তেক্সতাইল মন্ত্রালয়
পি.এম.না নই দিল্লীদা নেস্নেল হেন্দলুম দেগী পালন থৌরমদা ৱা ঙাংখ্রে, ভারতিয় বস্ত্রা ইবম শিল্পা কোশ –তেক্সতাইল্স অমসুং ক্রাফসকী ক্রাফ রিপোজিতরী পোর্তেল অমা লোঞ্চ তৌখ্রে
মফম অমা খক্তদা রাজ্য অমসুং জিলা খুদিংমক্কী হেন্দিক্রাফশিং অমসুং হেন্দলুমগী পোত্থোকশিং প্রমোৎ তৌনবা সরকারনা রাজ্যশিংগী কোনুং ওইরিবা সহর খুদিংমক্তা এক্তা মোল শাগৎলি: পি.এম.
সরকারনা ফী শারিবশিংদা মালেমগী খ্বাইদগী চাউবা কৈথেল য়ৌবা ঙমহন্নবা ময়েক শেংলবা লালোং অমগা লোয়ননা থবক পাইখৎলি: পি.এম.
ওগস্ত 7 অসি পি.এম.না ‘নেস্নেল হেন্দলুম দে’ হায়না লাউথোকখিবা অসিনা ফী শারিবশিংনা ভারতকী চাউখৎ খোঙচৎতা শরুক তমখিবা অদু উৎলি: শ্রী পিয়ুশ গোয়ল
পি.এম. অসি মালেম পুম্বগী ওইনা ভারতকী হেন্দলুমশিংগী ব্রান্দ এম্বেসেদরনি: শ্রী পিয়ুশ গোয়ল
হেন্দলুমগী লেগেসী অসি এক ভারত শ্রেস্থ ভারতকী খুদম অমনি: শ্রী পিয়ুশ গোয়ল
লৈবাক শিনবা থুংবদগী হেন্দলুম অমসুং খাদীগী ফী শারিবা মীওই 3,000 না ভারত মন্দপমদা পাঙথোকখিবা থৌরমদা শরুক য়াখি, লৈবাক শিনবা থুংবদা লৈরিবা হেন্দলুম ক্লস্তর 75দগী ফী শারিবা মীওই লিশিং কয়ানা ভর্চুএল ওইনা শরুক য়াখি
Posted On:
07 AUG 2023 4:27PM by PIB Imphal
প্রধান মন্ত্রী, শ্রী নরেন্দ্র মোদীনা ঙসি দিল্লীগী প্রগতি মৈদান্দা লৈবা ভারত মন্দপমদা পাঙথোকপা 9শুবা নেস্নেল হেন্দলুম দেদা ময়াই তাংবল লৌখ্রে অমসুং নেস্নেল ইন্সতিত্যুত ওফ ফেশন তেক্নোলোজিনা দিবেলপ তৌবা ই-পোর্তেল ‘ভারতিয় বস্ত্রা ইবম শিল্পা কোশ – এ রিপোজিতরী ওফ তেক্সতাইল্স এন্দ ক্রাফস’ লোঞ্চ তৌখ্রে। প্রধান মন্ত্রীনা থৌরম অসিদা উৎখিবা একজিবিসন্দা চৎখি অমসুং ফী শাবশিংগা ৱারী-ৱাতাই শাখ্রে।
লৈবাক শিনবা থুংবদগী ফী শাবা অমসুং খুৎ-হৈবা 3000 হেনবনা শরুক য়াখিবা থৌরমদা প্রধান মন্ত্রীনা ভারতকী হেন্দলুম ইন্দস্ত্রীনা শরুক তমখিবগী মতাংদা ফোঙদোকখি অমসুং অরিবা অমসুং অনৌবনা তিন্নবনা ঙসিগী অনৌবা ভারত নৌনা মশক তাক্লি হায়খি। মহাক্না হায়, “ঙসিগী ভারত অসি শুপ্নগী ‘লোকেল ফোর ভোকেল’ খক্তা নত্তে মসিদি মালেম য়ৌনবা গ্লোবেল প্লেৎফোর্ম অমসু পীরি”। স্বাদেশি মুফমেন্তগী মতাংদা পল্লদুনা প্রধান মন্ত্রীনা হায়খি মদুদি মসিদা মপালদগী পুশিল্লকপা তেক্সতাইল বোইকোৎ তৌবা খক্তা নত্তে অদুবু মসিদি ভারতকী নীংতম্বা শেন্মীৎলোনগীদমক ইথিলগী হৌরকফম অমা ওইরি। মহাক্না হায়খি মদুদি মসি ভারতকী ফী শারিবশিংবু মীয়ামগা কন্নেক্ত তৌনবা ইহৌ অমা ওইখি, অমসুং সরকারনা নেস্নেল হেন্দলুম দেগী নুমিৎ খন্নবগী ইথিল মসিনা পীখি।
