బొగ్గు గనుల వేలం ద్వారా ముందస్తుగా అందిన రూ. 704 కోట్ల రూపాయలను కేంద్ర బొగ్గు మంత్రిత్వశాఖ ఛత్తీస్‌గఢ్, జార్ఖండ్, మధ్యప్రదేశ్, మహారాష్ట్ర, ఒడిశా మరియు పశ్చిమ బెంగాల్ రాష్ట్రాలకు బదిలీ చేసింది. ఈ ఆర్థిక బదిలీ ఆయా  రాష్ట్రాల అభివృద్ధి వృద్ధికి సాధికారత మరియు మద్దతు ఇవ్వడానికి గణనీయమైన చొరవను సూచిస్తుంది.

6వ రౌండ్ మరియు 5వ రౌండ్ కమర్షియల్ బొగ్గు గనుల వేలంలో 2వ ప్రయత్నంలో విజయవంతంగా వేలం వేయబడిన 18 బొగ్గు గనుల కోసం కేటాయించబడిన రూ.704 కోట్ల ముందస్తు మొత్తానికి మొదటి విడతగా చెల్లించారు.

రాష్ట్రాల వారీగా బదిలీ చేయబడిన మొత్తం వివరాలు క్రింది విధంగా ఉన్నాయి:

క్రమసంఖ్య రాష్ట్రం ముందస్తు మొత్తంలో 1వ విడత మొత్తం

1. ఛత్తీస్‌గఢ్ 1,47,18,30,625

2. జార్ఖండ్ 1,30,99,10,684

3. మధ్యప్రదేశ్ 1,88,85,92,781

4. మహారాష్ట్ర 18,75,00,000

5. ఒడిషా 1,99,81,43,795

6. పశ్చిమ బెంగాల్ 18,75,00,000
 

సంపూర్ణ మొత్తము 7,04,34,77,885

బొగ్గు గనుల అభివృద్ధి మరియు ఉత్పత్తి ఒప్పందం యొక్క సంస్కరణ (సీఎండీపీఏ) ఈ ముఖ్యమైన అభివృద్ధికి మార్గం సుగమం చేసింది. బొగ్గు గనుల అభివృద్ధి మరియు ఉత్పత్తి ఒప్పందం యొక్క సంస్కరణ (సీఎండీపీఏ) ప్రకారం..  విజయవంతమైన బిడ్డర్లు బొగ్గు మంత్రిత్వ శాఖకు ముందస్తు మొత్తంలో మొదటి విడతను సమర్పించారు. ముఖ్యంగా, మిగిలిన మూడు వాయిదాలను బిడ్డర్లు నేరుగా ఆయా రాష్ట్ర ప్రభుత్వాలకు సమర్పించి, ఈ రాష్ట్రాల అభివృద్ధికి తమ సహకారాన్ని మరింత విస్తరింపజేస్తారు.

ఈ గణనీయమైన ఆర్థిక ఇన్ఫ్యూషన్‌ను రాష్ట్ర ప్రభుత్వాలు తమ ప్రాంతాల అభివృద్ధికి ఇంధనంగా ఉపయోగించుకుంటాయి. ఇది అవస్థాపన అభివృద్ధి, విద్యా సౌకర్యాలు, ఆరోగ్య సంరక్షణ సేవలు మరియు సంఘాలను ఉద్ధరించడం మరియు సమ్మిళిత వృద్ధిని ప్రోత్సహించడం వంటి వివిధ సంక్షేమ కార్యక్రమాలలో వ్యూహాత్మక పెట్టుబడులను అనుమతిస్తుంది.

వాణిజ్య బొగ్గు గనుల తవ్వకం ప్రారంభమైనప్పటి నుండి..  బొగ్గు రంగం రాష్ట్ర ప్రభుత్వాలకు గణనీయంగా ఆదాయాన్ని అందిస్తోంది. అంతేకాకుండా బొగ్గు గనులు పని ప్రారంభించిన తర్వాత, రాయల్టీలు మరియు నెలవారీ ప్రీమియంల ద్వారా రాష్ట్రాల శ్రేయస్సుకు కూడా దోహదం చేస్తాయి. ఈ గనుల నుండి వచ్చే ఆదాయాన్ని రాష్ట్రాలు తమ ఆర్థిక సామర్థ్యాన్ని అవసరమైన సంక్షేమ కార్యక్రమాలకు, అట్టడుగు వర్గాలను ఉద్ధరించడానికి మరియు ఇతర కీలక అభివృద్ధి ప్రాజెక్టులకు మద్దతు ఇవ్వడానికి ఉపయోగించుకోవచ్చు.

***