. এদমিনিস্ত্রেসনগা লোয়ননা লিয়াইজ তৌবা অমসুং য়ুথ এফিয়ার্স অমসুং স্পোর্তস মন্ত্রালয় অমসুং মরী লৈনবা রাজ্য সরকারশিংগী মরক্তা ইন্তরফেস অমগুম এক্ত তৌবা, অমসুং এন.এস.এন.আই.এস. পতিয়ালা অমসুং এল.এন.সি.পি.ই. ত্রিভান্দ্রমদা লৈরিবা সাইগী একাদেমিক ৱিংগা খুৎশম্নদুনা কোচিং/ফিজিকেল এজুকেসনদা সর্তিফিকেত, স্কিল দিবলপমেন্ত, দিপ্লোমা, গ্রেজুয়েসন অমসুং পি.জি. লেবেল কোর্সশিং পাংথোকপনি।

ফেসিলিতীশিং/সাই সেন্তরশিং শেমগৎপগা মরী লৈনবা ৱারেপশিং তোঙান তোঙানবা ফেক্তরশিংগী মখা পোল্লি, খুদম ওইনা রাজ্য সরকারশিংদগী ফংবা মতিকচাবা প্রপোজেলশিং, ফন্দশিংগী এবাইলেবিলিতী, লোকেল দিমান্দ অসিনচিংবনি। মখা তানা মসিগী এক্সরসাইজ রিস্ত্রক্ত তৌবগী শরুক অমা ওইনা সাইনা মসিগী হৌজিক লৈরিবা স্পোর্তস প্রমোস্নেল স্কিমশিং নৌহৌনা য়েংশিল্লি।

স্পোর্তস ওথোরিতী ওফ ইন্দিয়া (সাই)না তোঙান তোঙানবা চহি কাংলুপশিংদা তেলেন্ত লৈবা স্পোর্তসপর্সনশিং মশক খংদোক্নবা অমসুং নেস্নেল অমসুং ইন্তরনেস্নেল থাক্তা মখোয়বু মতোল লোম্না শেমগৎনবা লৈবাক পুম্বদা মখাগী স্পোর্তস প্রমোস্নেল স্কিমশিং ইমপ্লিমেন্ত তৌরি:

• নেস্নেল সেন্তর্স ওফ এক্সিলেন্স (এন.সি.ও.ই.)
• সাই ত্রেনিং সেন্তর (এস.তি.সি.)
• এস্কতেন্সন সেন্তর ওফ এস.তি.সি.
• নেস্নেল স্পোর্তস তেলেন্ত কন্তেস্ত (এন.এস.তি.সি.)

স্কিমশিং অসি ইমপ্লিমেন্ত তৌনবগীদমক লৈবাক অসিদা এন.সি.ও.ই.শিং, এস.তি.সি.শিং, এক্সতেন্সন সেন্দরশিং য়াওনা পুন্না সেন্তর ১৮৭ মথৌ তৌরি। হৌজিক্কী ওইনা, তেলেন্ত লৈরবা স্পোর্তস পর্সন ৭৭৮০ (নুপা মচা ৪৬৮৮ অমসুং নুপী মচা ৩০৯২) রেসিদেন্সিয়েল অমসুং নন-রেসিদেন্সিয়েল বেসিসতা স্পোর্তস দিসিপ্লিন ৩৪দা ত্রেন তৌরি। সাই স্পোর্তস প্রমোস্নেল স্কিমশিংগী মখাদা মশক খংদোক্লবা স্পোর্তসপর্সনশিং অসি লৈবাক্কী রুরেল, বেকৱার্দ, অমসুং ত্রাইবেল এরিয়াশিং য়াওনা সমাজগী সেক্সন পুম্নমক্তগী লাক্লি।

মখা তারকপদা সরকারনা স্পোর্তসতা চাওনা শরুক য়াবা অমসুং এক্সেলেন্সকী প্রমোসনগী ওইবা পান্দম অনিগা লোয়ননা খেলো ইন্দিয়া প্রোগ্রাম হৌদোক্লে। স্কিম অসিগী মখাদা স্পোর্তস প্রমোত তৌনবা অমসুং স্পোর্তসকী থাক অমদি লৈবাক পুম্বদা স্তেদিয়মশিং, প্লেয়িং ফিল্দশিং, ত্রেকশিং অমসুং স্পোর্তস ত্রেনিং সেন্তরশিং য়াওনা ইনফ্রাস্ত্রকচরগী ওইবা ফেসিলিতীশিং ফগৎহন্নবা তোঙান তোঙানবা প্রোগ্রামশিং হৌদোক্লে।

স্কিম অসিগী মখাদা খেলো ইন্দিয়া স্তেত সেন্তরস ওফ এক্সেলেন্স ৩১ অমসুং খেলো ইন্দিয়া সেন্তর ৯৬০ সপোর্ত তৌরি। স্কিম অসিগী মখাদা একাদেমী ২৬৭ এক্রিদিত তৌখ্রে। স্পোর্তস দিসিপ্লিন ২১ (পারা স্পোর্তস য়াওনা)দা এথেলেত ২৫১০ খেলো ইন্দিয়া এথেলেত (কে.আই.এ.) ওইনা মশক খংদোক্লে।

পাউখুম অসি ঙসি লোক সভাদা য়ুথ এফিয়ার্স অমসুং স্পোর্তস মন্ত্রী শ্রী অনুরাগ সিংহ থাকুরনা পীখিবনি।

****

(Release ID: 1947300)