মনুং হঞ্জিনবা মফমশিংদা লৈরিবা ত্রাইবেল ফুরুপশিংদগী হৌরগা উন্না কুপ্পা চীংশাংদা লৈরিবা মীওইশিং, অমসুং সমুদ্র তোর্বানগী মফমশিংদা লৈবা মীওইশিংদগী হৌরগা লৈকংলাদা লৈবা মীওইশিং লোয়ননা ভারতকী কৈথেলশিংদা ফংলিবা ফিরোল য়াওনা ফিরোলদা মখল মখা কয়া লৈ হায়রদুনা প্রধান মন্ত্রীনা হায়, “ভারত্তা ফিরোলগী ফজরবা চুমথাং অমা লৈ”। মহাক্না ভারতকী মখল মখা কয়াগী ফিরোল অসি এনলিস্ত অমদি কমপ্লাইল তৌবা মথৌ তাই হায়খি অমসুং ‘ভারতিয় বস্ত্রা ইবম শিল্পা কোশ’ হৌদোকপগা লোয়ননা ঙসি মসি মহৈ য়ানবদা নুংঙাইবা ফোঙদোকখি।
তেক্সতাইল সেক্তরগীদমক ইমপ্লিমেন্ত তৌখিবা স্কিমশিং অসিনা সোসিএল জস্তিসকী মরু ওইবা পাম্বৈ অমা ওইরকপদা প্রধান মন্ত্রীনা অপেনবা পোক্লদুনা হায়খি মদুদি মীওই লাখ কয়ানা লৈবাক শিনবা থুংবদা লৈরিবা খুঙ্গংশিং অমসুং সহরশিংদা হেন্দলুমগী থবক তৌরি। অয়াম্বা মীওইশিং অসি দলিৎ, শোত্থরবা, পসমান্দা অমসুং ত্রাইবেল খুন্নাইশিংদগী হায়না ফোঙদোক্লসুনা প্রধান মন্ত্রীনা হায়খি মদুদি সরকারগী খোঙথাংশিংনা শেন্থোক লৈহনবগা লোয়ননা থবক মশিং য়াম্না পীবা হেনগৎহনখি। মহাক্না ইলেক্ত্রিসিতী, ঈশিং, গ্যাস কন্নেক্সন, স্বচ্ছ ভারতকী স্কিমশিংবু খুদমশিং ওইনা পীখি অমসুং হায়খি মদুদি মখোয়না অসিগুম্বা কেম্পেনশিংদগী খ্বাইদগী চাউনা কান্নবা ফংলি।
‘ৱান দিস্ত্রিক্ত ৱান প্রদক্ত’ স্কিমগী মতাংদা ফোঙদোক্লদুনা প্রধান মন্ত্রীনা হায়খি মদুদি জিলা খুদিংমক্তগী অখন্নবা প্রদক্তশিং প্রমোৎ তৌরি। মহাক্না হায়, “অসিগুম্বা প্রদক্তশিং য়োন্নবগীদমক লৈবাক্কী রেলৱে স্তেসনশিংদা অখন্নবা স্তোলশিং হাংলি”। রাজ্য অমসুং জিলা খুদিংমক্তগী পুথোকপা হেন্দিক্রাফ অমসুং হেন্দলুমগী পোৎলমশিং প্রমোৎ তৌনবা ৱান রুফ অমগী মখাদা সরকারনা রাজ্যশিংগী কেপিতেল সিতী খুদিংমক্তা শেমগৎলিবা এক্তা মোলগী মপাংদা পল্লদুনা মসিনা হেন্দলুম সেক্তরগা মরী লৈনবা মীওইশিংদা কান্নবা পীরগনি হায়না মহাক্না ফোঙদোকখি। শ্রী মোদীনা ভারতকী অপুনবগী শক্তম এক্সপরিয়েন্স তৌনবা অমসুং সিঙ্গল রুফকী মখদা রাজ্য অমা হেক্তগী প্রদক্তশিং লৈবা য়ানবা লমকোইবশিংদা খুদোংচাবা অমা পীরিবা স্তেচু ওফ য়ুনিতীদা লৈবা এক্তা মোলগী মতাংদসু পনখি।
