کوئلہ کی وزارت نے کوئلہ کانوں کی نیلامی سے حاصل ہوئی 704 کروڑ روپئے کی پیشگی رقم ، کوئلہ پیدا کرنے والی چھ ریاستوں – چھتیس گڑھ ، جھار کھنڈ ، مدھیہ پردیش ، مہاراشٹر ، اڈیشہ اور مغربی بنگال کو ٹرانسفر کر دی ہے ۔ یہ مالیاتی منتقلی ، ان ریاستوں کو با اختیار بنانے اور ان کی ترقیاتی  نمو میں  معاونت  کی غرض سے ایک اہمیت  کی حامل پہل قدمی کی عکاسی کرتی ہے ۔

704 کرو ڑروپئے کے بقدر مختص کردہ رقم ، ان 18 کوئلہ کانوں  کے لئے پیشگی رقم کی پہلی قسط کی نمائندگی کرتی ہے ، جن میں کوئلہ کانوں کی تجارتی  نیلامی کے پانچویں دور کی دوسری کوشش اور چھٹے دور کے تحت کامیابی سے نیلام کیا گیا تھا ۔

رقم ٹرانسفر کرنے سے متعلق  ریاست کے لحاظ سے تفصیلات  درج ذیل ہیں :

کوئلہ کانوں کی ترقی اور پیداوار کے سمجھوتے ( سی ایم ڈی پی اے ) کی اصلاحات کی بدولت ، اس اہمیت کی حامل پیش رفت کے لئے راہ ہموار ہو گئی ہے ۔ سی ایم ڈی پی اے کے مطابق ، کامیاب بولیاں لگانے والے فریقوں نے کوئلہ کی وزارت کو پیشگی رقم کی پہلی قسط جمع کرا دی ہے ۔ قابل ذکر ہے کہ بولیاں لگانے والے فریق ، باقی کی تین قسطوں کو براہ راست متعلقہ ریاستی سرکاروں کے پاس جمع کرائیں گے اور اس طرح ان ریاستوں کی ترقی میں اپنے تعاون میں مزید اضافہ کریں گے ۔

اس بڑی مقدار میں رقم کی حصولیابی  کو ریاستی  سرکاریں اپنے اپنے خطے کی ترقی میں اضافے کے لئے استعمال کریں گی ۔

تجارتی لحاظ سے کوئلہ  کی کانکنی کئے جانے کے بعد سے ، کوئلہ کے شعبے نے ریاستی سرکاروں کی آمدنی میں خاطر خواہ اضافہ کر دیا ہے ۔ اس کے علاوہ ، جیسے ہی کوئلہ کی کان میں پیداوار شروع ہو جاتی ہے ، وہ رائلٹی  اور ماہانہ  پریمیم  وغیرہ کے ذریعہ  ریاست کی خوشحالی میں بھی تعاون کرتی ہیں ۔ ان کانوں سے حاصل آمدنی  کو ، ریاستیں ، لازمی فلاح و بہبود  سے متعلق اپنے پروگراموں کے لئے اپنے مالی وسائل کو مستحکم بنانے کی غرض سے استعمال کر سکتی ہیں ، کمزور اور پسماندہ برادریوں کی زندگیوں کو بہتر بنا سکتی ہیں اور ترقی کے دیگر پروجیکٹوں کی معاونت کر سکتی ہیں ۔

**********

( ش ح ۔  ع م  ۔ ع ا ) 

U.No. 7899