GeM পোর্তেল (গভর্নমেন্ত ই-মার্কেৎপ্লেস) অসিদা খ্বাইদগী পীকপা খুৎহৈবা, ক্রাফমেন, নত্ত্রগা ফী শারিবনা মখোয়গী পোত্থোকশিং সরকাআরদা হকথেংননা য়োনবা য়াগনি হায়না প্রধান মন্ত্রীনা ফোঙদোকখি অমসুং ঙসি GeM পোর্তেলদা হেন্দলুম অমসুং হেন্দিক্রাফকা মরী লৈনবা ওর্গনাইজেসন লাখ 1.5 রোম লিঙ্ক তৌখি হায়খি। মহাক্না হায়খি মদুদি হেন্দলুম সেক্তরদা লৈবা মীওইশিংনা দিজিতেল ইন্দিয়াগী কান্নবশিং ফংনবা খোঙথাংশিং পাইখৎলি।
তেক্সতাইল্স, কম্মর্স এন্দ ইন্দস্ত্রী অমসুং কঞ্জুমর এফিয়র্স, ফুদ এন্দ পব্লিক দিস্ত্রিব্যুসনগী কেন্দ্র মন্ত্রী, শ্রী পিয়ুশ গোয়লনা থৌরম হৌদোকপদা মহাক্না তরাম্না ওকপগী ৱারোল পীরদুনা ভারতকী কলচরেল হেরিতেজপু ঙাকশেন্নবগী ৱাখল্লোন চেনবা প্রধান মন্ত্রী শ্রী নরেন্দ্র মোদীবু মহাক্কী মীৎয়েং শান্নবা উবা ঙম্বা লুচিংবগী মতৌবু থাগৎখি। হেন্দলুম অমসুং খাদীগী ফী শারিবশিংগী মহুৎ শিন্দুনা পুক্নিং থৌগৎপা অমসুং লমজিং লমতাকপীবগীদমক মহাক্না তৌবীমল খঙবা উৎখি। শ্রী গোয়লনা প্রধান মন্ত্রীনা 2015দা ওগস্ত 7 অসি ‘নেস্নেল হেন্দলুম দে’ হায়না লাউথোকখিবা অদু নীংশিংখি অমসুং লৈবাক্কী চাউখৎ-থৌরাংগী খোঙচৎতা হেন্দলুমগী ফী শারিবশিংনা শরুক তমখিবা অদু ফোঙদোকখি।
শ্রী গোয়লনা হায়খি মদুদি প্রধান মন্ত্রী অসি মালেম পুম্বগী ইন্দিয়ন হেন্দলুমগী ব্রান্দ এম্বেসেদর ওইরি মরমদি মহাক্না ভারতকী হেন্দলুমগী ওইবা খুদোলশিং মালেমগী লুচিংবশিংদা তোইনা পীরি। শ্রী গোয়লনা হায়খি মদুদি মসিনা ফী শারিবশিংবু শকখঙবীবা খক্তা নত্তনা ভারতকী কলচরবধ মালেম শিনবা থুংবদা শন্দোকপদা মতেংসু পাংলি।
মন্ত্রীনা হায়খি হেন্দলুম সেক্তরনা ভারত্তা অমৃতকাল পীখি। মহাক্না হায়খি #MyHandloomMyPride অসি শুপ্নগী খোলাউ খক্তা নত্তে মসিদি ভারতকী ফী শারিবশিংগী শেন্থোক হেনগৎহন্নবা, মখোয়গী ইকাই খুম্নবা হেনগৎহন্নবা অমসুং মখোয়বু শক্তি পীনবা ইহৌ অমনি। মহাক্না হায়খি খাদীনা ভারতকী নীংতম্বা ইহৌগী খুদম অমা ওইরকখি অমসুং ভারতপু চাউখৎপা অমদি আত্মনির্ভর ওইবা লৈবাক অমা ওইহন্নবা পান্দমদা মরু ওইবা থৌদাং মখা তানা লৌখি।
শ্রী গোয়লনা হায়খি মদুদি ফী শারিবশিং অসি আর্তিস্ত খক্তা নত্তনা চহিচা কয়াগী লৌশিং, স্কিল অমসুং আর্তী লেগেসীবু মাংদা পুখৎলিবা মেজিক্সিয়নসু ওইরি। মহাক্না হায়খি মদুদি হেন্দলুম অসি চৎনবী অমা খক্তা নত্তনা ঐখোয়গী আইদেন্তিতী মশক তাকই মরমদি দিজাইন অমমমনা মীরোল মথং-মথং শন্দোকরপা ৱারীশিং অমসুং ইথিলশিং তাক্লি। মহাক্না লৈবাক্কী তোঙান-তোঙানবা মফমশিংগৌ মমিং লৈরবা হেন্দলুম প্রদক্তশিংগী মতাংদা পনখি অমসুং হায়খি মদুদি হেন্দলুম লেগেসীনা ‘য়ুনিতী ইন দাইভর্সিতী’ অমসুং ‘এক ভারত শ্রেস্থ ভারত’ তাক্লি।
থৌরম অসি তেক্সতাইল্স মন্ত্রালয় অমদি মাইক্রো, স্মোল এন্দ মেদিয়ম এন্তর্প্রাইজেস মন্ত্রালয়না পুন্না পাঙথোকপনি। মাইক্রো, স্মোল এন্দ মেদিয়ম এন্তর্প্রাইজেস কী কেন্দ্রগী মন্ত্রী, শ্রী নারায়ন তাতু রানে; তেক্সতাইল্স অমসুং রেলৱেজকী কেন্দ্রগী রাজ্য মন্ত্রী, শ্রীমতি দর্শানা জর্দোশ; অমসুং মাইক্রো, স্মোল এন্দ মেদিয়ম এন্তর্প্রাইজেসগী কেন্দ্রগী রাজ্য মন্ত্রী, শ্রী ভানু প্রতাপ সিংহ ভর্মানা থৌরম মপু ওইনা লেংশিনখি।
মেগা হেন্দলুম অমসুং খাদী সেলেব্রেসন অসিদা ভারত শিনবা থুংবদগী হেন্দলুম ক্লস্তরশিং, নেস্নেল ইন্সতিত্যুত ওফ ফেশন তেক্নোলোজী (NIFT) কম্পসশিং, ৱেবর সর্ভিস সেন্তরশিং (WSCs), ইন্দিয়ন ইন্সতিত্যুত ওফ হেন্দলুম তেক্নোলোজী (IIHT) কেম্পসশিং, নেস্নেল হেন্দলুম দিবেলপমেন্ত কোর্পোরেসন (NHDC), হেন্দলুম এক্সপোর্ত প্রমোসন কাউন্সিল (HEPC),, KVIC ইন্সতিত্যুসনশিং অমসুং তোঙান-তোঙানবা স্তেৎ হেন্দলুম দিপার্তমেন্তশিংনা অমত্তা ওইনা পুনখি।
থৌরম অসিদা হেন্দলুম অমসুং খাদীগী ফী শারিবা আর্তিসেন 3000 হেনবনা অমসুং তেক্সতাইল & MSME সেক্তরশিংদগী স্তেকহোল্দরশিংনা শরুক য়াখি। থৌরম অসি লৈবাক শিনবা থুংবদা লৈরিবা ক্লস্তর 75দা হেন্দলুমগী ফী শারিবা 7,500 হেনবনা দুর্দরশন্না লাইব ওইনা মীৎয়েং তাখি। হেন্দলুম অমসুং খাদীগী ফী শারিবশিং অসিনা ভারতকী খুৎনা শাজবা মনীশিং উৎখি। একজিবিৎ অসি কোইনা য়েংদুনা চৎপদা ইকাই খুম্নরবা প্রধান মন্ত্রীনা ফজরবা খুৎহৈবগী কলা অমসুং ভারতকী ফী শারিবশিংগী তেলেন্তপু থাগৎখি অমসুং মফম অসিদা তিল্লিবা ফী শাবশিংগা লোয়ননা ৱারী-ৱাতাই শাখি।
"संगठन से सफलता"– ফী শারিবশিংবু শকতি পীবগী ফিল্ম অসিনা হেন্দলুমশিং অসি থবক ফংদবা অমসুং লাইরবা কোকহন্নবা শক্তি লৈরবা খুৎলাই অমা ওইনা উৎখি। তেক্সতাইল্স মন্ত্রালয়না শেমখিবা স্কিলিং, মার্কেতিং অমসুং দিস্ত্রিব্যুসনগী হেন্না ওর্গনাইজ ওইবা অমসুং কন্নেক্তেদ ওইবা ইকোসিস্তেম অমনা মরম ওইরগা ভারতকী ফী শারিবশিংগী পুন্সি অমসুং হীংনবগী লম্বীশিংদা চাউনা কান্নবা পীরি হায়না ফিল্ম অসিনা উৎখি। থবক পীবা অমসুং শেন্মীৎলোনগী মীৎয়েংদগী খাদীগী কান্নবা অমসুং মরু ওইবা উৎলিবা ‘খাদী দোর ফেশন’ কৌবা অখন্নবা ফিল্ম অমা উৎখি।
প্রধান মন্ত্রীনা NIFTনা দিবেলপ তৌবা “भारतीय वस्त्र एवं शिल्पकोष” তেক্সতাইল্স এন্দ ক্রাফ রিপোজিতরী ই-পোর্তেল হৌদোকখি। ওনলাইন রিপোজিতরী অসিনা ফ্যুচরিস্তিক দিবেলপমেন্তশিংদা মীৎয়েং থম্বগা লোয়ননা তেক্সতাইল, ফীরোল অমসুং মরী লৈনবা ক্রাফকী মমাংগী অমসুং হৌজিক্কী স্তেসন শেম্নবা ফ্রেমৱার্ক অমা পীরিবা মখল অসিদা অহানবা নোলেজ প্লেৎফোর্ম অমা ওইনা মথৌ তৌরগনি। ই-পোর্তেল অসি 2017দা তেক্সতাইল্স মন্ত্রালয়বু “ভারতকী ফীরোল মখল মখা কয়ানা লমদম অমমমগী মপাঙ্গল অমসুং অখন্নবা মওংশিং অসি কেতলোগ তৌনবা” প্রধান মন্ত্রী নরেন্দ্র মোদীনা পুথোকখিবা ৱাখল্লোন অমনি। দিজিতেল পোর্তেল অসিনা তেক্সতাইল্স, ক্লোতিং অমসুং ক্রাফকা মরী লৈনবা লমশিংদা রিসর্চ পেপরশিং, কেস স্তদীশিং, দেজর্তেসনশিং অমসুং দোক্তোরেল থেসিসশিং য়াওনা চাউরবা দেতাবেজ অমা এক্সেস তৌবা ফংহনগনি। মসিনা তেক্সতাইল্স অমসুং ক্রাফকা মরী লৈনবা অনৌবা দিবেলপমেন্তশিং অমসুং হৌজিক ওইরিবা ইভেন্তশিংদা ই-পাউ পীনবা ৱান স্তোপ রিসোর্স অমা ওইনা মথৌ তৌরগনি।
প্রধান মন্ত্রীনা লৈবাক শিনবা থুংবদগী এৱার্দ ফংখিবা ফী শাবশিং, কোওপরেতিব সোসাইতীশিং, প্রদ্যুসর কম্পনীশিং অমসুং নুপী সেল্ফ-হেল্প গ্রুপশিংনা পুথোকপা অখন্নবা হেন্দলুম, হেন্দিক্রাফ অমসুং খাদীগী প্রদক্তশিং উৎলিবা অখন্নবা নুমিৎ হুমনিগী একজিবিসন অমসু হৌদোকখি।
নেস্নেল হেন্দলুম নুমিৎকী থৌরমশিংগী শরুক অমা ওইনা লৈবাক অসিগী মফম কয়াদা খোঙথাং কয়ামরুম লৌখৎলে। লৈবাক্কী মফম কয়াদগী হেনদলুম ৱীবরশিং, ইন্তপ্রিনোরশিং অমসুং হেন্দলুম ওর্গনাইজেসনশিংনা ( মরুওইনা হেন্দলুম ৱীবর্স কোওপরেতিব সোসাইতীশিং, এপেক্স সোসাইতীশিংনচিংবা) হেন্দলুমশিং উৎলিবা স্তোলশিং, হেন্দিক্রাফ, লীমোনগী পোৎলমশিং অমসুং লাইব দেমোন্সত্রেসনগী খুত্থাংদা মখোয়না পুথোকচবা হেন্দলুমশিং অমসুং ক্রাফশিং অদু মীয়ামদা উৎনবা হেন্দলুম হাত্তা তিনখি। হেন্দলুম অমসুং হেন্দিক্রাফশিংগী অতোপ্পা একজিবিসন অমনা লৈবাক মফম কবাদগী ৱীবর অমসুং আর্তিশান 160 না কস্তমরশিংগা হথেংননবা পোৎ য়োন্দুনা দিল্লী হাত্তা শিনখি। ভারতকী পাক চাউরবা হেন্দলুম সেক্তর অসিগী মতাংদা নহা ওইরিবা ওদিএন্সশিংগী হেন্না খংহন্নবা নেস্নেল ক্রাফ ম্যুজিয়মদা চয়োল অনিগী অচৌবা এজুকেস্নেল ইনিসিএতিব অমা শিনখি। ইনিসিএতিব অসিনা স্কুল 75দগী লাকপা মহৈরোই 10,000গী মথক্তা ভারতকী হেন্দলুমশিংগী মতাংদা য়াম্না মমুৎতানা খংহনগনি।
***
(Release ID: 1946949)
Visitor Counter : 92